無雙 （不含劇透版）- 一百蚊有五十蚊睇張靜初
Facebook 專頁有更多短文: https://www.facebook.com/ivanliresearch/
真係唔穿橋的，下一篇先劇透
Man has climbed Mount Everest. Gone to the bottom of the ocean. He has fired rockets at the Moon. Split the atom. Achieved miracles in every field of human endeavour… except crime! — 鐵金剛大戰金槍客 Goldfinger
呢套戲都算係近期熱話，要評都有點複雜，暫時我聽到的評語都係好壞參半，但好似好少人話好掂。製作認真係肯定嘅（但，三億製作費？又諗起范冰冰了），但，可唔可以個劇本再認真些少？係認真，係有嘢心嘅。但拍出嚟，仲係爭啲。
無論覺得好睇定唔好睇，有樣嘢幾一致：大家都讚套戲頭半段細節一絲不苟，明顯有做過功課。莊文強訪問有講係當年搜集資料時搵到做偽鈔嘅種種，同拍戲好似：明明假又要整到真咁，分工精細，又要係家族生意，外人難入行。「最重要係只會印，唔會自己用」（正如《門徒》入面劉德華連自己個女食煙都發晒火，早排睇《傳奇毒梟巴勃羅Loving Pablo》世界第一毒販Pablo Escobar 都細細個教個仔唔好吸毒）
事實上，套戲兩個主題，第一個就係「匠人精神」「登峰造極」（第二個留返下一篇先講，要劇透的）。戲入面對於做偽鈔（同埋假晝）有相當詳細嘅描述，以港產片嚟講好少見。有幾專業我唔知，但照計呢乜乜 無酸紙 摩爾紋呀 凹/凸板印刷呀 變色油墨呀 國畫一開三呀之類，夠說服普通觀眾了。
真的，潮流興講「匠人精神」，但香港人幾Q時有尊重過呢樣嘢？就算電影圈自己都冇。你有幾可見到一套戲會咁重視「技藝」？編導慌死你唔明，係要不停咁話你知：人最緊要搵到自己嘅舞台，做主角。哪怕表面睇起上嚟幾咁無聊，精益求精做到大師級，你就稱霸。呢種主題，在港產片中真係極少見。唔係話要分高下，但你諗下近年好多戲，打捧球又好跳舞又好玩音樂又好扒龍舟都好，都只係表達乜鬼香港精神嘅飛機杯，用完就掉得，換過個都一樣。真係講「登峰造極」嘅戲，極少。呢個就係《無雙》嘅第一種含意，做到舉世無雙，你就係主角。
呢套戲好大程度上都仲係一套犯罪片，但絶對唔係《英雄本色》一類。難怪有人有錯誤嘅期望。比較尷尬嘅係，偏偏佢又要挪用消費好多周潤發以前嘅形象，《英雄本色》嘅雙槍不用講，甚至一樣有發哥畀人用槍指住個頭，而《英雄本色》根本個開頭就係講印假銀紙。仲有發哥嘅《賭神》頭，同將軍耳語亦當然令我諗起《賭神》嘅「契弟，你仆街啦」。
`不幸地，同幾個朋友傾過，都覺得啲動作場面破壞晒成套戲。其中一個朋友話都係大陸錢嘅禍（佢倒唔係乜都鬧大陸嘅政治青）。我不盡同意，但後來見內地朋友評套戲，又反而好多都盡眼於槍戰，頓時又覺得朋友講得有啲道理。可能大家著眼點唔同，有人入場係想睇返Mark 哥吧。而再講一次，三億製作費？可能冇呢啲槍戰爆破就justify唔到了，亦都難免令人諗起近來講拍戲點報大報細數。
演員方面，郭富城啲演技毀譽參半，但我覺得還可啦。發哥雖然都係食老本，好大程度上消費返《英雄本色》同《賭神》，但至少唔使睇佢再拍《賭城風雲》，今次演「奸角」，都係好值得睇。
（以下內容含粗口，兼且或會令女權份子不安 — 但我肯定你睇完呢句就睇埋落去）
但女權撚再鬧都好，我都係要講。同幾個朋友傾過，屌，一舊水張飛入場，至少有五十蚊係睇張靜初！真係不得了。真係港女冇呢啲味道（請唔好問我：你見過晒所有香港女仔咩？你呢個結論有乜根據 之類嘅低能問題。Get a Life La）。正如香港冇好似周冬雨呢類嘅女星。對，在好多女權撚心中，港男就係膚淺，鍾意高頭大馬大波。正如有記者寫過
《復仇勇者》金像影帝里安納度狄卡比奧（Leonardo Dicaprio）雖然年屆42歲，又從未結婚，但其實他對擇偶的品味相當專一，離不開模特兒、金髮、長腿及大胸等幾個特點
拿，可能其他港男係，但我唔係咯！大陸女星除咗網紅樣景甜樣，仲有好多色相嘅。張靜初呢啲真係十個男人九個鍾意，但女人就唔明啦。佢地覺得孫燕姿莫文蔚先靚。
實不相瞞，真係細細個（？）已經J張靜初。My confession：我甚至試過開套門徒出嚟J．朋友問我J邊幕，回曰：明顯係佢死嗰幕啦
可惜而家張靜初咁紅，所以片尾一幕維港酒店大戰只係點到即止，得返個黑bra睇（但呢個已經係套戲嘅亮點之一）．回到未紅時，應該真係大把嘢睇。正如霍思燕拍《我要成名》時都好大膽，之後就此情不再。所以有女趁早J。
英文戲名 Project Gutenberg，令人不明所以。固然古騰堡就係發明咗（西方的）活字印刷術。但Project Gutenberg其實係指將經典書本電子化保存嘅一個計劃，好似同套戲冇乜關係。
套戲嘅題材令人諗到2007年嘅《偽術大師Die Fälscher/ Counterfeiters》（套戲拎咗奧斯卡最佳外語片），講納粹德國印假英鎊嘅Operation Bernhard。一樣都係講繪畫同整板嘅天份，做到登峰造極就敵人都要尊重你冇咗你唔得。
Facebook 專頁有更多短文: https://www.facebook.com/ivanliresearch/
