我知大家諗緊乜，你條友咁樣嘆慢板咁寫法，寫到普京退休你都未寫完啦！唔會喎，敘事唔係我強項，我好快就會乾塘，之後都會跳住嚟寫，per event basis。其實就算我想，我都冇咁嘅能耐將三年嘅嘢當日記咁寫出嚟，你估我係司馬遷咩；呃稿費/clap冇你哋諗得咁易㗎。
上次講到：我喺東大門街頭，俾個韓妹連人帶冰咁狠狠撞咗一嘢，佢杯思樂冰，後來證實係刨冰，杰噠噠嘅綠色糖漿，好似鬼口水咁撻咗喺我件白色polo上面。我心一句「死八婆」口一句「屌」，手忙腳亂咁想撥走身上啲鬼口水，點知越撥越大撻。我稍稍抬頭啤住條韓妹，咁啱呢個時候佢亦抬頭望一望我。
吖！
我知我嘅文字功夫力有不逮，我嘗試吓去形容：我見到一張俏麗嘅鵝蛋面，淡掃蛾眉，雙眸粲粲如星（唔好意思查老前輩），一頭及肩嘅one length秀髮，嘴角散發住幾分少女嘅俏皮。佢大約五呎七八左右，同佢高䠷身型唔配合嘅係嗰股衝力，我懷疑佢有運內功，我有少少俾佢撞到腦震盪，呆立當場。
請移玉步往 Patreon 繼續閱讀；感謝！
呢個系列有啲篇幅會係members only，但唔會係全部，我會盡量維持喺一個月三幾篇嘅members only文章，等免費用戶都有機會去選擇睇我嘅嘢（非會員每個月有三篇quota）。不過都係嗰句：寫稿佬都要食飯㗎，除非你真係好討厭我嘅文字，否則我都希望你會clap吓我啲文，尤其係members only嗰啲。俾clap又唔使你俾錢，當幫補吓我啲涯夜寫稿咖啡錢啦；感激不盡，多謝！
