香港足球聯賽 不是沒出路,而在有錢沒人(Medium加長版)
Sep 1, 2018 · 6 min read

前言:每當有人提到香港職業足球,無不都係以極其悲觀角度分析、視之為夕陽產業,也難怪梁孔德可以魚目混珠大談「港足無前途、應發展大灣區聯賽」黎為中港融合政策開路。
其實只要提出一項數據,經已可以將呢種論述全面駁倒:就係如果港超聯真係如此不濟,點解每一年港超聯嘅球隊班費卻可以屢創新高?新近蘋果報導「特權球隊」(其實我唔知有乜特權)富力班費突破5000萬,傑志先有科蘭後有施素高,一個「行將就木、無乜出路」嘅聯賽,累積班費會以億元計算?一個頂級本地球員年薪可以過百萬?
我響文章入面就住點解球場無人入場,但老闆卻樂於投資呢個奇特現象提出幾個推論,你同唔同意係唔緊要,但而家港超聯根本唔需要擔心資金方面嘅運作卻係事實,真正要解決嘅係「有錢無人睇」呢個問題,而我亦唔相信將香港球隊加入大灣區、甚至中甲聯賽(中超你就唔駛旨意)可以解決倒。

