ﮨﻤﯿﮟ ﺍﯾﮏ ﻧﺌﮯ ﻧﻈﺎﻡِ ﺗﻌﻠﯿﻢ ﮐﯽ ﺿﺮﻭﺭﺕ ﮨﮯ۔

ﺷﯿﺦ ﺍﻻﺳﻼﻡ ﻣﻮﻻﻧﺎ ﻣﻔﺘﯽ ﻣﺤﻤﺪ ﺗﻘﯽ ﻋﺜﻤﺎﻧﯽ ﺻﺎﺣﺐ
-------------------------------------------------
ﺷﺮﯾﻌﺖ ﻧﮯ ﺟﻮ ﺑﺎﺕ ﻣﻘﺮﺭ ﮐﯽ ﮐﮧ ﻋﺎﻟﻢ ﺑﻨﻨﺎ ﮨﺮ ﺍﯾﮏ ﺁﺩﻣﯽ ﮐﮯ ﻟﯿﮯ ﻓﺮﺽِ ﻋﯿﻦ ﻧﮩﯿﮟ، ﺑﻠﮑﮧ ﻓﺮﺽِ ﮐﻔﺎﯾﮧ ﮨﮯ۔ ﯾﻌﻨﯽ ﺿﺮﻭﺭﺕ ﮐﮯ ﻣﻄﺎﺑﻖ ﮐﺴﯽ ﺑﺴﺘﯽ ﯾﺎ ﮐﺴﯽ ﻣﻠﮏ ﻣﯿﮟ ﻋﻠﻤﺎﺀ ﭘﯿﺪﺍ ﮨﻮﺟﺎﺋﯿﮟ ﺗﻮ ﺑﺎﻗﯽ ﺳﺐ ﻟﻮﮔﻮﮞ ﮐﯽ ﻃﺮﻑ ﺳﮯ ﻭﮦ ﻓﺮﯾﻀﮧ ﺍﺩﺍ ﮨﻮﺟﺎﺗﺎ ﮨﮯ، ﻟﯿﮑﻦ ﺩﯾﻦ ﮐﯽ ﺑﻨﯿﺎﺩﯼ ﻣﻌﻠﻮﻣﺎﺕ ﺣﺎﺻﻞ ﮐﺮﻧﺎ ﻓﺮﺽِ ﻋﯿﻦ ﮨﮯ، ﯾﮧ ﮨﺮ ﺍﻧﺴﺎﻥ ﮐﮯ ﺫﻣﮯ ﻓﺮﺽ ﮨﮯ۔ ﺍُﻥ ﻣﺪﺍﺭﺱ ﮐﺎ ﻧﻈﺎﻡ ﯾﮧ ﺗﮭﺎ ﮐﮧ ﺍُﻥ ﻣﯿﮟ ﻓﺮﺽِ ﻋﯿﻦ ﮐﯽ ﺗﻌﻠﯿﻢ ﺑﻼﺍﻣﺘﯿﺎﺯ ﮨﺮ ﺷﺨﺺ ﮐﻮ ﺩﯼ ﺟﺎﺗﯽ ﺗﮭﯽ، ﮨﺮ ﺷﺨﺺ ﺍُﺱ ﮐﻮ ﺣﺎﺻﻞ ﮐﺮﺗﺎ ﺗﮭﺎ، ﺟﻮ ﻣﺴﻠﻤﺎﻥ ﮨﻮﺗﺎ ﺗﮭﺎ۔ ﺍﻟﺒﺘﮧ ﺟﺲ ﮐﻮ ﻋﻠﻢِ ﺩﯾﻦ ﻣﯿﮟ ﺍﺧﺘﺼﺎﺹ ﺣﺎﺻﻞ ﮐﺮﻧﺎ ﮨﻮ، ﺍُﺱ ﮐﮯ ﻟﯿﮯ ﺍﻟﮓ ﻣﻮﺍﻗﻊ ﺗﮭﮯ۔ ﺟﻮ ﮐﺴﯽ ﻋﺼﺮﯼ ﻋﻠﻢ ﻣﯿﮟ ﺍﺧﺘﺼﺎﺹ ﺣﺎﺻﻞ ﮐﺮﻧﺎ ﭼﺎﮨﺘﺎ ﺗﮭﺎ، ﺍُﺱ ﮐﮯ ﻟﯿﮯ ﻣﻮﺍﻗﻊ ﺍﻟﮓ ﺗﮭﮯ۔
ﮔﺰﺷﺘﮧ ﺳﺎﻝ ﻣﯿﮟ ﺍﻭﺭ ﺑﺮﺍﺩﺭﻡ ﻣﻌﻈﻢ ﺣﻀﺮﺕ ﻣﻔﺘﯽ ﻣﺤﻤﺪ ﺭﻓﯿﻊ ﻋﺜﻤﺎﻧﯽ ﺻﺎﺣﺐ ﻣﺮﺍﮐﺶ ﻣﯿﮟ ﺗﮭﮯ۔ ﻣﯿﮟ ﻧﮯ ﭘﭽﮭﻠﮯ ﺳﺎﻝ ﺩﯾﮑﮭﺎ ﺗﮭﺎ ﺍﻭﺭ ﺣﻀﺮﺕ ﻧﮯ ﺍِﺱ ﺳﺎﻝ ﺍُﺱ ﮐﯽ ﺯﯾﺎﺭﺕ ﮐﯽ۔ ﻣﺮﺍﮐﺶ ﮐﻮ ﺍﻧﮕﺮﯾﺰﯼ ﻣﯿﮟ ’’ ﻣﻮﺭﻭﮐﻮ ‘‘ ﮐﮩﺘﮯ ﮨﯿﮟ، ﺍُﺱ ﮐﺎ ﺍﯾﮏ ﺷﮩﺮ ﮨﮯ ﺟﺲ ﮐﺎ ﻧﺎﻡ ’’ ﻓﺎﺱ ‘‘ ﮨﮯ۔ ﻣﯿﮟ ’’ ﻓﺎﺱ ‘‘ ﮐﮯ ﺷﮩﺮ ﻣﯿﮟ ﭘﭽﮭﻠﮯ ﺳﺎﻝ ﮔﯿﺎ ﺗﮭﺎ ﺍﻭﺭ ﺍِﺱ ﺳﺎﻝ ﺣﻀﺮﺕ ﺑﮭﯽ ﺗﺸﺮﯾﻒ ﻟﮯ ﮔﺌﮯ ﺗﮭﮯ۔ ﻭﮨﺎﮞ ’’ ﺟﺎﻣﻌۃ ﺍﻟﻘﺮﻭﯾﯿﻦ ‘‘ ﮐﮯ ﻧﺎﻡ ﺳﮯ ﺍﯾﮏ ﺟﺎﻣﻌﮧ ﺁﺝ ﺗﮏ ﮐﺎﻡ ﮐﺮﺭﮨﯽ ﮨﮯ۔ ﺍﮔﺮ ﮨﻢ ﺍﺳﻼﻣﯽ ﺗﺎﺭﯾﺦ ﮐﯽ ﻣﺸﮩﻮﺭ ﺍﺳﻼﻣﯽ ﺟﺎﻣﻌﺎﺕ ﮐﺎ ﺟﺎﺋﺰﮦ ﻟﯿﮟ ﺗﻮ ﭼﺎﺭ ﺑﻨﯿﺎﺩﯼ ﺍﺳﻼﻣﯽ ﺟﺎﻣﻌﺎﺕ ﮨﻤﺎﺭﯼ ﺗﺎﺭﯾﺦ ﻣﯿﮟ ﻧﻈﺮ ﺁﺗﯽ ﮨﯿﮟ۔ ﺍُﻥ ﻣﯿﮟ ﺳﺐ ﺳﮯ ﭘﮩﻠﯽ ﻣﺮﺍﮐﺶ ﮐﯽ ﺟﺎﻣﻌﮧ ’’ ﺍﻟﻘﺮﻭﯾﯿﻦ ‘‘ ﮨﮯ۔ ﺩﻭﺳﺮﯼ ﺗﯿﻮﻧﺲ ﮐﯽ ﺟﺎﻣﻌﮧ ’’ ﺯﯾﺘﻮﻧﮧ ‘‘ ﮨﮯ۔ ﺗﯿﺴﺮﯼ ﻣﺼﺮ ﮐﯽ ’’ ﺟﺎﻣﻌۃ ﺍﻻﺯﮨﺮ ‘‘ ﮨﮯ ﺍﻭﺭ ﭼﻮﺗﮭﯽ ’’ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ‘‘ ﮨﮯ۔ ﺗﺎﺭﯾﺨﯽ ﺗﺮﺗﯿﺐ ﺍﺳﯽ ﻃﺮﺡ ﮨﮯ۔
