ბიტკოინის ღირებულების მოდელირება შეზღუდული ემისიის გათვალისწინებით

9 min readJan 6, 2020

ბიტკოინის ღირებულების მოდელირება შეზღუდული ემისიის გათვალისწინებით

სტატია-ორიგინალის — Modeling Bitcoin’s Value with Scarcity — თარგმანი, რომელიც გამოქვეყნებულია PlanB-ის მეცნიერ-ეკონომისტთა მიერ

შესავალი

სატოში ნაკამოტომ 2008 წლის 31 ოქტომბერს [1] გამოაქვეყნა დოკუმენტი, რომელიც აღწერდა ბიტკოინს. მან შექმნა ბიტკოინის ბლოკის გენეზისი (პირველი) 2009 წლის 3 იანვარს და გამოსცა ბიტკოინის კოდი 2009 წლის 8 იანვარს. ასე ჩაეყარა საფუძველი გზას, რომელმაც დღეისათვის მიგვიყვანა ბიტკოინის საბაზრო კაპიტალიზაციამდე 70 მლრდ დოლარის (BTC) ოდენობით.

ბიტკოინი — პირველი იშვიათი ციფრული ობიექტია, რომელიც სამყაროს ოდესმე უნახავს. ის ისევე იშვიათია, როგორც ოქრო და ვერცხლი. მისი გაგზავნა შესაძლებელია ინტერნეტის, რადიოს, თანამგზავრის და ა.შ. მეშვეობით.

„გააზრებული ექსპერიმენტის სახით წარმოიდგინეთ, რომ არსებობს საბაზისო ლითონი, რომელიც ისევე იშვიათია, როგორც ოქრო, მაგრამ მას ახასიათებს შემდეგი თვისებებიც: ის მოსაწყენი რუხი ფერისაა, ელექტროობის ცუდი გამტარია, მისი გამძლეობის დონე დაბალია […], რომელიც გამოუსადეგარია რაიმე პრაქტიკული თუ დეკორატიული მიზნებისათვის… მაგრამ ის ფლობს ერთ განსაკუთრებულ, მაგიურ თვისებას: მისი გადაცემა შესაძლებელია კავშირგაბმულობის არხებით“ — ნაკამოტო [2]

უდავოა, რომ ასეთ ციფრულ იშვიათობას გააჩნია ფასეულობა. მაგრამ, რას წარმოადგენს ეს ფასეულობა? ამ სტატიაში მე რაოდენობრივად ვაფასებ ბიტკოინის ფასეულობას, ვსარგებლობ რა მარაგის მოდინებასთან თანაფარდობით და მარაგი-მოდინება თანაფარდობას ვიყენებ, რათა მოვახდინო ბიტკოინის ღირებულების მოდელირება.

იშვიათობა და მარაგი მოდინებასთან მიმართებაში

ლექსიკონები ჩვეულებისამებრ განსაზღვრავენ იშვიათობას, როგორც „სიტუაციას, რომელშიც რაიმეს პოვნა ან მიღება რთულია“ და „რაიმე კონკრეტული არ არსებობს“.

ნიკ სზაბო იშვიათობას განმარტავს ჩვენი კვლევისათვის უფრო მისაღები განსაზღვრებით: იშვიათობა, ესაა „უტყუარი სიძვირე“.

„რა აქვს საერთო ანტიკვარიატს, დროსა და ოქროს? ისინი ძვირადღირებულია ან მათი თავდაპირველი ღირებულების ძალით, ან მათი ისტორიის წარმოუდგენლობის გამო, ან იმით, რომ ამ ფასეულობათა გაყალბება რთულია. [..] მსგავსი „უტყუარი სიძვირის“ ციფრულ ფორმატში რეალიზაციასთან დაკავშირებით წარმოიქმნება გარკვეული პრობლემები. თუ ამ პრობლემების დაძლევა შესაძლებელია, ჩვენ შევძლებთ შევქმნათ ციფრული ოქრო“ — სზაბო [3]

