拒絕道歉的老世代(一):幾十歲人,連道句歉都唔撚識

細個教落,做咗事要道歉係基本中嘅基本,而道歉最重要係真誠,如果你由頭到尾都唔忿氣就不如唔道好過。要分辨個道歉係咪真誠,最簡單就係睇下個道歉最後有無拿番咋沙,一有呢PART成個道歉可以唔撚駛睇。

而估唔到,《城寨》三條友加埋百幾歲,竟然連一啲咁基本嘅家教都無,呢班老屎忽仲想撚化後生,我真係想問有咩資格。

首先劉細良果個所謂道歉其實都經已好有問題。佢話自己「講大咗」,但佢強烈暗示杜汶澤可以平時反共,但關鍵時刻唔撐馮檢基一樣可以收共產黨錢、話田蕊妮係「肥田」、呢個根本就係「講錯咗」;如果佢係代埋陶君行道歉就簡直係「惡意抹黑」,完全同「講大咗」牛頭不搭馬嘴,跟住講到一半又分享自己被鄭經翰迫害轉移視線兼搏同情──我唔否認呢個係一個高超嘅公關處理手法,但唔係一個衷誠嘅道歉囉。

之後徐少驊加段嘢又係好笑兼離譜。首先佢話「細良的道歉很大度」,即係依我對人情世故嘅理解,從來只有接受道歉嘅人先有資格話人「道歉很大度」,就算你徐少驊客觀上黎講無加入陶劉二人嘅抹黑行列,但既然堅持自己沒有割席,咁你又憑乜嘢走去評論人地道歉有幾「大度」?

有好多人讚徐少驊響一眾抹黑之間保持清醒,其實佢先係最古惑果個:佢話自己將「原片」上載還完,但點解唔講成集《城寨》由一開始就不斷響無證據之下不停攻擊馮檢基話佢收共產黨錢?如果真係睇「上文下理」,你地三條友就係不停響度推論呢個果個響下次選舉可能鎅票,跟住先會提到杜汶澤呢個名、將佢作為「鎅票」候選人之一,呢樣你唔講?都唔好講你唔加入抹黑行列,就係因為你當日有同共產黨Make Deal以保住大陸生意為由加入反佔中行列,廢事比人挖出黎講──依陶君行邏輯,你點可能唔係收咗共產黨錢?講到咁「大度」,點解唔同大家分開當日你向共產黨跪低、被迫做「鬼」嘅經過?

但最撚好笑嘅都係,徐少驊響邊「公道文」結尾懶中立話希望「民主派和本土派有機會坐下來探討香港的出路」,但佢響同一集節目講咗啲乜?

「我覺得你係繼續要攻擊呀基架,我覺得你係要應該繼續攻擊阿基同埋果班本土派﹗」來源: 27/11/18 「奪命 Loudzone」1/3 (26:22開始)

坐低傾?定坐低比你徐少驊攻擊?點解呢啲老屎忽成日都可以觀冕堂皇現在的我打到幾個鐘前的我而完全唔面紅?道歉死撐、巧言令色、

但當然要講到最經典嘅道歉負面教材、最無恥嘅道歉,都要講到陶君行。即係之前我曾講笑咁剪咗一段片話如果陶君行真係想死撐,佢話自己響成段抹黑內容入面有提過「我覺得有啲奇怪」、「我唔知係唔係」兩句就得,你估唔到佢真係照辦煮碗用呢樣嘢黎死撐;然後又響文章末段反唇相稽「你都有暴力恐嚇我」,擺明就係唔順氣攞番個尾彩之餘,仲暗示如果唔接受今次道歉,後果自負。

我好明白點解杜汶澤會接受呢啲咁不倫不類嘅道歉,因為陶君行就係暗示,你有頭有面嘅公眾人物,我卻係過氣社運流氓,我同你打爛仔交,蝕底果個係你──當然客觀黎睇,呢個陰險卻精明嘅做法,係不得不比番啲掌聲佢;問題卻係,你廢陶最鍾意企響道德高地話呢個果個「壞人」,又要用老屎忽態度黎批判後生痴痴呆呆(真實對白),但自己卻連最基本嘅一個道德舉措:誠心道歉都做唔倒。

香港由呢班死不認錯嘅老屎忽主導,又點會有運行?

    無神論者的巴別塔

    Written by

    相信巴別塔存在的人,其實都是真心相信神的人

    Welcome to a place where words matter. On Medium, smart voices and original ideas take center stage - with no ads in sight. Watch
    Follow all the topics you care about, and we’ll deliver the best stories for you to your homepage and inbox. Explore
    Get unlimited access to the best stories on Medium — and support writers while you’re at it. Just $5/month. Upgrade