論本土派被禁選

本土、港獨候選人遭禁選,不論派系都應該明白何其荒謬。

如果你係建制派,即使你唔認同港獨、甚至覺得禁選合法,你都應該明白呢個係政府深謀遠慮既政治動作。如果你既目標係打擊本土、港獨,唔好意思,禁選只會令佢地聲勢瞬間變大;本土、港獨既戰場,重來都唔係議會裡頭,而係建基街頭。禁選,係零政治觸覺既on9舉動。

如果你係中間派,請你停止一切「禁選合乎法理」既論述,更加唔好因為自己簽左聲明、後來「迫使」本土派簽埋一份而沾沾自喜。呢個由頭到尾都係政治舉動,是否合法係最低層次既考慮。如果你真係想周旋各派尋找商討空間,政府公然搬龍門打擊日益壯大既本土派系,只會增加人民同港共之間既矛盾,政改和議既機會蕩然無存。

如果你係泛民主派,請你唔好因為少左一個𠝹票對手而各家自掃門前雪。今日既本土,可以係聽日既你。今日提倡港獨違反基本法,聽日提倡公民提名都可以係公然違抗基本法指引,足以禁選。即使你唔係本土唔係港獨,唔好以為選舉少左一個候選人,代表本土派系會消失。

如果你係一個不理政治既素人,希望你明白呢單野唔係禁止一個「激進暴力」既人咁簡單。你我口邊既「法治」,包括何其重要既被選權與投票權,正被步步剝削,玩多幾日Pokemon Go,下一個可能到你。除非,你甘願放棄時代既呼喚,做一個徹徹底底既奴才。

A single golf clap? Or a long standing ovation?

By clapping more or less, you can signal to us which stories really stand out.