ورقه سودا .. بيضا باذن الله ☺

ورقه سوده كبيره .. ف وسطها عدد قليل جدا من نقط بيضا .. دي مش صوره المجتمع المصري بس .. دي صوره العالم كله ع بعضه .. النقط البيضا هي الناس ال عايزه تغير ف العالم .. ال عندهم احلام .. ال عايزين يعملو فرق ☺ .. للاسف دايما السواد يحب يطغي .. دايما الناس الروتينيه ال عاجبهم حالهم بيثبطو من النقط البيضا .. ويحبطو فيهم ..يا اصحاب التفكير العقيم : ال عالم كله اتبني اصلا ع ايدي النقط البيضا -_- .. انا مش فاهم ليه لما تقول لحد انا عندي حلم عايز اعمل كذا يكون الجاوب دايما “ ابقي تعالي قابلني .. حلمك حلو بس مستحيل .. ياما حاولو قبلك وماعرفوش .. احلم ع قدك ..خليك ف كليتك دلوقتي بعدين ابقي احلم براحتك “ وغيرها م الردود ال ممكن بسببها حاجه كبيره جدا كانت هتحصل .. ماتحصلش :/ .. عمر الابداع الداخلي ماهيطلع وسط ناس كل همهم هوه قمع الابداع ! ..خد مثال تافه نسبيا بس انا هقوله عشان معظم الناس عارفينه .. كلنا عارفين علي ربيع .. تفتكر لو اشرف عبد الباقي خلي علي ربيع التزم بنص السيناريو بالظبط ف المسرحيات كانت الناس هتحبه ؟ .. طب اسمع مسرحيه ليه وشوف الحتت ال التزم فيها فعلا بالنص .. هتلاقيها ممله جدااا وماتضحكش !!.. لكن المشاهد ال بيرتجل فيها هيه ال فعلا بتضحك وهيه ال حببت الناس فيه .. وهيه ال جابتله عرض فيلم ميزانيته ملايين زي كابتن مصر ! .. ده مثال تافه .. انا ماقلتش غاندي.. انا ماقلتش ستيف جوبز .. انا ماقلتش الواد بتاع ذا وولف اوف وول ستريت .. ف الحقيقه انا ماقلتش حبيبك وحبيبي سيدنا محمد عليه الصلاه والسلام ☺ .. كل الناس حاربته .. وشاف كل انواع الاذي .. لكنه استمد قوته من ربنا وبالتالي ربنا نصره وحقق حلمه .. احنا مهما وصل ايماننا مش هيبقي زيه فللاسف تثبيط الناس بياثر فينا ! ..الخلاصه : اصحاب التفكير العقيم يقعدولنا شويه ع جمب بقي عشان الواحد زهق .. هنعمل الفرق باذن الله وهنخلي الصفحه كلها بيضاا .. اما بالنسبه للنقط البيضا فلما يجي حد يقولك “مش هتقد… “ .. حط ايدك ف وشه ف اللحظه دي وقوله “ ماتكملش .. مادام وصلت للمرحله دي .. ماتكملش “ .. مسا مسا ☺ ..

One clap, two clap, three clap, forty?

By clapping more or less, you can signal to us which stories really stand out.