【你錯因為你唔識經濟學系列】:本土研究社問點解二手居屋仲貴過一手?
Sep 6, 2018 · 3 min read

本土研究社D嘢好多係錯,但D人照Share,黠解?原因係你Share嘅過程中根本無用過腦
老實講,本土研究社啲嘢其實唔係全錯,問題係佢亦同時將好多錯嘢加埋入去混淆視聽,例如將官商合營吹到五萬億呢個脫離現實嘅數字,又或者9吹政府「迫人置業」;而面對問題質詢,本土研究社而家個策略係「挑軟避硬」,一啲低質嘅右膠就用盡全力去打;真真正正有道理嘅右派質疑卻又扮睇唔倒。
「樓市怪談:二手居屋仲貴過一手?」就係本土研究典型民粹式起題。其實二手居屋價貴過一手有乜奇?一個係依靠「六合彩式」抽籤作限量限價分配,差價由政府補貼之餘仲要愈貼愈多;一個響半公開市場容許以價格競爭,咁好自然二手居屋售價最終一定會超越一手居屋──呢個就好似好多DSE經濟科趣題咁,你會覺得某啲現象奇怪係因為你無用經濟學角度分析件事──但好可惜嘅係,呢種源自無知嘅錯覺,而家卻因為仇富同對政府唔信任而被包裝成…