ﺍﺱ ﻣﯿﮟ ﺳﺐ ﺳﮯ ﭘﮩﻠﯽ ﺍﺳﻼﻣﯽ ﯾﻮﻧﯿﻮﺭﺳﭩﯽ ﺟﻮ ﻣﺮﺍﮐﺶ ﮐﮯ ﺷﮩﺮ ’’ ﻓﺎﺱ ‘‘ ﻣﯿﮟ ﻗﺎﺋﻢ ﮨﻮﺋﯽ، ﺗﯿﺴﺮﯼ ﺻﺪﯼ ﮨﺠﺮﯼ ﮐﯽ ﺟﺎﻣﻌﮧ ﮨﮯ۔ ﺍﺑﮭﯽ ﺗﮏ ﺍﯾﺴﯽ ﮐﻮﺋﯽ ﺗﺮﺗﯿﺐ ﻣﯿﺮﮮ ﺳﺎﻣﻨﮯ ﻧﮩﯿﮟ ﺁﺋﯽ ﮐﮧ ﯾﮧ ﺻﺮﻑ ﻋﺎﻟﻢ ﺍﺳﻼﻡ ﮨﯽ ﮐﯽ ﻧﮩﯿﮟ، ﺑﻠﮑﮧ ﺩﻧﯿﺎ ﮐﯽ ﻗﺪﯾﻢ ﺗﺮﯾﻦ ﯾﻮﻧﯿﻮﺭﺳﭩﯽ ﮨﮯ۔ ﺍﺱ ﺗﯿﺴﺮﯼ ﺻﺪﯼ ﯾﻮﻧﯿﻮﺭﺳﭩﯽ ﮐﮯ ﺑﺎﺭﮮ ﻣﯿﮟ ﺍُﺱ ﮐﯽ ﺗﺎﺭﯾﺦ ﮐﮯ ﮐﺘﺎﺑﭽﮯ ﻣﯿﮟ ﯾﮧ ﺑﺎﺕ ﻟﮑﮭﯽ ﮨﻮﺋﯽ ﮐﮧ ﺍُﺱ ﻭﻗﺖ ﺟﺎﻣﻌۃ ﺍﻟﻘﺮﻭﯾﯿﻦ ﻣﯿﮟ ﺟﻮ ﻋﻠﻮﻡ ﭘﮍﮬﺎﺋﮯ ﺟﺎﺗﮯ ﺗﮭﮯ ﺍُﻥ ﻣﯿﮟ ﺍﺳﻼﻣﯽ ﻋﻠﻮﻡ، ﺗﻔﺴﯿﺮ، ﺣﺪﯾﺚ، ﻓﻘﮧ ﺍﻭﺭ ﺍﺱ ﮐﮯ ﺳﺎﺗﮫ ﺳﺎﺗﮫ ﻃﺐ، ﺭﯾﺎﺿﯽ، ﻓﻠﮑﯿﺎﺕ ﺟﻨﮩﯿﮟ ﮨﻢ ﺁﺝ ﻋﺼﺮﯼ ﻋﻠﻮﻡ ﮐﮩﺘﮯ ﮨﯿﮟ، ﻭﮦ ﺳﺎﺭﮮ ﻋﻠﻮﻡ ﭘﮍﮬﺎﺋﮯ ﺟﺎﺗﮯ ﺗﮭﮯ۔ ﺍﺑﻦ ﺧﻠﺪﻭﻥؒ، ﺍﺑﻦ ﺭُﺷﺪؒ، ﻗﺎﺿﯽ ﻋﯿﺎﺽؒ ﺍﻭﺭ ﺍﯾﮏ ﻃﻮﯾﻞ ﻓﮩﺮﺳﺖ ﮨﻤﺎﺭﮮ ﺍﮐﺎﺑﺮ ﮐﯽ ﮨﮯ ﺟﻨﮩﻮﮞ ﻧﮯ ﺟﺎﻣﻌۃ ﺍﻟﻘﺮﻭﯾﯿﻦ ﻣﯿﮟ ﺩﺭﺱ ﺩﯾﺎ۔ ﺍُﻥ ﮐﮯ ﭘﺎﺱ ﯾﮧ ﺗﺎﺭﯾﺦ ﺁﺝ ﺑﮭﯽ ﻣﺤﻔﻮﻅ ﮨﮯ ﮐﮧ ﯾﮧ ﻭﮦ ﺟﮕﮧ ﮨﮯ ﺟﮩﺎﮞ ﺍﺑﻦ ﺧﻠﺪﻭﻥؒ ﺩﺭﺱ ﺩﯾﺎ ﮐﺮﺗﮯ ﺗﮭﮯ۔ ﯾﮧ ﻭﮦ ﺟﮕﮧ ﮨﮯ ﺟﮩﺎﮞ ﺍﺑﻦ ﺭُﺷﺪؒ ﺩﺭﺱ ﺩﯾﺎ ﮐﺮﺗﮯ ﺗﮭﮯ۔ ﯾﮧ ﻭﮦ ﺟﮕﮧ ﮨﮯ ﺟﮩﺎﮞ ﻗﺎﺿﯽ ﻋﯿﺎﺽؒ ﻧﮯ ﺩﺭﺱ ﺩﯾﺎ ﮨﮯ۔ ﯾﮩﺎﮞ ﺍﺑﻦ ﻋﺮﺑﯽ ﻣﺎﻟﮑﯽؒ ﻧﮯ ﺩﺭﺱ ﺩﯾﺎ ﮨﮯ۔ ﺗﺎﺭﯾﺦ ﮐﯽ ﯾﮧ ﺳﺎﺭﯼ ﺑﺎﺗﯿﮟ ﺍُﻥ ﮐﮯ ﭘﺎﺱ ﺁﺝ ﺑﮭﯽ ﻣﺤﻔﻮﻅ ﮨﯿﮟ۔ ﯾﮧ ﺩﻧﯿﺎ ﮐﯽ ﻗﺪﯾﻢ ﺗﺮﯾﻦ ﯾﻮﻧﯿﻮﺭﺳﭩﯽ ﮨﮯ، ﺍﺱ ﻟﺤﺎﻅ ﺳﮯ ﮐﮧ ﭼﮭﻮﭨﮯ ﭼﮭﻮﭨﮯ ﻣﺪﺍﺭﺱ ﺗﻮ ﮨﺮ ﺟﮕﮧ ﮨﻮﮞ ﮔﮯ، ﻟﯿﮑﻦ ﺟﺎﻣﻌۃ ﺍﻟﻘﺮﻭﯾﯿﻦ ﺍﯾﮏ ﯾﻮﻧﯿﻮﺭﺳﭩﯽ ﮐﯽ ﺣﯿﺜﯿﺖ ﺭﮐﮭﺘﯽ ﺗﮭﯽ ﺟﺲ ﻣﯿﮟ ﺗﻤﺎﻡ ﺩﯾﻨﯽ ﺍﻭﺭ ﻋﺼﺮﯼ ﻋﻠﻮﻡ ﭘﮍﮬﺎﺋﮯ ﺟﺎﺗﮯ ﺗﮭﮯ۔
ﺍﺱ ﯾﻮﻧﯿﻮﺭﺳﭩﯽ ﻣﯿﮟ ﺁﺝ ﺑﮭﯽ ﺗﯿﺴﺮﯼ ﺍﻭﺭ ﭼﻮﺗﮭﯽ ﺻﺪﯼ ﮐﯽ ﺳﺎﺋﻨﭩﻔﮏ ﺍﯾﺠﺎﺩﺍﺕ ﮐﮯ ﻧﻤﻮﻧﮯ ﺭﮐﮭﮯ ﮨﯿﮟ۔ ﺍُﺱ ﺯﻣﺎﻧﮯ ﻣﯿﮟ ﺍﺳﯽ ﺟﺎﻣﻌۃ ﺍﻟﻘﺮﻭﯾﯿﻦ ﺳﮯ ﻓﺎﺭﻍ ﻟﻮﮔﻮﮞ ﻧﮯ ﺟﻮ ﺍﯾﺠﺎﺩﺍﺕ ﮔﮭﮍﯼ ﻭﻏﯿﺮﮦ ﮐﯽ ﮐﯿﮟ، ﺍُﻥ ﺍﯾﺠﺎﺩﺍﺕ ﮐﮯ ﻧﻤﻮﻧﮯ ﺑﮭﯽ ﻭﮨﺎﮞ ﭘﺮ ﻣﻮﺟﻮﺩ ﮨﯿﮟ۔ ﺁﭖ ﺗﯿﺴﺮﯼ ﺻﺪﯼ ﮨﺠﺮﯼ ﺗﺼﻮﺭﮐﯿﺠﯿﮯ۔ ﯾﮧ ﺗﯿﺴﺮﯼ ﺻﺪﯼ ﮨﺠﺮﯼ ﮐﯽ ﯾﻮﻧﯿﻮﺭﺳﭩﯽ ﮨﮯ۔ ﺍﺱ ﻣﯿﮟ ﺍﺳﻼﻣﯽ ﻋﻠﻮﻡ ﮐﮯ ﺑﺎﺩﺷﺎﮦ ﺑﮭﯽ ﭘﯿﺪﺍ ﮨﻮﺋﮯ
