持續進修，講就容易做就難

持續進修一直係社會上嘅熱門話題，個個都知佢嘅好處，但係喺現實中，持續進修嘅人一直偏低。就算政府將持續基金由一萬蚊提升到2萬，都係得8%嘅合資格人士領取。究竟持續進修點解咁困難？就住呢個問題，我哋訪問咗一位曾經修讀持續進修基金轄下韓文課程嘅大學生Stephanie, 以下係佢嘅故事。

「我的CEF之旅」

從前有一日，我突然想學韓文，於是，我去咗上網search吓啲韓文course。我自己覺得，要揀持續進修嘅課程嚟讀，最重要都係要睇間院校信唔信得過。要係好可靠，好值得信賴嘅院校先至可以提供到最好嘅學習體驗。於是，經過咗漫長嘅搜索之後，我最後揀咗香港大學專業進修學院，佢哋係香港最大嘅CEF課程提供者。不過，佢哋收嘅學費真係貴，搞到我要同阿媽借錢嚟學韓文。好在，原來我讀緊嘅嗰個course係可以claim到CEF嘅兩萬蚊資助，所以我即刻撲去申請。
但係開始申請先發現，原來想攞到筆錢都唔係咁易嘅。一來，我要喺政府個CEF網站度搵返晒啲要交去審核嘅文件，但係個網站就寫到唔清唔楚，我搞咗半日都唔知有啲咩要交。二來到我交完之後等咗幾個月我都收唔到一絲音訊，直至幾個月後，我都就嚟唔記得件事，先突然間收到個sms。好在，個sms係通知我申請成功嘅，如果唔係我又要再搞過。
如果個claim錢嘅程序可以容易啲，例如有個平台可以整合晒所有高質素CEF課程嘅資訊，然後又可以幫我處理晒啲麻煩嘅claim錢手續，咁我咪可以將注意力放返喺學習上，學得更加好囉。

~ Stephanie ~

聽過呢個故事之後，我哋總結出幾個由報讀至到claim CEF嘅過程。

1. 你先要去CEF個網站搜尋你想讀嘅課程，搵清楚課程資料，同埋確定佢係可以claim CEF嘅。

2. 如果CEF個網站有啲咩資料漏咗，你就要另外再搵返課程提供者，澄清返啲資料。

3. 如果你讀完某個course要claim錢嘅時候，你要另外填返一份好長好複雜嘅CEF申請表格（SFO 302) ，摷返晒啲文件出來（包括你嘅香港身份證、銀行賬戶證明文件、完成課程嘅證明等等等等）。

4. 影印晒啲文件之後，你要親自交去政府嘅辦事處。之後開始漫長嘅6–8個星期嘅等待。

想唔想像得到，你要攞到資助去讀你想讀嘅課程，竟然要做咁多繁瑣嘅步驟，等咁耐先可以攞到錢。難怪啲人成日覺得持續進修講就天下無敵，做就無能為力，個個都嫌麻煩唔想學。

正因如此，我哋先至萌生Edvanced呢個念頭。

我哋堅信學習應該係開心、簡單同埋有樂趣嘅事。

我哋設計出一個簡單易用嘅平台，等你可以一次過做晒以上咁多樣麻煩嘅事，幫你將注意力放返喺真正重要既野：學習上。

我哋嘅平台正日漸成形，係時候開始從社群之中獲得一啲意見同靈感。快啲嚟睇下我哋嘅平台，開展你持續進修嘅旅程啦！