„ძვირადღირებულ ლითონებსა და კოლექციონირების საგნებს გააჩნიათ იშვიათობა, რომლის გაყალბება შეუძლებელია მათი შექმნის სიძვირის გამო. ოდესღაც, სწორედ ეს ანიჭებდა ფულს ამგვარ ფასეულობას, რომელიც მნიშვნელოვანწილად დამოუკიდებელი იყო რომელიმე მესამე მხარისგან. [..] [მაგრამ] თქვენ არ შეგიძლიათ ონლაინშესყიდვების გადახდა ძვირადღირებული ლითონებით. მაშასადამე, ძალიან კარგი იქნებოდა, თუკი იარსებებდა პროტოკოლი, რომლის შესაბამისადაც ქსელში შესაძლებელი გახდებოდა გაუყალბებელი ძვირადღირებული ბიტების შექმნა, სანდო მესამე მხარეზე მინიმალური დამოკიდებულებით. შემდეგ შესაძლებელი იქნებოდა მათი უსაფრთხოდ შენახვა, გადაცემა და გაანალიზება ანალოგიური მინიმალური ნდობით. ესაა ბიტ ოქრო.“ — სზაბო [4].

ბიტკოინს გააჩნია უტყუარი სიძვირე, რადგანაც ახალი ბიტკოინების საწარმოებლად საჭიროა დიდძალი ელექტროენერგია. ბიტკოინების წარმოების იოლად გაყალბება შეუძლებელია. მიაქციეთ ყურადღება იმას, რომ ასე არაა ფიატური ფულის, აგრეთვე ალტკოინების შემთხვევაში, რომელთაც არ გააჩნიათ მიწოდების ზღვარი, ისინი არ ექვემდებარებიან proof-of-work (PoW)-ის პროტოკოლს, გააჩნიათ ჰეშრეიტის დაბალი დონე, ან ადამიანთა თუ კომპანიების მცირედ ჯგუფებს იოლად შეუძლიათ გავლენის მოხდენა მათ მიწოდებაზე და ა.შ..

სეიფედინ ამმუსი საუბრობს იშვიათობაზე მარაგი-მოდინების (SF) თანაფარდობის თვალსაზრისით. ის განგვიმარტავს, რომ ოქრო და ბიტკოინი გამოირჩევიან სახარჯო მასალებით, როგორიცაა სპილენძი, თუთია, ნიკელი, თითბერი; იმით, რომ მათ გააჩნიათ მაღალი SF.

„ნებისმიერი სამომხმარებლო საქონლისათვის […] გაორმაგებული მოდინება სწრაფად გადააჭარბებს არსებული მარაგების მოცულობას, რომლის შედეგადაც ფასები მკვეთრად დაეცემა, ხოლო რეზერვების მფლობელები დაკარგავენ თავიანთ დაბანდებებს. რაც შეეხება ოქროს, წლიური წარმოების გაორმაგების შედეგად ფასების მატება უმნიშვნელო იქნება, რეზერვები გაიზრდება სამი პროცენტით ნაცვლად ერთნახევრისა.“

„ოქროს მიწოდების სწორედ ეს უცვლელი დაბალი დონე წარმოადგენს იმის ძირითად მიზეზს, რითაც მან შეინარჩუნა თავისი ფულადი როლი კაცობრიობის მთელი ისტორიის მანძილზე.

„ოქროს მარაგის მოდინებასთან მაღალი თანაფარდობა აქცევს მას ფასის მიხედვით მიწოდების ყველაზე დაბალი ელასტიკურობის მქონე საქონლად“.

„ბიტკოინის არსებული მარაგი 2017 წლისათვის შეადგენდა დაახლოებით 25-ჯერ მეტს, ვიდრე 2017 წელს გამოცემული ახალი მონეტები. ასეთი თანაფარდობა ჯერ კიდებ ორჯერ ნაკლებია, ვიდრე ოქროს SF-ი, მაგრამ დაახლოებით 2022 წლისათვის ბიტკოინის მარაგის მოდინებასთან თანაფართობა გადააჭარბებს ოქროს ამ მაჩვენებელს“.

