WordPress ແມ່ນຫຍັງ ແລະ ວິທີຕິດຕັ້ງ WordPress ຮ່ວມກັບຖານຂໍ້ມູນຈາກ MySQL

ຫຼາຍຄົນທີ່ຄິດຈະສ້າງເວັບ ແລະ ຍັງບໍ່ຮູ້ຈັກ Wordpress ກໍມັກເກີດຄວາມຄິດທີ່ວ່າ: ຂຽນໂຄ້ດຫຼາຍໂພດ, ຫຍຸ້ງຍາກ, ໃຊ້ເວລາດົນ ແລະ ອື່ນໆ ອັນເປັນສາເຫດເຮັດໃຫ້ບໍ່ເກີດຄວາມຄິດທີ່ຈະສ້າງເວັບ. ແລະມື້ນີ້ ແອັດມິນ ຈະມາແນະນຳວິທີສ້າງເວັບຂອງຕົນເອງແບບງ່າຍໆສະບາຍໆດ້ວຍ Wordpress ແຕ່ກ່ອນອື່ນມາທຳຄວາມຮູ້ຈັກກັບ Wordpress ກ່ອນເລີຍ:

https://wordpress.org/

ຖ້າຈະໃຫ້ເລີ່ມຈາກປະຫວັດຂອງ WordPress ແບບເຕັມໆຄືຈະຍາວແນ່ນອນ ແຕ່ຈະເລົ່າຫຍໍ້ໆໃຫ້ຟັງໃນຫົວຂໍ້ຕໍ່ໄປ ແຕ່ຖ້າຢາກສຶກສາຫຼາຍກ່ອນນີ້ ແອັດມິນ ຈະແປະລິ້ງໃຫ້ເຂົ້າໄປອ່ານເອງເລີຍ ^.^ (ປະຫວັດWordpress)

WordPress ແມ່ນຫຍັງ??.

WordPress ເປັນ open source web software ທີ່ເຮົາສາມາດຕິດຕັ້ງເທິງເວັບ server ຂອງພວກເຮົາເພື່ອສ້າງເວັບໄຊ, blog ຫຼື community ຕອນສ້າງຂຶ້ນມາໃໝ່ໆ Wordpress ເປັນເຄື່ອງມືໃຊ້ສຳຫຼັບສ້າງ blog ແຕ່ໄດ້ຮັບການພັດທະນາມາເລື່ອຍໆຈົນສາມາດສ້າງເປັນເວັບໄຊ ຫຼື ເວັບ community ໄດ້ແລ້ວໂດຍມີລະບົບຈັດການບົດຄວາມ ຫຼື Content Management System (CMS) ເຮັດໃຫ້ງ່າຍຕໍ່ການໃຊ້ງານເຊິ່ງ WordPress ສ້າງຂຶ້ນໂດຍ Matt Mullenweg ແລະ Mike Little ໃນປີ 2003 ນັບວ່າມີການພັດທະນາມາໄດ້ 9ປີແລ້ວ.

ເປັນຫຍັງຕ້ອງເລືອກໃຊ້ WordPress.

  1. ໄດ້ຮັບຄວາມນິຍົມສູງສຸດໂດຍມີຍອດດາວໂຫຼດຫຼາຍກວ່າ 140ລ້ານກວ່າດາວໂຫຼດ.
  2. ບໍ່ມີຄ່າຕິດຕັ້ງໃນການດາວໂຫຼດ.
  3. ມີບໍລິສັດຊັ້ນນຳລະດັບໂລກເລືອກໃຊ້ເຊັ່ນ: ວາລະສານ Forbes, ສຳນັກຂ່າວ CNN, ຊີ່ລີ້ດັງ Walking Dead ເປັນຕົ້ນ.
  4. ມີທີ້ມໃຫ້ດາວໂຫຼດຫຼາຍກວ່າ 2000ທີ້ມ ມີລູກເລ່ນໃຫ້ໃຊ້ຫຼາຍກວ່າ 27000ອັນ ທີ່ສຳຄັນ ຟຣີ.
  5. ໃຊ້ງານໄດ້ງ່າຍໂດຍທີ່ບໍ່ຕ້ອງມີຄວາມຮູ້ທາງດ້ານ IT.

ຂັ້ນຕອນການຕິດຕັ້ງ Wordpress.

ສິ່ງທີ່ຈະຕ້ອງມີໃນຄອມພິວເຕີ້ຂອງເຮົາ:

_ XAMPP ດາວໂຫຼດ

_WordPress ດາວໂຫຼດ

ຈາກນັ້ນໃຫ້ແຕກຟາຍ Wordpress ແລ້ວເອົາໄປໄວ້ໃນ htdocs ຂອງ XAMPP C/xampp/htdocs

ຫຼັງຈາກທີ່ ດາວໂຫຼດ XAMPP ແລະ WordPress ແລ້ວ ໃຫ້ເປີດ XAMPP ຂຶ້ນມາແລ້ວກົດທີ່ປຸ່ມ Start ຂອງ Apache ແລະ Mysql ແລ້ວ ກົດປຸ່ມ Admin ຂອງ Mysql ເພື່ອທີ່ຈະສ້າງ Database.

