Bakasyon

Natapos na jud ang klase

Mga buluhaton ninghubas na jud

Karon, di nako mugasto para plete

Kay sa balay nalang ko permente.

Ikaw, unsay imong plano?

Wa ba kay balak nga mamahuway

Nga sa akong utok perte man nimong dagan

Gihimo man nuon na nimong tambayan.

Abi man nakog karon kay bakasyon na

Panahon sa ting tulog ug way kaligo

Pero ikaw wa gihapon man niundang, labing samok

Tanan mong pulong galaroy-laroy sa akong utok.

Sama ka man sa ulan,

Gusto ko pero akong gidumtan

Tungod kay ang lapok nga sa akong karsones mupilit

Par’ha nimo, murag sa akong dughan lig-on kaayu kag kapit.

Pero nganong gusto ko man gyud nga permi muulan,

Kay sa katugnaw, ikaw akong himuong unlan.

Ang pagpito sa hangin ug bundak sa uwan sa among atop

Sama sa kagilok sa imong mga hawok.

Pero karong bakasyon, ako pamatia

Ako mupahulay kay ako gikapoy na.

Matapos na ang klase, wa nay basahonon

Pero ikaw, lisod gihapon sabton.

Wala man kay klaro, pagtarong sa diha

Kay tingaleg ig tingklase, makat-on na sab ko.

Dili lang sa pagsabot sa mga teorya nga wa diri, wa didto

Kundi ilabi na sa pagsabot nimo.

Mao na, karon, pagbakasyon na sad ug imo.

//

Show your support

Clapping shows how much you appreciated fatima villanueva’s story.