【北馬其頓速遊5】 千年之十字架Millennium Cross
Wa武器嚟ga? 個名咁惡魔城ge??
係就好呀! 呢個Millennium Cross成66米高，扔出去一定係最強超必!!!!
得啦唔好癲啦~
北馬其頓呢個中文譯名「千禧十字」或「千年之十字架」既地方，係政府為慶祝基督教Happy 2000而建的，位於北馬其頓首都Skojpe的最高點Vodno Mountain的Krstovar peak之上，係世界上其中一個最大的十字架，幾乎係Skojpe市內任何地方都可以清楚見到
雖然我對宗教興趣唔大，不過旅行經驗之談就係「高處一定有好野!」點都上去望望啦~
交通方面
只需到跨境巴士總站旁的local bus station坐25號車就可以順利去到~
不過出名好自由既北馬其頓巴士佬邊會咁順灘，遲到早走15分鐘係常事………
我咪就係受害者law!!!!!!!!!!!!!!
終於都要坐的士上去，講價後大約$90港幣，感覺略貴，但原來車程都要廿分鐘以上，同上山頂凌霄閣差不多，所以都算Ok啦~
落車只係山腰位置，需要係度再轉乘纜車先上到十字架
但要注意纜車的開放時間，因為根據日子有機會「開半個鐘，停半個鐘」的!
冬天回程尾班纜車更係4點9早到嘔!
錯過左既唔該自己碌落山plz~
大十字的真面貌
由old town起程，總交通時間都差不多超過1小時，我終於嚟到呢個Skopje的最高點Millennium Cross了!!!!
係山下遠睇覺得佢細細地十足神父手揸果d，忘記左遠睇都咁清晰既話近睇一定……………………wa個十字架好巨大好壯觀呀!!!!!!!!!!
山頂的確好靚，但係………
好凍呀!!!!!!!!!!!!!!!!!
話哂都叫歐洲既冬天，話哂都海拔1066m高過鳳凰山，所謂高處不勝寒，我著住羽絨都變雪條，又要撒亞幪面超人上身了…………..
之不過呢處既風景真係好靚!
不只能俯瞰整個Skopje，更連城市外的森林郊野河川都一覽無遺~
長煙一空，皓月千里，真係有心曠神怡，寵辱偕忘既感覺~
加上山上四處綠草如茵，好天氣時上嚟露個營野個餐，把酒臨風，真係其喜洋洋呢~
好~ 岩岩呢段不停偷《岳陽樓記》嚟用扮哂好文采咁，唔錯~
講真呀我原本對呢個地方係無咩期望的，心諗最多都係阿拉木圖果個hea山頂咁既風景而已
誰不知竟然非常震撼! 完全有登泰山而小天下之感!
如果唔係天氣太凍既分分鐘係草坡上飲支酒訓個覺hea一日~
同埋我發現呢處既定位應該係一家大細開心樂園，非常多for小朋友既遊玩設施
個細既係度放電，你就上嚟叉電，perfect ar~
=============================================================
阿拉木圖山頂個樣，可參考《過境哈薩克 — 阿拉木圖一日漫步》~
=============================================================
好啦話咁快我既北馬其頓遊記就到尾聲了!
其實嚴格嚟講只係Skopje+周邊的遊記，呢個國家仲有好多好正既地方未見識，無辦法啦時間所限，記住我只係臨時改Plan到訪3日ga ja……..
一於留返有機會再嚟啦~ 我超勁想去Bitola 同Ohrid Lake遊湖呀!!!!!!!!
下回~
新國家 — — — — — 希臘我嚟啦!!!!!!!!!!
- 這五篇Skojpe遊記的景點地圖 — — — — — —
====================
- Millennium Cross相關介紹網頁 :
- http://www.exploringmacedonia.com/millennium-cross.nspx
- https://www.discoveringmacedonia.com/2019/skopje-millennium-cross-day-trip/
====================
IG果邊間中會有d和Blog及fb page不一樣的相片和story，大家有興趣既去follow下支持下啦~
==============================
- 相關篇章 :
================================
我既Youtube Channel正式開通啦!!!!
快d Click入 「鋒加西亞 / 旅人瘋語」Subscribe 睇片再禁個like啦!~
岩岩開始，完全未有人睇呀~
=================================
- Email : funggarcia@gmail.com
- www.facebook.com/Garcia.in.Germany
文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!!
