孟母三遷 vs Tina from Vallejo

係Code for America 嘅 Summit, 感受最深嘅其中一件事就係係一個關於警民關係嘅分享。有一個令我好深印象。

係Oakland 北面有個小城市叫Vallejo,裡面多數係窮人居住,治安好差,成日都有入屋行劫發生,連差人都冇法解決。

啲差人當然有苦衷,加州財困,學喜記老闆話齋,「哪有錢?你老母!」

係依個時候,一個有三個小朋友嘅Tina媽媽剛剛搬到Vallejo,就俾人入屋搶劫。好在冇咩受傷,但係都嚇餐飽。佢覺得好嬲,唔想自己嘅小朋友係咁嘅環境長大。就聯合其他鄰居,組織左一支巡邏隊,分析左邊到入屋行劫最嚴重,就重點巡邏當地。

係佢開始左佢個計劃兩個月,就有百幾個鄰居加入左巡邏隊,兩年之間就將社區變成一個安全嘅社區。故事最後當然係BBQ,Tina 做左警察一員,政府又威威左,個社區又少左罪犯。

咁我作為一個華人,教育子女其中一個典範,就係孟母三遷嘅故事。孟子細個住嘅地方係殯儀館,孟子就學「壞」哂,孟子阿媽就搬到城市裡面,點知仲衰,學埋啲老粗。最後佢地搬到學校附近,就掂哂喇。

華人就係俾依啲儒家思想教到有問題就係逃避,走佬,唔識解決問題。難怪中國只係難民輸出者,唔會有難民想去安居樂業。我地香港人就唔同,幾多人想黎,就係好多香港人一直都可以見招拆招,就係我地唔會走左去,點都死掂佢。對老闆我地都可以咁,對香港嘅問題,我地一樣可以死掂佢。

Like what you read? Give Gilbert Wat a round of applause.

From a quick cheer to a standing ovation, clap to show how much you enjoyed this story.