- ამმუს [5]

ამგვარად, იშვიათობა რაოდენობრივად შეიძლება განისაზღვროს SF-ის მიხედვით.

SF=მარაგი/მოდინება

მარაგი — ეს არის არსებული მარაგების ანუ რეზერვების ზომა. მოდინება — ეს არის წარმოების წლიური მოცულობა. SF-ის ნაცვლად ადამიანები ასევე იყენებენ მიწოდების ზრდის ტემპს (მოდინება/მარაგი). მიაქციეთ ყურადღება, რომ SF=1/მიწოდების ზრდის ტემპი.

მოდით, ვნახოთ SF-ის ზოგიერთი ციფრები.

ოქროს ყველაზე მაღალი SF გააჩნია — 62, ოქროს მიმდინარე მარაგის მისაღებად საჭიროა 62 წელი. ვერცხლი მეორე ადგილზეა, რომლის SF შეადგენს 22-ს. მაღალი SF მათ აქცევს ფულად საქონლად.

პალადიუმს, პლატინას და მოხმარების ყველა სხვა საგნებს გააჩნიათ 1-ზე მცირედით მეტი SF-ი. არსებული მარაგები, ჩვეულებისამებრ, ტოლი ან უფრო დაბალია, ვიდრე წარმოების წლიური მოცულობა, რაც წარმოებას ძალიან მნიშვნელოვან ფაქტორად აქცევს. მოხმარების საგნებისათვის თითქმის შეუძლებელია უფრო მაღალი SF-ის მიღება, რადგანაც როგორც კი ვიღაც მოახდენს მათ აკუმულირებას, ფასები გაიზრდება, რაც გამოიწვევს წარმოების ზრდას და შედეგად, ფასების ვარდნას. ძალიან რთულია თავი დავაღწიოთ ამ ხაფანგს.

ამჟამად ბიტკოინს გააჩნია 17,5 მლნ მონეტის მარაგი, ხოლო მოდინება შეადგენს 0,7 მლნ-ს წლიურად, რაც იმას ნიშნავს, რომ SF ტოლია 25-ის. ეს ბიტკოინს აყენებს ფულადი საქონლის კატეგორიაში, როგორიცაა ვერცხლი და ოქრო. ბიტკოინის საბაზრო ღირებულება მიმდინარე ფასებში შეადგენს 70 მლრდ დოლარს.

ბიტკოინების „წარმოება“ ფიქსირებულია. ახალი ბიტკოინები იქმნება ყოველ ახალ ბლოკში. ბლოკები იქმნება ყოველ 10 წუთში (საშუალოდ), როცა მაინერი პოულობს ჰეშს, რომელიც აკმაყოფილებს PoW-ს, რაც საჭიროა ვალიდური ბლოკის შესაქმნელად. ყოველ ბლოკში პირველი ტრანზაქცია, რომელსაც ეწოდება coinbase, შეიცავს ჯილდოს მაინერისათვის, რომელმაც იპოვა ჰეში და, მაშასადამე, შექმნა ეს ბლოკი. ბლოკისათვის ჯილდო შედგება საკომისიოსგან, რომელსაც მოსარგებლეები იხდიან ამ ბლოკში ტრანზაქციისათვის და ახლად შექმნილი მონეტებისგან (ე.წ. სუბსიდია). სუბსიდია თავდაპირველად 50 ბიტკოინის ტოლი იყო და ნახევრდება ყოველ 210,000 ბლოკისთვის (დაახლოებით ერთხელ 4 წელიწადში). აი, რატომაა „ჰალფინგი“ (სუბსიდიის ზომის ორჯერ შემცირება რეგულარულად) ძალიან მნიშვნელოვანი ბიტკოინების ფულადი მასისა და SF-სთვის. ორჯერ შემცირება აგრეთვე განაპირობებს იმას, რომ მიწოდების ზრდის ტემპები (ბიტკოინის კონტექსტში, რომელსაც ჩვეულებისამებრ „მონეტარული ინლაცია“ ეწოდება) იქნება საფეხურებრივი და არა მწყობრი (ნარნარი).

