金融時報十四個詞定義2018，你識幾多個？（講埋2017 2016 添)
Facebook 專頁有更多短文: https://www.facebook.com/ivanliresearch/
原文樓上。但斷估你都冇科水，有科水都未必得閒去睇。否則你唔係睇緊我呢篇文。
雖然冇話絶對，但我覺得呢個測試幾好。人人都覺得自己最識嘢，咁分析能力其實唔易去判斷，預測能力更加難測。但基本知識有定冇，應該分到。固然有基本知識唔等於識分析更不等於預測到，但照計你有病都係搵個西醫而唔係周兆祥。拆息 prime 聯邦基金利率 同 債息都未識分嘅，你信佢講利息講樓市？
言歸正傳，金融時報（Financial Times）就係金融時報。你見香港報紙都只係做一年十大新聞回顧，但人地就唔同。當然咁比唔公平，人工都兩回事，即係我話皇馬好波過飛馬咁，冇得比 — 咁但，有得睇就睇皇馬啦。咁你鍾意支持本土睇星島都得嘅（星島日報，唔係陳子江韋君龍甄力健）
放眼世界，金融時報揀咗呢堆字做Year in a Word 2018。睇你知道幾多個。噢，當然係冇一個同香港有關的，不要把自己看得那麼重。（你勉強講，Thucydides Trap 可以同香港有關嘅，不過你識串先講啦。又，說好了的HK is not China 呢？）。每隻字都有一篇文解，斷估你都唔會睇晒，粗重嘢我嚟
第一隻字Vassalage，其實係比較深嘅，打機就可能識。中文我都唔知點譯，呢度應該係譯做 附庸國 較好。其實係講脫歐。脫歐推手Boris Johnson就狠批文翠姍嘅脫歐方案，話會令英國變成歐盟附庸國云云。因為北愛邊境問題一路解決唔到，歐盟話不如北愛留低歐盟，變相割地賠款咁。文翠姍當然唔敢接受，但提出嘅counter proposal一樣畀人話賣國。當然最初撐脫歐嗰啲就「我點知會咁複雜」「為咗自主乜代價都可以」（我諗起鄧小平：再大嘅苦難我地中國人都願意受！主權問題唔使傾，乞吐～～）
第二隻字 Funding Secured。未必即時知係乜，但講返Tesla嘅私有化鬧劇應該大家有印象。Iron Man 真人版Elon Musk疑似揩大麻揩大咗 定 氹女開心，無啦啦出tweet話私有化仲話Funding Secured，最後股價坐過出車，本人亦被證監查。
第三隻字Novichok係神經毒劑，蘇聯／俄羅斯產品。今年上榜就係因為俄羅斯疑似執行家法，在英國本土毒殺變節間諜。之後西方齊齊抵制俄羅斯 — 都唔係第一日啦。侵侵明明好好朋友添
第四隻字GDPR，網民應該會識。呢半年你上網成日都彈啲嘢要你接受，就係咁原因。General Data Protection Regulation，歐盟嘅私隱法。當然大家最關心係國泰「最壞情況可以罰40億」。現實係由呢單嘢爆出國泰逆市升，跑贏大部份藍籌跑贏美股跑贏樓價，沽空最壞情況係可以破產的。
第五個字，Caravan就係啲中美洲搶入美國邊境嘅難民/移民車，當然因為侵侵而上榜。
第六個字，唯一嘅外文。 Merkeldämmerung 。呢個字就我自豪，應該唔多人識。前半你都可能識，德國總理默克爾（Angela Merkel），後半就要識啲德文，或者識古典音樂或者文學。Dämmerung 係德文，twilight 。唔識德文點會識呢隻字？就係華格納Richard Wagner嘅歌劇尼布龍根的指環The Ring of the Nibelung，四步曲，最後嘅就叫Götterdämmerung — 中文名你都聽過嘅—諸神的黃昏。Götter就係神（單數係Gott，眾數係Götter — 諸神嘛）。就係講德國人十一月開始，忽然間要接受前所未有嘅東西：一個沒有默克爾嘅德國。默克爾一做就係十三年（領導基民黨更加係十八年）。所以就有個咁嘅字，一度以為不倒嘅巨人（其實邊有金槍不倒呢？要睇醫生），都係會失勢倒下。
第七Crypto — 加密貨幣。唔使我多講啦？我FB專頁日夜恥笑。但你留意其實我好似從來都唔用Crypto呢個字。因為太作狀。理得佢正唔正確，就係作狀。而我唔止一次聽過有啲目不識丁嘅女話：我都有玩Crypto。Cryp乜撚to？bitcoin 撚就bitcoin撚啦（OK，男女平等，bitcoin西 ）。而都係要學FT嘅英文：A long overdue dose of common sense seems to have killed the digital token fad。而FT嘅定義係: Digital currencies lacking the backing of authorities, central banks or common sense. 所以Bitcoin撚弱智，就真係唔係我講的。你繼續話主流傳媒左膠跟唔上時代啦下。但我肯定個記者有錢過你。
第八就精彩咯，Incel — involuntary celibate，非自願無性生活者。中文，點都係叫做「毒撚」。 FT定義好直接，直男（基男可唔可以係incel？唔肯定），網上社群，將佢地冇性生活（ie冇女同佢性交）歸疚於係社會，同埋女人嘅錯。基本上，亦即係連登厭女撚，雞全部都係雞。
但留意要符合幾個定義。厭女嘅唔一定係incel- 因為好多人一路食一路鬧。非自願而冇性生活（即係，冇女同你上床）嘅亦唔一定係incel — 就係要嗰種雞全部都係雞嘅網上憤青先係。
