如果中巴仍然在
Aug 31, 2018 · 4 min read

8月31日除咗係學生暑假嘅最後一日之外,亦係曾經吒咤香港公共交通服務逾半世紀嘅中巴嘅「紀念日」。20年前嘅今日,中巴專營權嘅最後一日,之後就由新世界第一巴士接續港島區中巴餘下嘅巴士服務。
無可否認,在一般港人心目中,尤其是居於港島嘅居民,中巴嘅服務質素尤其是顏成坤長女顏潔齡在1980年代逐漸掌握大權之後,真係不堪入目── 車又舊、冷氣化進度又慢過九巴。但是在巴士迷心目中,中巴係一間令人敬佩嘅公司 (嚴格講只限於顏成坤主理時期)。好似好矛盾,但唔係無得解嘅。
前段提到顏成坤父女係關鍵人物,事關自從1981年遭百利保集團向中巴進行敵意收購戰之後,顏成坤嘅管理取態轉向保守,然後顏潔齡開始其「諗縮數」嘅管理。另一方面,今時今日香港人掛在咀邊嘅「地產霸權」呢四個字背後嘅理念,已在顏潔齡心中萌生,加上睇見新鴻基入股九巴後將車廠改成地產項目 (例如長沙灣美居中心)…

