toki pi jan lili en soweli Wolopu

tenpo pini mute la jan lili li lukin e soweli Sapo lon nena.
jan lili li musi ala. jan lili li pilin e ni: mi wile jo e musi.
jan lili li kalama e ni : <<soweli Wolopu. o kama ! ni la soweli Wolopu poka mi !>>
jan suli ale li kama tawa jan lili li lukin ala e soweli Wolopu.
jan suli li musi ala li kama tan ma tomo ale tawa jan lili li wile utala e Wolopu ale.
tenpo ante la jan lili li lukin e soweli Sapo.
tenpo ni la jan lili li lukin e soweli Wolopu.
sin la jan lili li kalama e ni :<<soweli Wolopu. o kama ! ni la soweli Wolopu poka mi !>>
tenpo ni la jan suli li kama ala li pilin e ni: sin la jan lili li musi ala li kalama…
jan lili li tawa tomo lon tenpo lili. tempo sama la soweli Wolopu li moku e soweli Sapo mute.
jan lili li sona e ni: ona li musi ala kepeken pakala.

[toki wan pi mama meli pi mama mije mi. toki ni li lon tan tenpo pini Elena.
wan la jan Esope li sitelen e toki ni. (1)]

soweli Wolopu < Dutch Wolf, French loup
: soweli wawa en pakala. ona li moku e soweli lili en suli. ona li ken moku e jan ! tenpo mute la ona li lon kulupu li mu e mu ike en wawa lon tenpo pimeja tawa mun.

soweli Sapo < Dutch schaap, English sheep [cfr. lape < Dutch slapen / English sleep]
: soweli wawa ala. ona li pana e len e telo walo e moku sike pi telo walo tawa jan. tenpo mute la ona li tawa lon kulupu en lon nasin sama.

lape pona !

~ jan Pite Janseke

(1) taso jan Esope sama li pali ala pali e toki ? mi sona ala. jan ala li sona…
mi pilin e ni : toki ni li tan tenpo pini ale pi jan ale.

#TokiPona #story #toki #fable