ﺍﻭﺭ ﻭﮨﯿﮟ ﺳﮯ ﺍﺑﻦ ﺭُﺷﺪ ﻓﻠﺴﻔﯽ ﺑﮭﯽ ﭘﯿﺪﺍ ﮨﻮﺍ ﺍﻭﺭ ﻭﮨﯿﮟ ﺳﮯ ﺑﮍﮮ ﺑﮍﮮ ﺳﺎﺋﻨﺴﺪﺍﻥ ﺑﮭﯽ ﭘﯿﺪﺍ ﮨﻮﺋﮯ۔ ﮨﻮﺗﺎ ﯾﮧ ﺗﮭﺎ ﮐﮧ ﺩﯾﻦ ﺍﺳﻼﻡ ﮐﺎ ﻓﺮﺽِ ﻋﯿﻦ ﻋﻠﻢ ﺳﺐ ﮐﻮ ﺍﮐﭩﮭﺎ ﺩﯾﺎ ﺟﺎﺗﺎ ﺗﮭﺎ۔ ﺍُﺱ ﮐﮯ ﺑﻌﺪ ﺍﮔﺮ ﮐﻮﺋﯽ ﻋﻠﻢِ ﺩﯾﻦ ﻣﯿﮟ ﺗﺨﺼﺼﺎﺕ ﺣﺎﺻﻞ ﮐﺮﻧﺎ ﭼﺎﮨﺘﺎ ﺗﮭﺎ ﺗﻮ ﻭﮦ ﺍﺳﯽ ﺟﺎﻣﻌۃ ﺍﻟﻘﺮﻭﯾﯿﻦ ﻣﯿﮟ ﻋﻠﻢ ﺩﯾﻦ ﮐﯽ ﺩﺭﺱ ﮔﺎﮨﻮﮞ ﻣﯿﮟ ﭘﮍﮬﺘﺎ۔ ﺍﮔﺮ ﮐﻮﺋﯽ ﺭﯾﺎﺿﯽ ﭘﮍﮬﺎﻧﮯ ﻭﺍﻻ ﮨﮯ ﺗﻮ ﻭﮦ ﺭﯾﺎﺿﯽ ﺑﮭﯽ ﻭﮨﺎﮞ ﭘﮍﮬﺎ ﺭﮨﺎ ﮨﻮﺗﺎ۔ ﺍﮔﺮ ﮐﻮﺋﯽ ﻃﺐ ﭘﮍﮬﺎﻧﮯ ﻭﺍﻻ ﮨﮯ ﺗﻮ ﻭﮦ ﻃﺐ ﺑﮭﯽ ﻭﮨﺎﮞ ﭘﮍﮬﺎ ﺭﮨﺎ ﮨﻮﺗﺎ۔ ﯾﮧ ﺳﺎﺭﺍ ﮐﺎ ﺳﺎﺭﺍ ﻧﻈﺎﻡ ﺍﺱ ﻃﺮﺡ ﭼﻼ ﮐﺮﺗﺎ ﺗﮭﺎ۔ ﺟﺎﻣﻌۃ ﺍﻟﻘﺮﻭﯾﯿﻦ ﮐﯽ ﻃﺮﺡ ﺟﺎﻣﻌﮧ ﺯﯾﺘﻮﻧﮧ ﺗﯿﻮﻧﺲ ﺍﻭﺭ ﺟﺎﻣﻌۃ ﺍﻻﺯﮨﺮ ﻣﺼﺮ ﮐﺎ ﻧﻈﺎﻡِ ﺗﻌﻠﯿﻢ ﺑﮭﯽ ﺭﮨﺎ۔ ﯾﮧ ﺗﯿﻨﻮﮞ ﯾﻮﻧﯿﻮﺭﺳﭩﯿﺎﮞ ﮨﻤﺎﺭﮮ ﻗﺪﯾﻢ ﻣﺎﺿﯽ ﮐﯽ ﮨﯿﮟ۔ ﺍﻥ ﻣﯿﮟ ﺩﯾﻨﯽ ﺍﻭﺭ ﻋﺼﺮﯼ ﺗﻌﻠﯿﻢ ﮐﺎ ﺳﻠﺴﻠﮧ ﺍﺱ ﻃﺮﺡ ﺭﮨﺎ۔
ﺍﺱ ﻣﯿﮟ ﺁﭖ ﯾﮧ ﺑﮭﯽ ﺩﯾﮑﮭﯿﮟ ﮔﮯ ﮐﮧ ﺍﮔﺮ ﻗﺎﺿﯽ ﻋﯿﺎﺽؒ ﺟﻮ ﺣﺪﯾﺚ ﺍﻭﺭ ﺳﻨﺖ ﮐﮯ ﺍﻣﺎﻡ ﮨﯿﮟ، ﺍُﻥ ﮐﺎ ﺣﻠﯿﮧ ﺩﯾﮑﮭﺎ ﺟﺎﺋﮯ ﺍﻭﺭ ﺍﺑﻦ ﺧﻠﺪﻭﻥ ﺟﻮ ﻓﻠﺴﻔﮧ ﺗﺎﺭﯾﺦ ﮐﮯ ﺍﻣﺎﻡ ﮨﯿﮟ، ﺍﻥ ﮐﺎ ﺣﻠﯿﮧ ﺩﯾﮑﮭﺎ ﺟﺎﺋﮯ، ﺩﻭﻧﻮﮞ ﮐﻮ ﺩﯾﮑﮭﻨﮯ ﻣﯿﮟ ﮐﻮﺋﯽ ﻓﺮﻕ ﻧﻈﺮ ﻧﮩﯿﮟ ﺁﺗﺎ ﺗﮭﺎ ﮐﮧ ﯾﮧ ﺩﯾﻦ ﮐﺎ ﻋﺎﻟﻢ ﮨﮯ ﺍﻭﺭ ﻭﮦ ﺩﻧﯿﺎ ﮐﺎ ﻋﺎﻟﻢ ﮨﮯ۔ ﺩﻭﻧﻮﮞ ﮐﺎ ﺣﻠﯿﮧ، ﻟﺒﺎﺱ، ﺛﻘﺎﻓﺖ، ﻃﺮﺯِ ﺯﻧﺪﮔﯽ، ﻃﺮﺯِ ﮐﻼﻡ ﺳﺐ ﯾﮑﺴﺎﮞ ﺗﮭﺎ۔ ﺍﮔﺮ ﺁﭖ ﻣﺸﮩﻮﺭ ﺍﺳﻼﻣﯽ ﺳﺎﺋﻨﺴﺪﺍﻥ ﻓﺎﺭﺍﺑﯽ، ﺍﺑﻦ ﺭُﺷﺪ، ﺍﺑﻮﺭﯾﺤﺎﻥ ﺍﻟﺒﯿﺮﻭﻧﯽ ﺍﻥ ﺳﺐ ﮐﺎ ﺣﻠﯿﮧ ﺩﯾﮑﮭﯿﮟ ﺍﻭﺭ ﺟﻮ ﻣﺤﺪﺛﯿﻦ، ﻣﻔﺴﺮﯾﻦ ﺍﻭﺭ ﻓﻘﮩﺎﺀ ﭘﯿﺪﺍﮨﻮﺋﮯ ﺍُﻥ ﮐﺎ ﺣﻠﯿﮧ ﺩﯾﮑﮭﯿﮟ، ﺩﻭﻧﻮﮞ ﮐﺎ ﺣﻠﯿﮧ ﺍﯾﮏ ﺟﯿﺴﺎ ﻧﻈﺮ ﺁﺋﮯ ﮔﺎ۔ ﺍﮔﺮ ﻭﮦ ﻧﻤﺎﺯ ﭘﮍﮬﺘﮯ ﺗﮭﮯ ﺗﻮ ﯾﮧ ﺑﮭﯽ ﻧﻤﺎﺯ ﭘﮍﮬﺘﮯ ﺗﮭﮯ۔ ﺍﮔﺮ ﺍُﻥ ﮐﻮ ﻧﻤﺎﺯ ﮐﮯ ﻣﺴﺎﺋﻞ ﻣﻌﻠﻮﻡ ﺗﮭﮯ ﺗﻮ ﺍِﻥ ﮐﻮ ﺑﮭﯽ ﻣﻌﻠﻮﻡ ﺗﮭﮯ۔ ﺍﮔﺮ ﺍُﻥ ﮐﻮ ﺭﻭﺯﮮ ﮐﮯ ﻣﺴﺎﺋﻞ ﻣﻌﻠﻮﻡ ﺗﮭﮯ ﺗﻮ ﺍِﻥ ﮐﻮ ﺑﮭﯽ ﻣﻌﻠﻮﻡ ﺗﮭﮯ۔ ﺑﻨﯿﺎﺩﯼ ﺍﺳﻼﻣﯽ ﺗﻌﻠﯿﻤﺎﺕ ﺟﻮ ﮨﺮ ﺍﻧﺴﺎﻥ ﮐﮯ ﺫﻣﮯ ﻓﺮﺽِ ﻋﯿﻦ ﮨﯿﮟ، ﺍُﺱ ﺩﻭﺭ ﻣﯿﮟ ﮨﺮ ﺍﻧﺴﺎﻥ ﺟﺎﻧﺘﺎ ﺗﮭﺎ ﺍﻭﺭ ﺍﺱ ﯾﻮﻧﯿﻮﺭﺳﭩﯽ ﻣﯿﮟ ﺍُﺱ ﮐﻮ ﭘﮍﮬﺎﯾﺎ ﺟﺎﺗﺎ ﺗﮭﺎ۔۔ ﺗﻔﺮﯾﻖ ﯾﮩﺎﮞ ﺳﮯ ﭘﯿﺪﺍﮨﻮﺋﯽ ﮐﮧ ﺍﻧﮕﺮﯾﺰ ﻧﮯ ﺁﮐﺮ ﺑﺎﻗﺎﻋﺪﮦ ﺳﺎﺯﺵ ﮐﮯ ﺗﺤﺖ ﺍﯾﮏ ﺍﯾﺴﺎ ﻧﻈﺎﻡِ ﺗﻌﻠﯿﻢ ﺟﺎﺭﯼ ﮐﯿﺎ ﮐﮧ ﺍﺱ ﺳﮯ ﺩﯾﻦ ﮐﻮ ﺩﯾﺲ ﻧﮑﺎﻻ ﺩﮮ ﺩﯾﺎ ﮔﯿﺎ۔ ﺍُﺱ ﻭﻗﺖ ﮨﻤﺎﺭﮮ ﺍﮐﺎﺑﺮﯾﻦ ﻣﺠﺒﻮﺭ ﮨﻮﺋﮯ ﮐﮧ ﻭﮦ ﻣﺴﻠﻤﺎﻧﻮﮞ ﮐﮯ ﺩﯾﻦ ﮐﮯ ﺗﺤﻔﻆ ﮐﮯ ﻟﯿﮯ ﮐﻢ ﺍﺯ ﮐﻢ ﺟﻮ ﻓﺮﺽِ ﮐﻔﺎﯾﮧ ﮨﮯ، ﺍُﺱ ﮐﺎ ﺗﺤﻔﻆ ﮐﺮﯾﮟ۔ ﺍُﻧﮩﻮﮞ ﻧﮯ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﻗﺎﺋﻢ ﮐﯿﺎ ﺟﺲ ﻧﮯ ﺍﻟﺤﻤﺪﻟﻠﮧ ! ﻭﮦ ﺧﺪﻣﺎﺕ ﺍﻧﺠﺎﻡ ﺩﯾﮟ ﺟﺲ ﮐﯽ ﺗﺎﺭﯾﺦ ﻣﯿﮟ ﻧﻈﯿﺮ ﻣﻠﻨﺎﻣﺸﮑﻞ ﮨﮯ، ﻟﯿﮑﻦ ﯾﮧ ﺍﯾﮏ ﻣﺠﺒﻮﺭﯼ ﺗﮭﯽ۔ ﺍﺻﻞ ﺣﻘﯿﻘﺖ ﻭﮦ ﺗﮭﯽ ﺟﻮ ﺟﺎﻣﻌۃ ﺍﻟﻘﺮﻭﯾﯿﻦ ﻣﯿﮟ ﺗﮭﯽ، ﺟﻮ ﺟﺎﻣﻌﮧ ﺯﯾﺘﻮﻧﮧ ﻣﯿﮟ ﺗﮭﯽ، ﺟﻮ ﺟﺎﻣﻌۃ ﺍﻻﺯﮨﺮ ﮐﮯ ﺍﺑﺘﺪﺍﺋﯽ ﺩﻭﺭ ﻣﯿﮟ ﺗﮭﯽ۔ ﺍﺻﻞ ﺣﻘﯿﻘﺖ ﻭﮦ ﺗﮭﯽ۔ ﺍﮔﺮ ﭘﺎﮐﺴﺘﺎﻥ ﺻﺤﯿﺢ ﻣﻌﻨﯽ ﻣﯿﮟ ﺍﺳﻼﻣﯽ ﺭﯾﺎﺳﺖ ﺑﻨﺘﺎ ﺍﻭﺭ ﺻﺤﯿﺢ ﻣﻌﻨﯽ ﻣﯿﮟ ﺍﺱ ﮐﮯ ﺍﻧﺪﺭ ﺍﺳﻼﻣﯽ ﺍﺣﮑﺎﻡ ﮐﺎ ﻧﻔﺎﺫ ﮨﻮﺗﺎ ﺗﻮ ﭘﮭﺮ ﺍُﺱ ﺻﻮﺭﺕ ﻣﯿﮟ ﮨﻤﯿﮟ ﺑﻘﻮﻝ ﺣﻀﺮﺕ ﻭﺍﻟﺪ ﻣﺎﺟﺪؒ ﮐﮯ ﻧﮧ ﻋﻠﯿﮕﮍﮪ ﮐﯽ ﺿﺮﻭﺭﺕ ﺗﮭﯽ، ﻧﮧ ﻧﺪﻭﮦ ﮐﯽ ﺿﺮﻭﺭﺕ ﺗﮭﯽ، ﻧﮧ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﮐﯽ ﺿﺮﻭﺭﺕ ﺗﮭﯽ، ﮨﻤﯿﮟ ﺟﺎﻣﻌۃ ﺍﻟﻘﺮﻭﯾﯿﻦ ﮐﯽ ﺿﺮﻭﺭﺕ ﮨﮯ، ﺟﺎﻣﻌﮧ ﺯﯾﺘﻮﻧﮧ ﮐﯽ ﺿﺮﻭﺭﺕ ﮨﮯ ﺍﻭﺭ ﺍﯾﺴﯽ ﯾﻮﻧﯿﻮﺭﺳﭩﯽ ﮐﯽ ﺿﺮﻭﺭﺕ ﮨﮯ ﺟﺲ ﻣﯿﮟ ﺳﺎﺭﮮ ﮐﮯ ﺳﺎﺭﮮ ﻋﻠﻮﻡ ﺍﮐﭩﮭﮯ ﭘﮍﮬﺎﺋﮯ ﺟﺎﺋﯿﮟ۔ ﺳﺐ ﺩﯾﻦ ﮐﮯ ﺭﻧﮓ ﻣﯿﮟ ﺭﻧﮕﮯ ﮨﻮﺋﮯ ﮨﻮﮞ، ﭼﺎﮨﮯ ﻭﮦ ﺍﻧﺠﯿﻨﺌﺮ ﮨﻮ، ﭼﺎﮨﮯ ﻭﮦ ﮈﺍﮐﭩﺮ ﮨﻮ، ﭼﺎﮨﮯ ﮐﺴﯽ ﺑﮭﯽ ﺷﻌﺒﮧٔ ﺯﻧﺪﮔﯽ ﺳﮯ ﻭﺍﺑﺴﺘﮧ ﮨﻮ، ﻭﮦ ﺩﯾﻦ ﮐﮯ ﺭﻧﮓ ﻣﯿﮟ ﺭﻧﮕﺎ ﮨﻮﺍ ﮨﻮ، ﻟﯿﮑﻦ ﮨﻢ ﭘﺮ ﺍﯾﺴﺎ ﻧﻈﺎﻡِ ﺗﻌﻠﯿﻢ ﻻﺩ ﺩﯾﺎ ﮔﯿﺎ ﺟﺲ ﻧﮯ ﮨﻤﯿﮟ ﺳﻮﺍﺋﮯ ﺫﮨﻨﯽ ﻏﻼﻣﯽ ﮐﮯ ﺳﮑﮭﺎﻧﮯ ﮐﮯ ﺍﻭﺭ ﮐﭽﮫ ﻧﮩﯿﮟ ﺳﮑﮭﺎﯾﺎ۔ ﺍُﺱ ﻧﮯ ﮨﻤﯿﮟ ﻏﻼﻡ ﺑﻨﺎﯾﺎ۔ ﺍﮐﺒﺮ ﺍﻟٰﮧ ﺁﺑﺎﺩﯼ ﻧﮯ ﺻﺤﯿﺢ ﮐﮩﺎ ﺗﮭﺎ ؎
