A short stay in Gold Coast (3) – Airbnb

終于搵到屋租,下星期搬過去,因為想交通便利近呀女返學但又唔肯比多d 錢, 唯有將價就貨搬入一間細細地既一房serviced apartment. 係最後呢三天享受有backyard, 有車房, 有前有後town house 既寧靜空間。

今早大雨又凍,但我仍然想係戶外歎我既早餐。屋主見到我又坐埋黎傾計,今次真係講到人生啦(我可愛既「日日好心情」friend 見到我甘講一定會心微笑!)。佢好真情流露甘講佢既屋企事,講剛過世既父母,可能今早大雨又凍有種悲涼感,佢一講又係半句鐘。又講下佢本來想點整個backyard, 佢話見我甘中意outdoor 又無令我舒服d,覺得有遺憾喎. 老實講,佢係Airbnb 發既相片係同現實有少少不相符,係有進步空間,但至少我係度住感覺安全,呢區係Southport, Gold Coast 黃金地段,如果有車交通係算方便。我有讚佢細心而事實係喎。廚櫃內有好多基本食物調味料供應,針線,急救用品, 防曬霜樣樣俱全,而佢聽到即刻顯露笑容!

佢尋晚又講我知佢老公對食物有種passion, 比左pack 牛小排過我想我試下,又講點樣整講到眉飛色舞。仲話佢老公明年會去美國參加master chef 比賽,主攻grilled meat. 我聽到覺得好得意,人生百態,每人有不同目標,生活態度。

昨晚有少少趣事,晚飯後洗碗見到有一個由屋主供應既可愛洗碗擦,甘當然好奇甘用下。但係點解過清水時仍然甘多泡呢,搞到成個worktop 都係泡。原來洗碗擦手抦有個開關我好奇打開左但又無關好,原來透明手柄內全部係洗潔精,本來正常洗碗既話,洗潔精會係手柄一路流去到擦頭,變左一邊洗碗洗潔精就一路係手柄度滲出來,嘩!好神奇呀!返香港前我一定要買回家用!

One clap, two clap, three clap, forty?

By clapping more or less, you can signal to us which stories really stand out.