_早餐

一次體驗生活活動,其中一節是"分組煮食".
這完全觸動了我的神經.

我深刻記得,前幾年有一次gathering需要煮野食.
有人曾經問過我:"你得唔得架?"
(好彩我唔記得係邊個^^)

眾所周知,我是一個非常小氣的人:)
但我同時也是一個非常自知的人.

假如你問我講法文得唔得,我直接臉紅;
你問我打網球得唔得,我告訴你我球拍都拎唔起;
你問我彈結他得唔得,我直頭唔敢出聲啦...

但我小學3年級已經要自己煮飯食了.

爸爸媽媽要工作,下午校的我每天起來做功課看看電視後,就要下米煮飯了.
那時也嘗試了煎蛋,炒罐頭肉丁這些初階菜.
當然試過沒有洗鑊而弄出有肉丁味/有黑點的蛋,但那都是失敗中的進步.

我煎了近30年蛋了.

我相信都得掛?^^

這次難得有機會給我去證實自己識煮野食,可以光耀門楣,我當然會好好準備.
機會只得一次,假如衰了,下次有人煮野食我必須自覺走開了.
所以我非常認真.

晚餐部份由隊友負責,我就不操心了,女仔點都比我要細心,一定好食的:)
我負責可以自選的早餐.

準備時間只有45分鐘,我必須選擇快靚正的菜式.
然後我寫好了下列4道:

--------------------------
*游水北海道大虎蝦
*自家製福島溏心蛋
*有機原隻加州薯蓉
*無添加宜蘭純豆漿
--------------------------

(7am)

*游水北海道大虎蝦
-其實只是街市$50一兜的蝦
-前一天下班才買(想新鮮d),放了一塊大冰,地鐵車廂裡一路流水
-早上解凍,剝殼挑屎去蝦頭,放滾水煮一陣就得,超容易
-(本來應該插竹籤煮的,不會捲,看上去大隻d;但忘記帶)
-壓碎蝦頭,加coffee cream(麥當勞任取),糖,燒酒,牛油(增加濃度),煮成汁
-橙色增食慾,甜甜的,有濃烈蝦香,大家都好喜歡^^

*自家製福島溏心蛋
-其實只是街市$1隻雞蛋(賣蛋阿姨說雞蛋好)
-放水煮滾,超超超容易
-(要間中搞下,不讓蛋黃傾埋一邊)
-但時間控制好難(因為要蛋黃不熟)
-拿了一隻做實驗,失敗了
-所以乾脆全熟算了
-但太簡單不吸引食客,所以用蜜糖(麥當勞任取),牛油(增加濃度),煮成汁
-甜甜的,與蛋味好配合,大家都好喜歡^^

*有機原隻加州薯蓉
-其實只是街市$14有6隻馬鈴薯
-批皮洗乾淨,切件滾水煮,超超超簡單
-煮好(要變軟),加入牛油,麥當勞任取的coffee cream,搞呀搞呀搞...
-不要搞太碎,有少少薯粒口感會好些
-更可以點蝦頭汁/蜜糖汁吃,不同味道
-大家都好喜歡^^

*無添加宜蘭純豆漿
-其實只是街市$7斤黃豆
-前一晚已經要用冷水浸,早上才會軟(賣豆阿姨說不要用熱水)
-盡量壓碎(其實用搞拌機會快超級多,但...體驗嘛...^^)
-加糖放滾水煮
-(期間要撥走d泡)
-煮好用網隔豆渣
-這個需要最多時間,但都算容易;大家都好喜歡^^

*感謝幫過我手壓黃豆的^^

--------------------------

這次早餐,我只準備了6人份(因為分組嘛).
控制份量是好重要的,因為我沒有太多錢買多餘的材料...
也沒有多餘的時間做更多(45分鐘呀!):p
而且我煮多了又無人食就是浪費.
所以,是剛好(我好開心架).

其實,煮野食並不難,只是你會否去試,try & error.
你一直都不試下洗米煮飯,你一直都會覺得識洗米煮飯的人好勁.
勁條春咩...你懶就懶啦...

"我想煮一餐好食的早餐給自己那組"
(所以,我對自己友真係好好的^^)

有了這目標,我一直好認真對待這件事.
問媽媽心得,問選材要領,準備工具,步驟細節,時間掌控...
期間不斷試味調整,上菜前再度加熱,擺放配色...
我都是全神貫注極度投入的.
我是一個好認真的人.

然後我好留心你們吃時的表情^^

看著你們的喉嚨抖了一下,"嗯,好食~!"

這話,就算只有一個兩個對我說,我都非常滿足呀~!
我用心煮,就是要煮給相信我的您:)
那麼,多辛苦都值得^^
(我是極需要人讚那種小孩)

煮食要用心去煮,自然有人喜歡吃.
做人也一樣:)

謝謝相信+肯定過我的那幾位:)