續上回離開北馬其頓，坐夜車大約3–4小時，話咁快到左我是次「巴爾幹再臨」行程既最後一個國家希臘了!

講到希臘，多數人都會諗起聖托里尼的純白小屋，愛琴海的迷人沙灘，同埋雅典的壯嚴神殿

但希臘比我更深印象的，反而係果個古老既傳說 — — — — —

傳說係雅典，有一名少女某天被弓箭貫穿心臟，引起了全民公憤，於是守護少女的5位少年戰士，為拯救少女，奮不顧身地直衝向敵人的大本營

佢地走上一層又一層既樓梯，一層又一層，一層又一層……一直去到黃道十二宮…………..

Wa武器嚟ga? 個名咁惡魔城ge??
係就好呀! 呢個Millennium Cross成66米高，扔出去一定係最強超必!!!!
得啦唔好癲啦~

北馬其頓呢個中文譯名「千禧十字」或「千年之十字架」既地方，係政府為慶祝基督教Happy 2000而建的，位於北馬其頓首都Skojpe的最高點Vodno Mountain的Krstovar peak之上，係世界上其中一個最大的十字架，幾乎係Skojpe市內任何地方都可以清楚見到

雖然我對宗教興趣唔大，不過旅行經驗之談就係「高處一定有好野!」點都上去望望啦~

交通方面

只需到跨境巴士總站旁的local bus station坐25號車就可以順利去到~
不過出名好自由既北馬其頓巴士佬邊會咁順灘，遲到早走15分鐘係常事………
我咪就係受害者law!!!!!!!!!!!!!!

問下北馬其頓當地人「唔知Skopje近郊有咩靚風景睇下呢?~」

得到既答案都係同一個 — — — — 馬特卡峽谷Canyon Matka

「哎也Canyon Matka係個靚山谷中間有條水咁好靚ga!」

感覺就好似相睇前對方介紹個女仔既特點係有眼耳口鼻咁，聽到都無任何反應wor師兄

難得去到外國，夜生活當然係唔少得啦~

係卡拉OK Disco夜店舞會紅燈區，不斷左擁右抱、左右開弓、左右手……….邊度關我事~

對我嚟講，係陌生國度的夜晚當然係睇夜景啦!!!!!

位於山丘上的城堡古蹟Skopje Fortress，離遠睇都知係欣賞華光夜景的一流地點~

更估唔到會意外遇上紅霞映襯，把原本已極迷人的燈火再添艷麗

係時候開始我係呢個陌生國度 — — — — 北馬其頓首都「斯科普里」Skopje的闖盪見聞了~

承《漫遊保加利亞9》的尾段，早上5點由保加利亞的Bansko巴士總站出發先回Sofia，再買飛轉車，下晝2點終於到達Skopje中央車站~

上面都講過我sim卡用唔到，唔緊要~ 搵個information centre問下人囉地圖先~~~

喂，無wor師兄

Information centre呢家野平時唔需要就成日見，一要搵佢就唔知去左邊……..

仲要我google map唔記得download定地圖，亦唔知我而家身處既係城市既邊一忽……… 呢種迷失於異鄉既情況真係好耐無試過啦~~~

不過話哂都唔係第一次有呢d情況，定一定神，有大路行大路，跟著人潮一路向北，5分鐘左右已見到路牌指住前方Centre，準呀!

北馬其頓，一個講出嚟有人會以為係非洲既國家，但我既保加利亞之旅，突然就轉左去北馬其頓呀!!!!

上回尾段講過苦思緊聽日既旅程去邊好，望到google map — — — — 北馬其頓與保加利亞西方接壤，過去唔太難ja wor，數數手指嚟個幾日快閃trip都仲夠時間~

最重要係呢個國家仲未被遊客過度開發，又一個對香港人來說非常冷門的國度!

發掘冷門旅遊國家一向係我呢個blog的宗旨~

計劃趕不上變化，一於大改行程，離開保加利亞，向呢個巴爾幹半島中部內陸小國「北馬其頓共和國」進發啦!

(p.s. 我到步時為2018年12月27日，當時和希臘的爭執未完，國名仍為「馬其頓」，到我離開後個幾月就改名了。為免大家誤會，此系列遊記一律用返現有國名「北馬其頓」)

(圖為國家象徵地標 : 北馬其頓廣場的亞歷山大大帝銅像)

開始遊 …

尋晚連夜趕嚟Bansko呢個保加利亞山中小城既目的只有一個!!!!

我好想滑雪呀教練!!!!!!!!!!

5年前係列支敦士登，曾經有一個好好既滑雪機會而我無好好珍惜，到離開左之後先後悔莫及，人世間既苦痛莫過於此

好彩唔使等一萬年，我而家就去會一會你!!!! 等我呀大雪山!!!!!

深圳都有得滑雪啦! 做乜鬼要走到咁遠ar衰鬼!

梗係有著數啦~

嚟保加利亞滑雪有兩大優點，第一個 — — — — 平!

好似我咁租塊Snowboard+鞋+雪褲都係45lev = $200，即係話如果自備雪褲或對自己個蘿友硬度好有信心的話，真係百零蚊港紙就有鞋有板! 平過去海洋公園呀!

記得前一回《飢荒平安夜》最尾同自己講過我第二日一定要食返九大簋!

今朝早餐就食左個超豐富buffet啦，但里拉修道院果個垃圾意粉實在想反佢枱，所以總覺得唔係好夠喉，係要officially食餐好食餐勁ge!

數數手指，旅程已經來到第5日，我竟然仲未食過保加利亞既傳統餐廳!? (free food tour果幾塊麵包唔計啦)

好啦~ 今晚既目標明確了!

上回講到我大約9點幾嚟到Bansko，立刻就衝出街睇下有咩食啦~ 以我係Sofia的經驗，保加利亞的餐廳好多都開到幾夜下，所以都唔太擔心又要餓~

果然even聖誕節正日但已經有好多食肆營業返，但寧寧捨捨就有呢間「Obetsanova mehana」不停有人湧入幫襯，仲要睇落唔少係本地家庭，直覺話我知係好野，一於試下妳啦~