毒撚一詞一早已有，原本「毒撚」並唔係太有攻擊性嘅一種物體，係可憐或不幸。但incel兇猛好多，四月就有位仁兄在多倫多大開殺戒，殺咗十個人，主要係女人，講明因為厭女。仲話要incel革命，講自己溝唔到，講同黑人約會嘅女人係雞，話蕩婦應該釘十字架（而唔係去士甩watlk）
FT認為一般incel其實唔危險，但留意唔少戲都用「毒撚好危險」做主題。包括「無雙」，包括「人肉搜尋」。
由呂麗瑤事件睇到（由佢開始畀人發現同阿伯合照親密開始，你上佢instagram睇下就知。FB Page就一早被攻至關閉），香港嘅毒撚社群相當龐大。如果係比例代表制，我懷疑你搞個為毒撚爭取權益嘅政黨，應該拎到夠票。
唔好笑，台灣大選一樣有人主打呢啲嘢，25歲未婚由政府配婚。姚文智都話單身年輕人每個月津貼三千台幣（去叫雞？）。而美國啲極端incel真係話 要enforced monogamy，強制一夫一妻，婚外情浸豬籠，亦唔畀獨身，否則所有女都只會同啲高帥富一齊。甚至有人話要forced sexual redistribution，原理同抽稅差不多，收入再分配。呢個就陰道再分配，高帥富要跌啲女出嚟同啲獨撚上床咁話。要幾神經有幾神經，有機會再講。
FT當然就話，多得呢個厭女嘅美國總統，仲有鍾意鼓吹網上仇恨嘅美國總統。我見呢段我寫得最長，擺明最有趣，有機會再講
第九Techlash — Economist發明嘅term。就係對科網巨頭（同埋Tech撚）嘅仇視。當然係因為眾多嘅醜聞，以Facebook為主，醜聞不絶，仲有Amazon嘅刻薄（人工低，環境差，創辦人大股東一毛不拔），Tesla嘅狂妄（見Funding Secured條目，仲有之前鬧分析員呀，cut人線嘅之類），蘋果嘅………冇創意食老本（呢句嘢就真係冇創意食老本）。中資嘅更不用講，騰訊就教壞細路打機傷眼（黨報係咁講），京東就唔知咩叫免費嘅最貴，明明用錢解決到就搵公義。超級富豪當然只係唔見面嗰浸，可憐啲中層都未曾點威過就變晒過街老鼠慘過金融撚。不過唔緊要，仲係好好pay的。但個光環真係落得快過華爾街賓架。
第十Toxic — 最淺啦，唔使解。但in this context，呢個字係牛津字典嘅2018年度詞語。字典話多咗好多人查。應該係查toxic relationship，同埋toxic muscularity -正係metoo嘅一年後。另一方面在政治上亦有toxic，網上狂轟，人格謀殺，又係以侵侵為首，由聯儲局到移民到科網乜都有得鬧。當然另外仲有之前講到嘅Novichok毒殺事件，同埋空氣污染。
十一Windrush — 其實真係好多人關心？Windrush係隻船，二戰後英國百廢待興，唔夠人手，就由英聯邦地區大量咁搵人，呢隻船就係裝加勒比海嘅黑人。當然係歧視兼用完即棄，唔好對客，只準做廚房唔可以做侍應。教育程度低收入低壽命短就固然。最初話可以定居英國，後來都彈弓手收返。冇醫保資格嘅又有，遞解出境又有，探完親唔畀入返境嘅都有（留意，同樣係二戰後重建，德國搵土耳其人，好多都畀晒護照，你見而家德國啲＂土耳其人＂都係咁嚟。例如奧斯爾。阿爺就係咁拎德國國藉，老豆同佢都係德國出世土生土長，佢德國過你香港咯）。今年英國終於認錯道歉。
十二Backstop 亦係脫歐字眼，見上面講Vassalage一段。亦係唔知點譯做中文，叫做補底，或擔保方案。我個人認為係「頂住先」方案，文翠珊搞出嚟的東東，就係呢舊嘢畀Boris Johnson話賣國。Backstop其實係乜，都答你唔到。金融時報都話其實唔識解：Explaining the backstop , even to Financial Times readers, is very hard indeed and takes a lot of time. The first thing to realise is that it comes in different versions. You can have a “temporary” backstop, an “indefinite” backstop or a “permanent” backstop. If you’re Mrs May, you can even have all three at the same time. Then, of course, if you’re a hard Brexiter like the Conservative MP Jacob Rees-Mogg, you can have no backstop at all — ever. That’s not the end of it. The backstop comes in multiple varieties according to geography. There’s the “Northern Ireland” backstop, the “Irish backstop” and an “all-UK” backstop. Acres of newsprint have even been devoted to explaining something that Brussels officials call the “ backstop to the backstop”. Don’t worry. We won’t go there.