მარაგი მოდინებასთან მიმართებაში და ფასეულობა

ამ კვლევაში ჰიპოთეზა მდგომარეობს იმაში, რომ იშვიათობა, რომელიც იზომება SF-ის დახმარებით, პირდაპირ ახდენს გავლენას ღირებულებაზე. ზემომოცემულ ცხრილზე დაკვირვება ადასტურებს, რომ ტენდენციით საბაზრო მაჩვენებლები უფრო მაღალია, როცა უფრო მაღალია SF. შემდეგი ნაბიჯია მონაცემთა შეგროვება და სტატისტიკური მოდელის შექმნა.

მონაცემები

მე გამოვთვალე ბიტკოინის ყოველთვიური SF და მისი ფასი 2009 წლის დეკემბრიდან 2019 წლის თებერვლის ჩათვლით (სულ, 111 მონაცემთა წერტილი). თვეში ბლოკების რაოდენობა შეიძლება ცხადვყოთ უშუალოდ ბიტკოინის ბლოკჩეინიდან Python/RPC/bitcoin-ის დახმარებით. ბლოკების ფაქტობრივი რაოდენობა რამდენადმე განსხვავდება თეორიულისგან, რადგანაც ბლოკები იქმნება არა ყოველ 10 წუთში (მაგალითად, 2009 წელს, ბიტკოინის არსებობის პირველ წელს, მნიშვნელოვნად ნაკლები ბლოკები იყო). გექნებათ რა ინფორმაცია თვეში ბლოკების რაოდენობასა და ბლოკისათვის სუბსიდიის ზომაზე, თქვენ შეძლებთ გამოთვალოთ მოდინაბა და მარაგი. მე შემოვიღე შესწორება დაკარგულ მონეტებზე, თვითნებურად მოვახდინე რა პირველი მილიონი მონეტის იგნორირება (7 თვის) SF-ის გაანგარიშებისას. დაკარგულ მონეტებზე უფრო ზუსტი შესწორება შემდგომი კვლევების საგანი იქნება.

ბიტკოინებზე ფასების შესახებ მონაცემები ხელმისაწვდომია სხვადასხვა წყაროებით, მაგრამ იწყება 2010 წლის ივლისიდან. მე დავამატე პირველი ცნობილი ფასები ბიტკოინზე (1 დოლარი 1309 BTC-ზე — 2009 წლის ოქტომბერი, პირველი კოტირება 0,003 აშშ-ის დოლარის ოდენობით BitcoinMarket-ზე — 2010 წლის მარტი, 2 პიცა 41 აშშ დოლარის ოდენობით 10,000 ბიტკოინზე — 2010 წლის მაისი) და ვაწარმოე ინტერპოლაცია. მონაცემთა არქეოლოგია მომავალი კვლევების საგანი იქნება.

ჩვენ უკვე გვაქვს მონაცემები ოქროსა (SF 62, საბაზრო ღირებულება 8,5 ტრლნ აშშ დოლარი) და ვერცხლისათვის (SF 22, საბაზრო ღირებულება 308 მლრდ აშშ დოლარი), რომლებსაც მე ორიენტირად ვიყენებ.

მოდელი

საბაზრო ღირებულებაზე SF დამოკიდებულების პირველი წერტილოვანი დიაგრამა გვიჩვენებს, რომ საბაზრო ღირებულებისათვის უკეთესია გამოვიყენოთ ლოგარითმული მნიშვნელობები, ვინაიდან ისინი მოიცავს ჯერად 8 სიდიდეებს (10,000 დოლარიდან 100 მლრდ დოლარამდე). ლოგარითმული მნიშვნელობის ანუ ღერძის გამოყენება SF-თვის ასევე გვიჩვენებს კარგ წრფივ კავშირს SF ლოგარითმსა და საბაზრო ღირებულების ლოგარითმებს შორის. მიაქციეთ ყურადღება, რომ მე ვიყენებ ნატურალურ ლოგარითმს (ln-ს, რომლის ფუძეა e), და არა ჩვეულებრივ ლოგარითმს (log, რომლის ფუძეა 10), რომლებიც მოგვცემდა მსგავს შედეგებს.