ﺍﺏ ﻋﻠﯿﮕﮍﮪ ﮐﯽ ﺑﮭﯽ ﺗﻢ ﺗﻤﺜﯿﻞ ﻟﻮ
ﺍﺏ ﻣﻌﺰﺯ ﭘﯿﭧ ﺗﻢ ﺍُﺱ ﮐﻮ ﮐﮩﻮ
ﺻﺮﻑ ﭘﯿﭧ ﺑﮭﺮﻧﮯ ﮐﺎ ﺍﯾﮏ ﺭﺍﺳﺘﮧ ﻧﮑﺎﻟﻨﮯ ﮐﮯ ﻟﯿﮯ ﺍﻧﮕﺮﯾﺰ ﯾﮧ ﻧﻈﺎﻡِ ﺗﻌﻠﯿﻢ ﻻﯾﺎ ﺍﻭﺭ ﺍُﺱ ﮐﮯ ﻧﺘﯿﺠﮯ ﻣﯿﮟ ﻣﺴﻠﻤﺎﻧﻮﮞ ﮐﯽ ﭘﻮﺭﯼ ﺗﺎﺭﯾﺦ ﺍﻭﺭ ﭘﻮﺭﺍ ﻭﺭﺛﮧ ﺗﺒﺎﮦ ﮐﺮﺩﯾﺎ ﮔﯿﺎ۔
ﻧﺘﯿﺠﮧ ﯾﮧ ﮐﮧ ﺁﺝ ﺍﺱ ﻧﺌﮯ ﻧﻈﺎﻡِ ﺗﻌﻠﯿﻢ ﮐﮯ ﺫﺭﯾﻌﮯ ﺯﺑﺮﺩﺳﺖ ﺩﻭ ﻓﺮﻕ ﻭﺍﺿﺢ ﻃﻮ ﺭﭘﺮ ﺳﺎﻣﻨﮯ ﺁﺋﮯ ﮨﯿﮟ۔ ﺍﯾﮏ ﯾﮧ ﮐﮧ ﻣﻮﺟﻮﺩﮦ ﺗﻌﻠﯿﻤﯽ ﻧﻈﺎﻡ ﻣﯿﮟ ﺍﺳﻼﻣﯽ ﺗﻌﻠﯿﻢ ﮐﮯ ﻧﮧ ﮨﻮﻧﮯ ﮐﯽ ﻭﺟﮧ ﺳﮯ ﻓﺮﺽِ ﻋﯿﻦ ﮐﺎ ﺑﮭﯽ ﻣﻌﻠﻮﻡ ﻧﮩﯿﮟ۔ ﺍﺳﮑﻮﻝ، ﮐﺎﻟﺞ ﺍﻭﺭ ﯾﻮﻧﯿﻮﺭﺳﭩﯽ ﮐﮯ ﺍﮐﺜﺮ ﻃﺎﻟﺐ ﻋﻠﻢ ﺟﺎﻧﺘﮯ ﮨﯽ ﻧﮩﯿﮟ ﮨﯿﮟ ﮐﮧ ﺩﯾﻦ ﻣﯿﮟ ﻓﺮﺽ ﮐﯿﺎ ﮨﮯ؟ ﺩﻭﺳﺮﮮ ﺍُﻥ ﮐﮯ ﺍﻭﭘﺮ ﺍﻓﮑﺎﺭ ﻣﺴﻠﻂ ﮐﺮﺩﯾﮯ ﮔﺌﮯ ﮨﯿﮟ ﮐﮧ ﺍﮔﺮ ﻋﻘﻞ ﺍﻭﺭ ﺗﺮﻗﯽ ﭼﺎﮨﺘﮯ ﮨﻮ ﺗﻮ ﺗﻤﮩﯿﮟ ﻣﻐﺮﺏ ﮐﯽ ﻃﺮﻑ ﺩﯾﮑﮭﻨﺎ ﮨﻮﮔﺎ۔ ﺗﯿﺴﺮﯼ ﺍﻥ ﮐﯽ ﺛﻘﺎﻓﺖ ﺑﺪﻝ ﺩﯼ ﮔﺌﯽ۔ ﺍﻥ ﮐﮯ ﺫﮨﻦ ﻣﯿﮟ ﯾﮧ ﺑﺎﺕ ﺑﭩﮭﺎﺩﯼ ﮔﺌﯽ ﮐﮧ ﺍﮔﺮ ﺍﺱ ﺩﻧﯿﺎ ﻣﯿﮟ ﺗﺮﻗﯽ ﭼﺎﮨﺘﮯ ﮨﻮ ﺗﻮ ﺻﺮﻑ ﻣﻐﺮﺑﯽ ﺍَﻓﮑﺎﺭ ﻣﯿﮟ ﻣﻠﮯ ﮔﯽ، ﻣﻐﺮﺑﯽ ﻣﺎﺣﻮﻝ ﻣﯿﮟ ﻣﻠﮯ ﮔﯽ، ﻣﻐﺮﺑﯽ ﺍﻧﺪﺍﺯ ﻣﯿﮟ ﻣﻠﮯ ﮔﯽ۔ ﺍﻓﺴﻮﺱ ﯾﮧ ﮨﮯ ﮐﮧ ﺍﺱ ﻧﺌﮯ ﻧﻈﺎﻡِ ﺗﻌﻠﯿﻢ ﺳﮯ ﺟﻮ ﮔﺮﯾﺠﻮﯾﭩﺲ، ﮈﺍﮐﭩﺮﺯ ﯾﺎ ﭘﺮﻭﻓﯿﺴﺮﺯ ﺑﻦ ﮐﺮ ﭘﯿﺪﺍ ﮨﻮﺗﮯ ﮨﯿﮟ، ﻭﮦ ﮨﻢ ﺟﯿﺴﮯ ﻃﺎﻟﺐ ﻋﻠﻤﻮﮞ ﭘﺮ ﺗﻮ ﺭﻭﺯ ﺗﻨﻘﯿﺪ ﮐﺮﺗﮯ ﮨﯿﮟ ﮐﮧ ﺍﻥ ﻟﻮﮔﻮﮞ ﻧﮯ ﺍﺟﺘﮩﺎﺩ ﮐﺎ ﺩﺭﻭﺍﺯﮦ ﺑﻨﺪ ﮐﺮﺩﯾﺎ، ﯾﮧ ﺍﺟﺘﮩﺎﺩ ﻧﮩﯿﮟ ﮐﺮﺗﮯ۔ ﻗﺮﺁﻥ ﻭ ﺳﻨﺖ ﺍﻭﺭ ﻓﻘﮧ ﻣﯿﮟ ’’ ﺍﺟﺘﮩﺎﺩ ‘‘ ﺍﯾﮏ ﻋﻈﯿﻢ ﭼﯿﺰ ﺗﮭﯽ، ﻟﯿﮑﻦ ﺍﯾﮏ ﺍﯾﺴﯽ ﭼﯿﺰ ﺟﺲ ﻣﯿﮟ ﺍﺟﺘﮩﺎﺩ ﮐﺎ ﺩﺭﻭﺍﺯﮦ ﭼﺎﺭﻭﮞ ﻃﺮﻑ ﭼﻮﭘﭧ ﮐﮭﻼ ﮨﻮﺍ ﺗﮭﺎ، ﻭﮦ ﺗﮭﯽ ﺳﺎﺋﻨﺲ ﺍﻭﺭ ﭨﯿﮑﻨﺎﻟﻮﺟﯽ، ﺭﯾﺎﺿﯽ، ﻋﻠﻮﻡِ ﻋﺼﺮﯾﮧ ﺍﺱ ﻣﯿﮟ ﺗﻮ ﮐﺴﯽ ﻧﮯ ﺍﺟﺘﮩﺎﺩ ﮐﺎ ﺩﺭﻭﺍﺯﮦ ﺑﻨﺪ ﻧﮩﯿﮟ ﮐﯿﺎ۔ ﻋﻠﯿﮕﮍﮪ ﮐﮯ ﺍﻭﺭ ﺍﺱ ﻧﺌﮯ ﻧﻈﺎﻡِ ﺗﻌﻠﯿﻢ ﮐﮯ ﺫﺭﯾﻌﮯ ﺁﭖ ﻧﮯ ﮐﯿﻮﮞ ﺍﯾﺴﮯ ﻣﺠﺘﮩﺪ ﭘﯿﺪﺍ ﻧﮩﯿﮟ ﮐﯿﮯ ﺟﻮ ﻣﻐﺮﺏ ﮐﮯ ﺳﺎﺋﻨﺴﺪﺍﻧﻮﮞ ﮐﺎ ﻣﻘﺎﺑﻠﮧ ﮐﺮﺗﮯ۔ ﺍُﺱ ﻣﯿﮟ ﺁﭖ ﻧﮯ ﮐﯿﻮﮞ ﺍﯾﺴﮯ ﻣﺠﺘﮩﺪ ﭘﯿﺪﺍ ﻧﮩﯿﮟ ﮐﯿﮯ ﺟﻮ ﺍﺟﺘﮩﺎﺩ ﮐﺮﮐﮯ ﻃﺐ، ﻓﻠﮑﯿﺎﺕ، ﺭﯾﺎﺿﯽ، ﺳﺎﺋﻨﺲ ﻭﻏﯿﺮﮦ ﻣﯿﮟ ﻧﺌﮯ ﺭﺍﺳﺘﮯ ﻧﮑﺎﻟﺘﮯ۔ ﺍﺟﺘﮩﺎﺩ ﮐﺎ ﺩﺭﻭﺍﺯﮦ ﺟﮩﺎﮞ ﭼﻮﭘﭧ ﮐﮭﻼ ﺗﮭﺎ ﻭﮨﺎﮞ ﮐﻮﺋﯽ ﺍﺟﺘﮩﺎﺩ ﮐﯿﺎ ﮨﯽ ﻧﮩﯿﮟ، ﺍﻭﺭ ﺟﮩﺎﮞ ﻗﺮﺁﻥ ﻭ ﺳﻨﺖ ﮐﯽ ﭘﺎﺑﻨﺪﯼ ﮨﮯ ﺍﻭﺭ ﻗﺮﺁﻥ ﻭ ﺳﻨﺖ ﮐﯽ ﺣﺪﻭﺩ ﮐﮯ ﺍﻧﺪﺭ ﺭﮨﺘﮯ ﮨﻮﺋﮯ ﺍﺟﺘﮩﺎﺩ ﮐﺮﻧﺎ ﮨﻮﺗﺎ ﮨﮯ، ﻭﮨﺎﮞ ﺷﮑﺎﯾﺖ ﮨﮯ ﮐﮧ ﻋﻠﻤﺎﺋﮯ ﮐﺮﺍﻡ ﺍﺟﺘﮩﺎﺩ ﮐﯿﻮﮞ ﻧﮩﯿﮟ ﮐﺮﺗﮯ؟
ﺍﺑﮭﯽ ﮐﭽﮫ ﺩﻥ ﭘﮩﻠﮯ ﮐﺴﯽ ﺻﺎﺣﺐ ﻧﮯ ﺍﯾﮏ ﮐﻠﭗ ﺑﮭﯿﺠﺎ ﺟﺲ ﻣﯿﮟ ﺍﯾﮏ ﻋﺎﻟﻢ ﺩﯾﻦ ﺳﮯ ﯾﮧ ﺳﻮﺍﻝ ﮐﯿﺎ ﺟﺎﺭﮨﺎ ﺗﮭﺎ ﮐﮧ ﻣﻮﻻﻧﺎ ! ﯾﮧ ﺑﺘﺎﺋﯿﮯ ﮐﮧ ﻋﻠﻤﺎﺋﮯ ﮐﺮﺍﻡ ﮐﯽ ﺧﺪﻣﺎﺕ ﻭﯾﺴﮯ ﺍﭘﻨﯽ ﺟﮕﮧ ﮨﮯ، ﻟﯿﮑﻦ ﯾﮧ ﮐﯿﺎ ﺑﺎﺕ ﮨﮯ ﮐﮧ ﻋﻠﻤﺎﺋﮯ ﮐﺮﺍﻡ ﻣﯿﮟ ﮐﺴﯽ ﻃﺮﻑ ﺳﮯ ﺑﮭﯽ ﮐﻮﺋﯽ ﺳﺎﺋﻨﺴﺪﺍﻥ ﭘﯿﺪﺍ ﻧﮩﯿﮟ ﮨﻮﺍ، ﮐﻮﺋﯽ ﮈﺍﮐﭩﺮ ﭘﯿﺪﺍ ﻧﮩﯿﮟ ﮨﻮﺍ، ﮐﺴﯽ ﺑﮭﯽ ﻃﺮﺡ ﮐﯽ ﺍﯾﺠﺎﺩ ﻧﮩﯿﮟ ﮨﻮﺋﯽ، ﺍﺱ ﮐﺎ ﻋﻠﻤﺎﺋﮯ ﮐﺮﺍﻡ ﮐﮯ ﭘﺎﺱ ﮐﯿﺎ ﺟﻮﺍﺏ ﮨﮯ؟ ﺑﻨﺪﺋﮧ ﺧﺪﺍ ! ﯾﮧ ﺳﻮﺍﻝ ﺗﻮ ﺁﭖ ﺍﭘﻨﮯ ﺁﭖ ﺳﮯ ﮐﺮﺗﮯ ﮐﮧ ﮨﻤﺎﺭﮮ ﻧﻈﺎﻡِ ﺗﻌﻠﯿﻢ ﻣﯿﮟ ﮐﻮﺋﯽ ﺍﯾﺴﺎ ﻣﺠﺘﮩﺪ ﭘﯿﺪﺍ ﮨﻮﺍ ﺟﺲ ﻧﮯ ﮐﻮﺋﯽ ﻧﺌﯽ ﺍﯾﺠﺎﺩ ﮐﯽ ﮨﻮ؟ ﻟﯿﮑﻦ ﻭﮨﺎﮞ ﺗﻮ ﺍﺟﺘﮩﺎﺩ ﮐﮯ ﺩﺭﻭﺍﺯﮮ ﺍﺱ ﻃﺮﺡ ﺑﻨﺪ ﮨﯿﮟ ﮐﮧ ﺟﻮ ﺍﻧﮕﺮﯾﺰ ﻧﮯ ﮐﮩﮧ ﺩﯾﺎ، ﻣﻐﺮﺏ ﻧﮯ ﮐﮩﮧ ﺩﯾﺎ ﺑﺲ ﻭﮦ ﻧﻈﺮﯾﮧ ﮨﮯ، ﺍُﺱ ﻧﮯ ﺟﻮ ﺩﻭﺍﺀ ﺑﺘﺎﺩﯼ ﻭﮦ ﺩﻭﺍﺀ ﮨﮯ، ﺍُﺱ ﻧﮯ ﺍﮔﺮ ﮐﺴﯽ ﭼﯿﺰ ﮐﮯ ﺑﺎﺭﮮ ﻣﯿﮟ ﮐﮩﮧ ﺩﯾﺎ ﮐﮧ ﯾﮧ ﺻﺤﺖ ﮐﮯ ﻟﯿﮯ ﻣﻀﺮ ﮨﮯ ﺗﻮ ﺍﺱ ﮐﯽ ﺍﻗﺘﺪﺍﺀ ﮐﺮﺗﮯ ﮨﯿﮟ۔ ﺍﻧﮉﮮ ﮐﯽ ﺯﺭﺩﯼ ﮐﮯ ﺑﺎﺭﮮ ﻣﯿﮟ ﺳﺎﻟﮩﺎﺳﺎﻝ ﺳﮯ ﮐﮩﺎ ﺟﺎﺭﮨﺎ ﺗﮭﺎ ﮐﮧ ﯾﮧ ﮐﻮﻟﯿﺴﭩﺮﻭﻝ ﭘﯿﺪﺍ ﮐﺮﺗﯽ ﮨﮯ ﺍﻭﺭ ﺍﻣﺮﺍﺽِ ﻗﻠﺐ ﻣﯿﮟ ﻣﻀﺮ ﮨﻮﺗﯽ ﮨﮯ، ﻟﯿﮑﻦ ﺁﺝ ﺍﭼﺎﻧﮏ ﮨﺮ ﮈﺍﮐﭩﺮ ﯾﮧ ﮐﮩﮧ ﺭﮨﺎ ﮨﮯ ﮐﮧ ﺍﻧﮉﮮ ﮐﯽ ﺯﺭﺩﯼ ﮐﮭﺎﺋﻮ، ﺍﺱ ﺳﮯ ﮐﭽﮫ ﻧﮩﯿﮟ ﮨﻮﺗﺎ۔ ﮐﯿﻮﮞ؟ ﺍﺱ ﻟﯿﮯ ﮐﮧ ﻣﻐﺮﺏ ﺳﮯ ﯾﮧ ﭘﯿﻐﺎﻡ ﺁﮔﯿﺎ ﮨﮯ، ﺍُﺳﮯ ﺁﭖ ﻧﮯ ﻗﺒﻮﻝ ﮐﺮﻟﯿﺎ ﮨﮯ۔
