我唔討論應唔應該攞差佬命(呢個問題冇最終答案而且只會造成抗爭者分化)。如果你有留意到依家算係最激嘅火魔法師,莫講話絕少掟中差人、連警車都好少中,隨時誤中記者嘅次數仲多(見到真係覺得佢唔掟好過)。你點會期望有人(有能力?)令差佬殉職。
點解對家冇人死,答案其實好簡單,因為呢一邊嘅人本來就好善良,就算係最激進或者把口好毒嘅人,都未有殺人嘅心理同技術準備。
點解南韓以前啲畫面咁震撼,係因為南韓男人都要服兵役,至少學過掟手榴彈唔好掟錯方向炸死自己人先。呢個亦都係英國同中國兩大殖民主都冇打算喺香港徵兵嘅原因之一。