მონაცემებზე წრფივი რეგრესიის მორგება ადასტურებს იმას, რისი ნახვაც შეიძლება შეუიარაღებელი თვალითაც: სტატისტიკურად მნიშვნელოვანი თანაფარდობა SF-სა და საბაზრო ღირებულებას შორის (95% R^2, მნიშვნელობა F 2.3E-17, p-დახრილობის მნიშვნელობა 2.3E-17). ალბათობა იმისა, რომ კავშირი SF-სა და საბაზრო ღირებულებას შორის შემთხვევითია, მიისწრაფვის ნულისკენ. რა თქმა უნდა, სხვა ფაქტორებიც მოქმედებს ფასზე, როგორიცაა: რეგულირება, ჰაკები და სხვა ახალი ამბები, ამიტომ R^2 არ არის 100%-ის ტოლი (ანუ ყველა წერტილი არ იმყოფება სწორ შავ ხაზზე). მიუხედავად ამისა, დომინირებად ფაქტორად მაინც რჩება იშვიათობა / SF.

ძალიან საინტერესოა ის, რომ ოქრო და ვერცხლი, რომლებიც წარმოადგენენ აბსოლუტურად სხვა ბაზრებს, შეესაბამება ბიტკოინის მოდელის მნიშვნელობებს SF-თვის. ეს დამატებით ნდობას ანიჭებს მოდელს. მიაქციეთ ყურადღება, რომ ხარების ბაზრის პიკზე 2017 წლის დეკემბერში ბიტკოინის SF შეადგენდა 22-ს, ხოლო ბიტკოინის საბაზრო ღირებულებამ შეადგინა 230 მლრდ დოლარი, რაც ძალიან ახლოსაა ვერცხლის ღირებულებასთან.

რადგანაც ჰალფინგი გავლენას ახდენს SF-ზე, მე თვეები განვათავსე მომდევნო ჰალფინგამდე ფერების დასმით გრაფიკზე. მუქი-ცისფერი — ეს ჰალფინგის თვეა, ხოლო წითელი — მომდევნო თვე ჰალფინგის შემდგომ. შემდეგ ჰალფინგს ადგილი ექნება 2020 წლის მაისში. მიმდინარე SF 25 გაორმაგდება 50-მდე, რაც ძალიან ახლოსაა ოქროსთან (SF 62).

მიმოქცევაში არსებული ბიტკოინების პროგნოზირებადი ერთობლივი საბაზრო ღირებულება 2020 წლის მაისის ჰალფინგის შემდეგ მიაღწევს 1 ტრლნ დოლარს, რაც შეესაბამება თითოეული ბიტკოინის ფასს 55000 დოლარის ოდენობით. ეს შთამბეჭდავია. ჩემი ვარაუდით, ამას დრო გვიჩვენებს და ჩვენ ამას, ალბათ, გავიგებთ ჰალფინგის შემდეგ ერთ ან ორ წელიწადში — 2020 ან 2021 წელს. ეს ამ ჰიპოთეზისა და მოდელის შესანიშნავი ტესტი იქნება.

მე მეკითხებიან, საიდან შეიძლება მოვიდეს ფული, რომელიც აუცილებელია 1 ტრლნ ბიტკოინის საბაზრო კაპიტალიზაციისათვის? ჩემი პასუხია: ვერცხლი, ოქრო, უარყოფითი საპროცენტო განაკვეთის მქონე ქვეყნები (ევროპა, იაპონია, მალე აშშ), ქვეყნები მტაცებლური მთავრობებით (ვენესუელა, ჩინეთი, ირანი, თურქეთი და ა.შ.), მილიარდერები და მილიონერები, რომლებიც ახდენენ რაოდენობრივი შერბილების (QE) რისკების ჰეჯირებას და ინსტიტუციური ინვესტორები, რომლებმაც აღმოაჩინეს ყველაზე ეფექტიანი აქტივი ბოლო 10 წლის განმავლობაში.