ເມື່ອ ເດັ່ງຂຶ້ນມາແລ້ວໃຫ້ກົດທີ່ New ແລ້ວປ້ອນຊື່ Database ທີ່ຈະໃສ່ ຕາມດ້ວຍ utf8_general_ci ເພື່ອໃຫ້ລະບົບສາມາດອ່ານພາສາລາວໄດ້ ແລ້ວກົດປຸ່ມ create ກໍຈະເຫັນ Database ທີ່ເຮົາສ້າງຢູ່ແທັບເບື້ອງຊ້າຍ.

ເມື່ອສ້າງ Database ສຳເລັດແລ້ວໃຫ້ປ້ອນ localhost/wordpress(ຊື່ໂຟນເດີ້ wordpress) ໃສ່ບ໋ອກ URL ຫຼັງຈາກນັ້ນໃຫ້ເລືອກພາສາແລ້ວ continue.

ຈາກນັ້ນຈະຂຶ້ນໜ້າ Welcome ແລ້ວກົດທີ່ປຸ່ມ Let’s go!.

ຫຼັງຈາກກົດປຸ່ມ Let’s go! ກໍຈະເຂົ້າໜ້າທີ່ໃຫ້ເຮົາປ້ອນຊື່ Database, ຊື່ username Mysql (ໂດຍທົ່ວໄປຈະແມ່ນ root ລະຫັດແມ່ນໃຫ້ລຶບ password ທີ່ຢູ່ໃນບ໋ອກອອກ ສ່ວນໃຜທີ່ໃສ່ລະຫັດກໍໃສ່ລະຫັດທີ່ເຮົາຕັ້ງໄວ້), ສ່ວນສອງອັນທາງລຸ່ມແມ່ນປະໄວ້ຕາມທີ່ ໄດ້ປ້ອນໄວ້ ແລ້ວກົດປຸ່ມ submit.

ກົດປຸ່ມ submit ແລ້ວຈະເຂົ້າໜ້າ all right ແລ້ວກົດ Run the install.

ເມື່ອ Run the install ກໍຈະເຫັນໜ້າ welcome ອີກເທື່ອໜຶ່ງເພື່ອປ້ອນຊື່ ເວັບໄຊທີ່ຈະໃສ່, ຊື່, ລະຫັດຜ່ານ, ອີເມວ, ແລ້ວຕິກໝາຍຖືກໃສ່ privacy ແລ້ວ Install WordPress.

ແລະແລ້ວເຮົາກໍສ້າງແອກເຄົ້າ ແລະ ເວັບ ຈາກ WordPress ຢ່າງສົມບູນແບບ.

ເພື່ອທຳການ Login ຈະຕ້ອງກົດທີ່ປຸ່ມ Login ຫຼື ມີອີກວິທີໜຶ່ງກໍຄືປ້ອນ localhost/wordpress/wp-admin ໃສ່ URL.

ແລ້ວກໍຈະເຂົ້າສູ່ໜ້າ Dashboard ເພື່ອເບິ່ງຄວາມເຄື່ອນໄຫວຂອງເວັບເຮົາ ແລະ ກໍຍັງສາມາດປັບແຕ່ງເວັບຂອງເຮົາໄດ້.

ຖ້າຢາກເບິ່ງໜ້າເວັບຂອງເຮົາແມ່ນຄິກທີ່ຮູບເຮືອນທີ່ຢູ່ແທັບທາງເທິງຊ້າຍມືທີ່ມີຊື່ເວັບທີ່ເຮົາຕັ້ງໄວ້.

ກໍຈະເດັງເຂົ້າໜ້າເວັບຂອງເຮົາທັນທີ.

ມາຮອດນີ້ກໍສິ້ນສຸດລົງແລ້ວສຳລັບການສ້າງ Account ແລະ ເວັບໄຊ. ເຫັນເລີຍວ່າການສ້າງເວັບມັນງ່າຍຂະໜາດນີ້ແລ້ວບໍ່ຫຍຸ້ງຍາກອີກຕໍ່ໄປຕ້ອງຂອບໃຈ WordPress ທີ່ເຮັດໃຫ້ເຮົາມີເວັບເປັນຂອງຕົນເອງໂດຍທີ່ບໍ່ຕ້ອງມີຄວາມຮູ້ກ່ຽວກັບເລື່ອງພາສາໃນການຂຽນເວັບກະສາມາດສ້າງເວັບໄດ້.