【年青人政黨抹黑年青人係一個咩玩法;為咗谷維園捐款額,你眾志班撚屌竟然走去搵學生祭旗】(Medium加長版)

https://www.facebook.com/piggyreporter/posts/975804265929352

香港眾志之前拍咗段片( https://goo.gl/rEoY6d),暗串00後學生對六四一無所知,仲特登用咗兩個女學生話「坦克清場?Err……都OK嘅」黎做結尾個Bite,結果引來超過5000個Share瘋狂傳閱之餘,亦令班學生被瘋狂攻擊。

好彩豬心記者繼續查訪,先完全重組番件事:原來香港眾志響訪問果陣並無表明自己係政治組織,同果對女學生講會打格結果無打,剪輯上已完全無顧及到女學生當時只係急住走求其亂答就算,簡單黎講,就係砌生豬肉+網絡欺凌

今舖亦可以話係一個新聞傳理系嘅教科書級案例:莫講話採訪最忌斷章取義、亦唔應該令受訪對象感到煩擾而令答案出現誤差(除非你係想做尻佢),作為一個學生出身嘅團體,竟然連最基本保護學生嘅道德守則都無

講真成個宣傳計劃果兩條片亦好有問題:先批鬥00後揶揄佢地無知,然後再搵兩件Miss出黎話唔緊要,最緊要由我地教番好佢地,成條橋係老屎忽過老屎忽,就好似支那會咁,成件事一定要由上而下嘅,一定係由老嘢幫後生開竅嘅,一撚定要係薪火相傳嘅

如果係咁,當初成班學民思潮做乜撚JACK?咪等教協同家長關注組搞掂哂咪得囉,當日就係因為教協無能畏首畏尾,學生覺得要自救先自會成立學民思潮之嘛,做乜而家又行番回頭路,旨意班老師拯救「無知細路」?點解唔可以由你地眾志呢班後生仔同呢班學生一齊去找尋六四嘅真相同意義所在?

然後我又諗,果陣學民思潮果班學民仔,無論係行事方法定係心態目標,真係單純啲、有種赤子之心。但一去到香港眾志,好明顯就係有班成年人混入咗去,用好多老屎忽愛用嘅公關邪道去谷大規模:由抄Logo、亂作圖老屈中史科必修會累到其他科目大減時數、搵區諾軒呢隻爛鴿作為眾志Plan B、搵女成員扮到Model咁Sell Tee(結果又比人捉倒係抄)、再去到今日搵學生祭旗抹黑00後,全部都滲透一種老奸巨滑嘅味道。我唔想諗係當日呢班學民仔經已被飯民大台腐化,而寧願諗呢個政治組織嘅幕後操盤手,可能已變咗係肥佬黎果班大人。

最後亦好感慨:記者人工而家賤過地底泥,好多人都已忘記咗,原來傳媒都係一項專業。

當然,由當年《明報》周瑮、去到唔接受訪問就走去爆粗抹黑人嘅《蘋果》張嘉雯,基本上記者呢個朵經已比主流媒體搞歪哂,所以今時今日個個以為揸枝咪拎部Cam走落街就係媒體判官,完全唔理自己拍出黎嘅報導會有咩後果,亦係好正常嘅事

    無神論者的巴別塔

    Written by

    相信巴別塔存在的人,其實都是真心相信神的人

    Welcome to a place where words matter. On Medium, smart voices and original ideas take center stage - with no ads in sight. Watch
    Follow all the topics you care about, and we’ll deliver the best stories for you to your homepage and inbox. Explore
    Get unlimited access to the best stories on Medium — and support writers while you’re at it. Just $5/month. Upgrade