SF-ის დახმარებით ჩვენ ასევე შეგვიძლია მოვახდინოთ ბიტკოინის ფასის მოდელირება პირდაპირ. ფორმულას, რასაკვირველია, გააჩნია სხვა პარამეტრები, მაგრამ შედეგები იგივეა: 95% R^2 და ბიტკოინის პროგნოზირებადი ფასი 55000 დოლარის ოდენობით და 50-ის ტოლი SF-ით 2020 წლის მაისის ჰალფინგის შემდეგ.

მე ავაგე გრაფიკები SF-ის საფუძველზე ბიტკოინის მოდელის ფასისა (შავი ფერით) და ბიტკოინის ფაქტობრივი ფასებისა დროთა განმავლობაში, დავამატე რა ბლოკების რაოდენობაზე ინფორმაცია ფერადი ფენის დასმით.

მიაქციეთ ყურადღება შესაბამისობის დონეს, განსაკუთრებით ფასების თითქმის დაუყოვნებლივ კორექტირებას 2012 წლის ნოემბერის ჰალფინგის შემდეგ. 2016 წლის ივნისის ჰალფინგის შემდეგ კორექტირება ბევრად შენელებული იყო, ალბათ, Ethereum-ისა და DAO ჰაკის მხრიდან კონკურენციის გამო. გარდა ამისა, თქვენ შეგიძლიათ აღნიშნოთ თვეში ბლოკების ნაკლები რაოდენობა (ცისფერი გამოსახულებით) პირველი წლის (2009) განმავლობაში და სირთულის დონის კორექტირებების დროს 2011 წლის ბოლოს, 2015 წლის შუა პერიოდში და 2018 წლის ბოლოს. GPU-ზე 2010–2011 წლებში მაინინგისა და ASIC მაინერების გამოჩენამ 2013 წლებში მიგვიყვანა თვეში ბლოკების რაოდენობის გადიდებასთან (წითელი გამოსახულებით).

ხარისხობრივი კანონები და ფრაკტალები

ასევე ძალზე საინტერესოა ის, რომ იკვეთება ურთიერთკავშირი ხარისხობრივ კანონთან.

წრფივი რეგრესიის ფუნქცია:

ln (საბაზრო ღირებულება) = 3.3 * ln(SF) + 14.6

… შესაძლებელია ჩაიწეროს ხარისხობრივი დამოკიდებულების ფუნქციის სახით:

საბაზრო ღირებულება = exp(14,6) * SF ^ 3,3.

ხარისხობრივი კანონის არსებობის შესაძლებლობა R^2 95%-იანი სიდიდით 8 ჯერად სიდიდეებზე ამყარებს ნდობას იმაში, რომ რომ ბიტკოინის მნიშვნელობის ზრდის ძირითადი დრაივერი მართებულადაა დაფიქსირებული SF-ის დახმარებით.

ხარისხობრივი კანონი — ეს თანაფარდობაა, რომელშიც ერთი სიდიდის შეფარდებითი ცვლილება იწვევს მეორე სიდიდის პროპორციულ შეფარდებით ცვლილებას, დამოუკიდებლად ამ სიდიდეების თავდაპირველი ზომისა [6]. ყოველი ჰალფინგის შემდეგ, ბიტკოინის SF ორმაგდება, ხოლო საბაზრო ღირებულება იზრდება 10-ჯერ — ეს მუდმივი კოეფიციენტია.

