777–689=88? 究竟香港有幾多人真係會移民?

“The way to get started is to quit talking and begin doing.” – Walt Disney

真心問(唔係串)某部分人,當你見到777當選,你好唔開心,即時update你fb status話 “香港玩完啦,要認真搞移民。” 究竟有幾多成係純粹怨下,有幾成係真係認真?

由雨傘運動完開始,我就時不時會見到一啲好唔滿意香港geh fb status, 話要走呀,要離開呀,香港大陸化呀頂唔順乜乜乜。我當初見到咁geh情況,真係好傻豬咁覺得好多香港朋友仔會走,但係隔左一年,兩年,到今日,我見到當年話會決心離開香港的朋友,喺777當選嗰日又再次喺facebook話要決心離開香港呢個無將來的城市。我忍唔住心諗,你真係會走?

最近我有位朋友,明明有機會移民澳洲但佢選擇返香港。佢當初都係因為唔鍾意香港所以走,我問佢點解唔留低,佢一開始有啲含糊冇真係講咩原因,後嚟就有啲敷洐甘話因為屋企人就甘帶走左個話題。我一路唔明白點解唔鍾意香港,覺得香港冇將來但有機會離開都要揀返去。

後嚟我一位朋友(簡稱L)同我講開關於佢同佢男朋友點解唔分手geh一番話,啓發左我。

佢同佢男朋友一齊左好耐,亦去到談婚論嫁geh地步,但其實大家有時會各有各搵食。我嗰時好蠢甘問左句 “甘點解唔索性分手搵過第二個?”L話 “因為懶同怕麻煩。”重新去開始一段關係的確係幾煩,你又要由扮細食,扮斯文開始做起,又要重新經歷磨合期到可以舒服自由係佢面前打隔放屁真係需要不少時間精力。搞移民亦都係一樣,又要搞文件又要搵工又要錢又要考試等等。俾你搞掂曬所有呢啲嘢成功過去又要搵地方住又要重新適應環境又要重新認識新朋友。其實搞移民,最容易可能已經係金錢嗰part,但望住自己户口嗰啲零…….發現搞移民最容易最唔煩嗰part其實好很煩。去轉台灣都用左我成個月人工,移民去澳美英歐加紐……呃,都係算喇。

移民就同減肥一樣,個個都話會做架喇,十個人可能有一兩個真係會成功,有三四個一開始會好努力之後就無聲氣,其餘個啲得把口…..

講到尾,人其實都係怕麻煩架啦。搞移民?有時間喺屋企煲劇睇oppa好過啦。

Like what you read? Give LT.Wong a round of applause.

From a quick cheer to a standing ovation, clap to show how much you enjoyed this story.