ﮨﻤﺎﺭﮮ ﻣﻠﮏ ﻣﯿﮟ ﺑﮯ ﺷﻤﺎﺭﺟﮍﯼ ﺑﻮﭨﯿﺎﮞ ﻟﮕﯽ ﮨﻮﺋﯽ ﮨﯿﮟ، ﺍُﺱ ﭘﺮ ﺁﭖ ﻧﮯ ﮐﺒﮭﯽ ﺗﺤﻘﯿﻖ ﮐﯽ ﮨﻮﺗﯽ، ﺍُﺱ ﺳﮯ ﺁﭖ ﻧﮯ ﮐﻮﺋﯽ ﻧﺘﯿﺠﮧ ﻧﮑﺎﻻ ﮨﻮﺗﺎ ﮐﮧ ﻓﻼﮞ ﺟﮍﯼ ﺑﻮﭨﯽ ﺍﻥ ﺍﻣﺮﺍﺽ ﮐﮯ ﻟﯿﮯ ﻓﺎﺋﺪﮦ ﻣﻨﺪ ﮨﻮﺗﯽ ﮨﮯ۔ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﮐﻠﻮﻧﺠﯽ ﮐﮯ ﻓﻮﺍﺋﺪ ﺑﯿﺎﻥ ﻓﺮﻣﺎﺋﮯ ﺗﮭﮯ، ﺍُﺱ ﭘﺮ ﮐﻮﺋﯽ ﺗﺤﻘﯿﻖ ﮐﯽ ﮨﻮﺗﯽ۔ ﻭﮨﺎﮞ ﺗﻮ ﺍﺟﺘﮩﺎﺩ ﮐﺎ ﺩﺭﻭﺍﺯﮦ ﭨﻮﭨﻞ ﺑﻨﺪ ﮨﮯ ﺍﻭﺭ ﺍُﺱ ﻣﯿﮟ ﮐﻮﺋﯽ ﺗﺤﻘﯿﻖ ﮐﺎ ﺭﺍﺳﺘﮧ ﻧﮩﯿﮟ، ﺍﻭﺭ ﺟﻮ ﻗﺮﺁﻥ ﻭ ﺳﻨﺖ ﮐﯽ ﺑﺎﺕ ﮨﮯ ﺍُﺱ ﻣﯿﮟ ﺍﺟﺘﮩﺎﺩ ﮐﺎ ﻣﻄﺎﻟﺒﮧ ﮨﮯ۔ ﯾﮧ ﺫﮨﻨﯽ ﻏﻼﻣﯽ ﮐﺎ ﻧﻈﺎﻡ ﮨﮯ ﺟﺲ ﻧﮯ ﮨﻤﯿﮟ ﺍﺱ ﻧﺘﯿﺠﮯ ﺗﮏ ﭘﮩﻨﭽﺎﯾﺎ۔ ﺩﻭﺳﺮﺍ ﯾﮧ ﮐﮧ ﺗﺼﻮﺭﺍﺕ ﺑﺪﻝ ﮔﺌﮯ۔ ﭘﮩﻠﮯ ﻋﻠﻢ ﮐﺎ ﺗﺼﻮﺭ ﺍﯾﮏ ﻣﻌﺰﺯ ﭼﯿﺰ ﺗﮭﯽ ﺟﺲ ﮐﺎ ﻣﻘﺼﺪ ﻣﻌﺎﺷﺮﮮ ﺍﻭﺭ ﻣﺨﻠﻮﻕ ﮐﯽ ﺧﺪﻣﺖ ﺗﮭﯽ، ﯾﮧ ﺍﺻﻞ ﻣﻘﺼﻮﺩ ﺗﮭﺎ۔ ﺍﺱ ﮐﮯ ﺗﺤﺖ ﺍﮔﺮ ﻣﻌﺎﺷﯽ ﻓﻮﺍﺋﺪ ﺑﮭﯽ ﺣﺎﺻﻞ ﮨﻮﺟﺎﺋﯿﮟ ﺗﻮ ﺛﺎﻧﻮﯼ ﺣﯿﺜﯿﺖ ﺭﮐﮭﺘﮯ ﺗﮭﮯ، ﻟﯿﮑﻦ ﺁﺝ ﻣﻌﺎﻣﻠﮧ ﺍﻟﭩﺎ ﮨﻮﮔﯿﺎ، ﻋﻠﻢ ﮐﺎ ﻣﻘﺼﺪ ﺻﺮﻑ ﭘﯿﺴﮧ ﮐﻤﺎﻧﺎ ﮨﮯ۔ ﻋﻠﻢ ﮐﺎ ﻣﻘﺼﺪ ﯾﮧ ﮨﮯ ﮐﮧ ﺍﺗﻨﺎ ﻋﻠﻢ ﺣﺎﺻﻞ ﮐﺮﻭ ﮐﮧ ﻟﻮﮔﻮﮞ ﮐﯽ ﺟﯿﺐ ﺳﮯ ﺯﯾﺎﺩﮦ ﺳﮯ ﺯﯾﺎﺩﮦ ﭘﯿﺴﮧ ﻧﮑﺎﻝ ﺳﮑﻮ۔ ﺗﻤﮩﺎﺭﺍ ﻋﻠﻢ ﺍﺱ ﻭﻗﺖ ﮐﺎﺭﺁﻣﺪ ﮨﮯ ﮐﮧ ﺟﺐ ﺗﻢ ﻟﻮﮔﻮﮞ ﮐﮯ ﻣﻘﺎﺑﻠﮯ ﻣﯿﮟ ﺯﯾﺎﺩﮦ ﺳﮯ ﺯﯾﺎﺩﮦ ﭘﯿﺴﮧ ﮐﻤﺎﺳﮑﻮ۔ ﺁﭖ ﺩﯾﮑﮭﯿﮟ ﮐﮧ ﻣﻮﺟﻮﺩﮦ ﺩﻭﺭ ﻣﯿﮟ ﮐﺘﻨﮯ ﻟﻮﮒ ﭘﮍﮪ ﺭﮨﮯ ﮨﯿﮟ ﺍﻭﺭ ﮔﺮﯾﺠﻮﯾﺸﻦ ﮐﺮﺭﮨﮯ ﮨﯿﮟ، ﻣﺎﺳﭩﺮ ﮈﮔﺮﯾﺎﮞ ﻟﮯ ﺭﮨﮯ ﮨﯿﮟ، ﻗﺴﻤﺎ ﻗﺴﻢ ﮐﯽ ﮈﮔﺮﯾﺎﮞ ﺣﺎﺻﻞ ﮐﺮﺭﮨﮯ ﮨﯿﮟ، ﺍُﻥ ﮐﮯ ﺫﮨﻦ ﺳﮯ ﭘﻮﭼﮭﺎ ﺟﺎﺋﮯ ﮐﮧ ﮐﯿﻮﮞ ﭘﮍﮪ ﺭﮨﮯ ﮨﻮ؟ ﻭﮦ ﮐﮩﯿﮟ ﮔﮯ ﮐﮧ ﺍﺱ ﻟﯿﮯ ﭘﮍﮪ ﺭﮨﮯ ﮨﯿﮟ ﮐﮧ ﮐﯿﺮﯾﺌﺮ ﺍﭼﮭﺎ ﮨﻮ، ﺍﭼﮭﯽ ﻣﻼﺯﻣﺘﯿﮟ ﻣﻠﯿﮟ، ﭘﯿﺴﮯ ﺯﯾﺎﺩﮦ ﻣﻠﯿﮟ۔ ﺗﻌﻠﯿﻢ ﮐﯽ ﺳﺎﺭﯼ ﺫﮨﻨﯿﺖ ﺑﺪﻝ ﮐﺮ ﯾﮧ ﺗﺒﺪﯾﻠﯽ ﮐﺮﺩﯼ ﮐﮧ ﻋﻠﻢ ﮐﺎ ﻣﻘﺼﺪ ﭘﯿﺴﮧ ﮐﻤﺎﻧﺎ ﮨﮯ۔ ﻋﺎﻟﻢ ﺣﺎﺻﻞ ﮐﺮﮐﮯ ﻣﻌﺎﺷﺮﮮ ﯾﺎ ﻣﺨﻠﻮﻕ ﮐﯽ ﮐﻮﺋﯽ ﺧﺪﻣﺖ ﺍﻧﺠﺎﻡ ﺩﯾﻨﯽ ﮨﮯ، ﺍﺱ ﮐﺎ ﮐﻮﺋﯽ ﺗﺼﻮﺭ ﺍﺱ ﻣﻮﺟﻮﺩﮦ ﻧﻈﺎﻡِ ﺗﻌﻠﯿﻢ ﻣﯿﮟ ﻧﮩﯿﮟ ﮨﮯ۔ ﺍﺱ ﮐﺎ ﻧﺘﯿﺠﮧ ﯾﮧ ﻧﮑﻼ ﮐﮧ ﮨﺮ ﺷﺨﺺ ﭘﯿﺴﮯ ﮐﻤﺎﻧﮯ ﮐﯽ ﺩﻭﮌ ﻣﯿﮟ ﻣﺒﺘﻼ ﮨﮯ ﺍﻭﺭ ﺍُﺱ ﮐﻮ ﻧﮧ ﻭﻃﻦ ﮐﯽ ﻓﮑﺮ ﮨﮯ، ﻧﮧ ﻣﻠﮏ ﻭ ﻣﻠﺖ ﮐﯽ ﻓﮑﺮ ﮨﮯ ﺍﻭﺭ ﻧﮧ ﻣﺨﻠﻮﻕ ﮐﯽ ﺧﺪﻣﺖ ﮐﺮﻧﮯ ﮐﺎ ﮐﻮﺋﯽ ﺟﺬﺑﮧ ﺍُﺱ ﮐﮯ ﺩﻝ ﻣﯿﮟ ﭘﯿﺪﺍ ﮨﻮﺗﺎ ﮨﮯ۔ ﻭﮦ ﺩﻥ ﺭﺍﺕ ﺍﺳﯽ ﺩﻭﮌ ﺩﮬﻮﭖ ﻣﯿﮟ ﻣﮕﻦ ﮨﮯ ﮐﮧ ﭘﯿﺴﮯ ﺯﯾﺎﺩﮦ ﺑﻨﻨﮯ ﭼﺎﮨﯿﮯ۔ ﺍُﺱ ﮐﮯ ﻟﯿﮯ ﭼﻮﺭﯼ، ﮈﺍﮐﮧ، ﺭﺷﻮﺕ ﻭ ﺳﺘﺎﻧﯽ ﻭﻏﯿﺮﮦ ﮐﮯ ﻧﺎﺟﺎﺋﺰ ﺫﺭﺍﺋﻊ ﺑﮭﯽ ﺍﺳﺘﻌﻤﺎﻝ ﮐﺮﺗﺎ ﮨﮯ۔