ხარისხობრივი კანონი საინტერესოა იმით, რომ ნათელს ჰფენს ძირითად კანონზომიერებას, რომელიც, როგორც ჩანს, შემთხვევითი რთული სისტემის საფუძველში დევს. დანართებში თქვენ შეძლებთ იხილოთ ხარისხობრივი კანონების ზოგიერთი ცნობილი მაგალითები. რთულ სისტემებს ჩვეულებისამებრ გააჩნიათ თვისება, რომელთა წყალობითაც სხვადასხვა მასშტაბების მოვლენებს შორის ცვლილებები არ არის დამოკიდებული მასშტაბებზე, რომლებსაც ჩვენ ვაკვირდებით. თვითმსგავსების ეს თვისება საფუძვლად უდევს ხარისხობრივი კანონის დამოკიდებულებას. ჩვენ ამას ვხედავთ ბიტკოინში: 2011, 2014 და 2018 წლების კრახი ძალიან ერთგვაროვნად და ერთმანეთის მსგავსად გამოიყურება (ყველა ისინი ახდენს 80%-იანი ვარდნის დემონსტრირებას), მაგრამ სრულიად სხვადასხვა მასშტაბებში (შესაბამისად, 10, 1000, 10000); თუ თქვენ არ სარგებლობთ ლოგარითმულ სკალას, თქვენ ამას ვერ დაინახავთ. დისპერსიისა და თვითმსგავსების სკალას კავშირი აქვს ფრაქტალებთან. ფაქტობრივად, პარამეტრი 3.3 ხარისხობრივ ფუნქციაში ზემოთმოცემულ ცხრილში, წარმოადგენს „ფრაქტალურ სიდიდეს“. ფრაქტალებზე დამატებითი ინფორმაციის მისაღებად წაიკითხეთ პოპულარული კვლევები სანაპირო ზოლების სიგრძეზე [7].

დასკვნა

ბიტკოინი — პირველი დეფიციტური ციფრული ობიექტია, რომელიც ფლობს იშვიათობის თვისებას, რაც კი ოდესმე უნახავს სამყაროს, ის იშვიათია ვერცხლისა და ოქროს მსგავსად და შესაძლებელია მისი გაგზავნა, ინტერნეტით, რადიოთი, თანამგზავრით და ა.შ..

ბუნებრივია, რომ ამ ციფრულ იშვიათობას გააჩნია ფასეულობა. მაგრამ როგორია ეს? ამ სტატიაში მე რაოდენობრივად ვაფასებ იშვიათობას, ვიყენებ რა მარაგის მოდინებასთან თანაფარდობას და ვსარგებლობ მარაგები-მოდინებით, რათა მოვახდინო ბიტკოინის ფასეულობის მოდელირება.

აქტივის მარაგებსა და საბაზრო ღირებულებას შორის სტატისტიკურად მნიშვნელოვანი კავშირი არსებობს. ალბათობა იმისა, რომ მარაგი-მოდინებასა და საბაზრო ღორებულებას შორის თანაფარდობა განპირობებულია შემთხვევითობით, ნულთან ახლოსაა.

ნდობა მოდელში ამატებს შემდეგ ფაქტორებს:

· ოქრო და ვერცხლი, რომლებიც აბსოლუტურად სხვა ბაზრებია, SF მნიშვნელობით შეესაბამება ბიტკოინის მოდელს.

· აშკარად ჩანს კავშირი ხარისხობრივ კანონთან.

მოდელი პროგნოზირებს ბიტკოინების ერთობლივ საბაზრო ღირებულებას 1 ტრლნ დოლარის ოდენობით 2020 წლის მაისის ჰალფინგის შემდეგ, რაც შეესაბამება ყოველი მონეტის ფასს 55000 დოლარის ოდენობით.

ლიტერატურა:

[1] https://bitcoin.org/bitcoin.pdf — Satoshi Nakamoto, 2008

[2] https://bitcointalk.org/index.php?topic=583.msg11405#msg11405 — Satoshi Nakamoto, 2010

[3] https://unenumerated.blogspot.com/2005/10/antiques-time-gold-and-bit-gold.html — Nick Szabo, 2008

[4] https://unenumerated.blogspot.com/2005/12/bit-gold.html — Nick Szabo, 2008

[5] The Bitcoin Standard: The Decentralized Alternative to Central Banking — Saifedean Ammous, 2018

[6] https://necsi.edu/power-law

[7] http://fractalfoundation.org/OFC/OFC-10-4.html

დანართები:

კეპლერი (პლანეტები)

კეპლერის მესამე კანონი: მზის გარშემო პლანეტების მოქცევის პერიოდთა კვადრატების შეფარდება ორბიტის დიდი ნახევარღერძების კუბებთან მუდმივი სიდიდეა.