十三不祥，Thucydides Trap — 好難串，又難讀，中文都拗口，修昔底德陷阱。吾友譚新強好早講。個詞係美國人發明，典故係希臘。修昔底德係史學家，寫嘅係斯巴達同雅典嘅戰爭。講嘅就係大國堀起必會挑戰現存大佬，而現存大佬必然會打壓佢，所以必有一戰（頂，加個希臘字就好似型啲，其實好簡單嘅道理，你睇《野獸刑警》都明。啦）。而家講嘅，當然係中美關係全面惡化。認同 修昔底德陷阱 不能避免嘅固然會講兩次世界大戰，西班牙王位繼承戰爭之類。但其實呢啲都係大半世紀前嘅嘢。之後嘅強權堀起其實冇打仗。蘇聯唔係因為打仗而輸，日本挑戰美國亦都唔係。固然有人廣義定話太空競賽貨幣戰都係戰，咁就講乜都得的。但二戰後你見打仗嘅都唔係因為阿二挑戰阿一，而歐盟同美國都冇打仗。
Wildfire — 就好簡單，就係山火，唔係餐廳。加洲山火。其實真係咁重要？
唔知有冇人睇到呢度，譯到半途我都覺得有啲悶。我甚至覺得今年揀啲字唔係好得。仲有當然係……太過英國視角。脫歐固然係世界大事，但，Windrush同Novichok，未必。
你會話Financial Times 係英國報紙 （不完全正確- 其實而家係 日經集團的，所以係多咗日本嘢，又多咗quote 日經嘅嘢。但整體而言應該都係高度編採自主，日本仔亦冇咁笨殺雞取卵）。但可以對比返對上兩年：相信你會發現，對上兩年啲字，係比較熟悉嘅。
2017年，習近平思想，Maybot係恥笑文翠珊嘅稱呼，metoo不用講，En Marche法文，講馬克龍。Grenfell 冇印象？倫敦著火嗰座嘢。GST當然係稅。Dotard係肥仔金鬧侵侵嘅名句，FANGS就係四大科網 Facebook Amazon Netflix Google (後來有其他變種)。剩返三隻好似好淺嘅字，但最難明，略講。Alignment係講脫歐，Woke講黑人平權，Quite……其實係講美式英語
2016年， Snowflakes固然係雪花，但係用嚟指啲玻璃心自戀中二病新一代。Brexit都唔識嘅，唔該打自己一巴。 Burkini 係Burka(回教罩袍)+Bikini，比回教女人游水用嘅。Protectionism, Post-truth 冇可能唔識。ETF係Exchange Traded Fund，交易所買賣基金，例如你最熟嘅盈富基金，近十年八年大盛，因為傳統主動基金太不濟。Alt-Right就係啲本土優先極右，日日鬧左膠嘅人。MBS 唔係Mortgage backed securities，係阿拉伯佬。2016年已經威，其實今年鋸人仲威。Deplorable 可能你都唔記得點解，希拉莉用嘅字，形容啲侵侵支持者真係可悲，get a life la。Unicorpse係死咗嘅Unicorn，但唔係神話嗰啲，係指（曾經）估值十億美金嘅初創公司。Aleepo，阿勒頗，地名。曾幾何時個個好同情啲乜乜小朋友，而家當然係團聚你返叙利亞團飽佢。
Facebook 專頁有更多短文: https://www.facebook.com/ivanliresearch/
