保安道室內運動場

Interview Time: 18/09/2016, 15:30–17:00(not yet checked)

林婆婆, 69歲

69歲的林婆婆家住深水埗已經三十多年,退休前她工作於膠錶工廠,因為製造業北移,她被迫未到六十歲便要退休。幸好她廿多年前已在深水埗買下自住私人物業,形容自己總算可『安享晚年』。十多年的退休生活,她眼看著深水埗的不斷變化,尤其是人口增長更是嚴重影響居民生活質素。她說﹕『其實深水埗是一個很好住的地方,買什麼東西都很便宜,去什麼地方都方便;但是近幾年,這裡人口多了很多很多,而且很多是內地新移民,他們和我們這些本地人一同爭奪社區設施和空間,設施和地方就是咁多,又沒有加多了,你看啦,周遭都是人,密密麻麻的,想搵個位坐下都無呀﹗』

林婆婆退休後的生活都相當繁忙,她補充說﹕『早上五點多我就會到公園晨運,之後多數回家煮早餐食,因為我有糖尿病,要很注意飲食,外出食飯和飲早茶都要很小心,再加上現在外出食野都好貴,所以返屋企煮又健康又平。』又說﹕『我星期一至五真係好忙,出黎坐下既時間都係得一、兩個鐘,平日下午三點半已經要開始煲湯、煮飯,六點前開飯,時間其實好趕。我個的女一家都係住深水埗,所以每晚都會過黎食飯。個孫女五點半就放學到我屋企,一到就話好肚餓呀,有冇野食呀﹖咁你咪要早開飯囉。』

問到林婆婆有無去圖書館,她很快就回應說﹕『我先生以前就成日去圖書館,因為佢鍾意睇外國書籍,接收多D世界各地既資訊,而我呢,以前都有去既,多數去借編織和設計既書,因為外面要買好貴架,呢D書多數係日本進口,好難自己去買。不過,近年我老公都少去圖書館啦,因為我地覺得近年圖書館添置的新書多數是介紹內地既書或者同內地相關既書居多,少了很多外國書籍、名著等;再加上,現在圖書館人太多,無地方坐啦,D人又唔注重衛生,我真係眼見D既叔吐完痰就用隻腳擦擦下,好恐怖呀﹗早一排,圖書館仲有虱添呀,搞到我幾過月都唔敢入去。』

林婆婆覺得深水埗真的很好住,但承認近年物價都貴了很多,所以要想辦法慳一點,由於她年過六十,享有公共交通的乘車優惠,坐車只係兩蚊,她說﹕『我係上海人都係鍾意食上海特色的食物,但是這些食材在香港其實都幾貴,所以她差不多每星期都會去深圳福田的上海舖買餸慳錢,雖然一日來回要花上六、七小時,但是車費來回都不過廿蚊。就以買上海毛豆為例,香港一斤要十一、二蚊架,但係福田一斤才兩蚊,拉架車仔買番幾斤都有賺,我地D老人家就當打發下D時間嘛。』

林婆婆講到如何認識朋友,她坦然多數D朋友都係退休後至識,她說﹕『住係深水埗咁多年都真係識到一班朋友架,我地多數係因為早上去公園晨運、坐係商場涼冷氣或者係上海食材店成日見口見面既同鄉咁識架﹗』

問及林婆婆怎樣才能令佢生活得更開心更好,她很快就回答﹕『我地D老人家身體健康係最重要,唔使乜野要求架啦,識行識走就得啦,不過﹕如果可以有更多免費既運動設施就更好,現在一星期只得一日係免費用乒乓球室太少日子了,每次好快就俾人BOOK左,根本就唔夠用。多D運動對老人家好嘛,其他野都差不多啦。』

One clap, two clap, three clap, forty?

By clapping more or less, you can signal to us which stories really stand out.