
10月31日係有雙重特殊意義:除咗831兩週月嘅悼念日,亦係萬聖節──雖然一邊係悼念一邊係慶祝好似好矛盾,但呢個亦正正係香港嘅特色:從來無人強制你去悼念,每個人都可以有自由去過自己喜愛嘅生活。甚至乎即我對萬聖節係毫無興趣、亦從來唔會去蘭桂坊慶祝,但萬聖節扮鬼湊熱鬧依娃鬼叫,但我仍然認為呢個節日經已成為同香港密不可分嘅一部份。
然而往日呢個華洋共慶嘅節日卻變成政府眼中釘:唔單止今時今日任何有機會聚集大量群眾嘅地方,響殺紅了眼嘅警方心目中都變成非法集結,而萬聖節大肆變裝、扮鬼扮馬嘅傳統,就更加係變相挑戰《反蒙面法》嘅權威。