ﯾﮧ ﺑﺘﺎﺋﯿﮯ ! ﻣﻮﺟﻮﺩﮦ ﻧﻈﺎﻡِ ﺗﻌﻠﯿﻢ ﮐﮯ ﺗﺤﺖ ﺟﻮ ﻟﻮﮒ ﯾﮩﺎﮞ ﺗﯿﺎﺭ ﮨﻮﺭﮨﮯ ﮨﯿﮟ، ﺍﻧﮩﻮﮞ ﻧﮯ ﻣﺨﻠﻮﻕ ﮐﯽ ﮐﺘﻨﯽ ﺧﺪﻣﺖ ﮐﯽ؟ ﮐﺘﻨﮯ ﻟﻮﮔﻮﮞ ﮐﻮ ﻓﺎﺋﺪﮦ ﭘﮩﻨﭽﺎﯾﺎ؟ ﮨﻤﯿﮟ ﺗﻮ ﭘﯿﻐﻤﺒﺮ ﺍﻧﺴﺎﻧﯿﺖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﯾﮧ ﺩﻋﺎ ﺗﻠﻘﯿﻦ ﻓﺮﻣﺎﺋﯽ ﺗﮭﯽ : ’’ ﺍَﻟﻠّٰﮭُﻢَّ ﻟَﺎﺗَﺠْﻌَﻞِ ﺍﻟﺪُّﻧْﯿَﺎ ﺍَٔﮐْﺒَﺮَ ﮬَﻤِّﻨَﺎ ﻭَﻟَﺎ ﻣَﺒْﻠَﻎَ ﻋِﻠْﻤِﻨَﺎ ﻭَﻟَﺎ ﻏَﺎﯾَﺖَ ﺭَﻗْﺒَﺘِﻨَﺎ …‘‘ ’’ ﯾﺎﺍﻟﻠﮧ ! ﺩﻧﯿﺎ ﮐﻮ ﮨﻤﺎﺭﮮ ﻟﯿﮯ ﻧﮧ ﺗﻮ ﺍﯾﺴﺎ ﺑﻨﺎﺋﯿﮯ ﮐﮧ ﮨﻤﺎﺭﺍ ﮨﺮ ﻭﻗﺖ ﺩﮬﯿﺎﻥ ﺩﻧﯿﺎ ﮨﯽ ﮐﯽ ﻃﺮﻑ ﺭﮨﮯ ﺍﻭﺭ ﻧﮧ ﮨﻤﺎﺭﮮ ﻋﻠﻢ ﮐﺎ ﺳﺎﺭﺍ ﻣَﺒﻠﻎ ﺩﻧﯿﺎ ﮨﯽ ﮨﻮﮐﺮ ﺭﮦ ﺟﺎﺋﮯ، ﺍﻭﺭ ﻧﮧ ﮨﻤﺎﺭﯼ ﺳﺎﺭﯼ ﺭﻏﺒﺘﻮﮞ ﺍﻭﺭ ﺷﻮﻕ ﮐﺎ ﻣﺮﮐﺰ ﺩﻧﯿﺎ ﮨﻮﮐﺮ ﺭﮦ ﺟﺎﺋﮯ۔ ‘‘ ﻟﯿﮑﻦ ﺍﺱ ﻧﻈﺎﻡِ ﺗﻌﻠﯿﻢ ﻧﮯ ﮐﺎﯾﺎ ﭘﻠﭧ ﺩﯼ۔
ﺣﻀﺮﺕ ﻭﺍﻻ ﻣﺎﺟﺪ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐؒ ﻧﮯ ﺟﻮ ﺑﺎﺕ ﻓﺮﻣﺎﺋﯽ ﺗﮭﯽ ﺍُﺱ ﮐﺎ ﻣﻨﺸﺎﺀ ﯾﮧ ﺗﮭﺎ ﮐﮧ ﺍﻧﮕﺮﯾﺰ ﮐﯽ ﻏﻼﻣﯽ ﮐﮯ ﺑﻌﺪ ﺟﻮ ﺗﻌﻠﯿﻢ ﮐﯽ ﮐﺎﯾﺎ ﭘﻠﭩﯽ ﮔﺌﯽ ﮨﮯ، ﺍُﺱ ﮐﺎﯾﺎ ﮐﻮ ﺩﻭﺑﺎﺭﮦ ﭘﻠﭧ ﮐﺮ ﺍُﺱ ﺭﺍﺳﺘﮯ ﭘﺮ ﭼﻠﯿﮟ ﺟﻮ ﺭﺍﺳﺘﮧ ﺟﺎﻣﻌۃ ﺍﻟﻘﺮﻭﯾﯿﻦ ﻧﮯ ﺩﮐﮭﺎﯾﺎ، ﺟﻮ ﺟﺎﻣﻌﮧ ﺯﯾﺘﻮﻧﮧ ﻧﮯ ﺩﮐﮭﺎﯾﺎ، ﺟﻮ ﺍﺑﺘﺪﺍﺋﯽ ﺩﻭﺭ ﻣﯿﮟ ﺟﺎﻣﻌۃ ﺍﻻﺯﮨﺮ ﻧﮯ ﺩﮐﮭﺎﯾﺎ۔ ﻣﯿﮟ ﺍﺑﺘﺪﺍﺋﮯ ﺩﻭﺭ ﮐﯽ ﺑﺎﺕ ﺍﺱ ﻟﯿﮯ ﮐﺮﺭﮨﺎ ﮨﻮﮞ ﮐﮧ ﺁﺝ ﺟﺎﻣﻌﮧ ﺍﺯﮨﺮ ﮐﯽ ﺑﮭﯽ ﮐﺎﯾﺎ ﭘﻠﭧ ﭼﮑﯽ ﮨﮯ، ﺍﺳﯽ ﻟﯿﮯ ﺍﺑﺘﺪﺍﺋﯽ ﺩﻭﺭ ﮐﯽ ﺑﺎﺕ ﮐﺮﺭﮨﺎ ﮨﻮﮞ۔ ﮨﻤﺎﺭﮮ ﯾﮩﺎﮞ ﺣﮑﻮﻣﺘﯽ ﺳﻄﺢ ﭘﺮ ﻭﮦ ﻧﻈﺎﻡ ﺗﻌﻠﯿﻢ ﻧﺎﻓﺬ ﻧﮩﯿﮟ ﮨﻮﺳﮑﺎ، ﻟﮩٰﺬﺍ ﻣﺠﺒﻮﺭﺍً ﮐﻢ ﺍﺯ ﮐﻢ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﮐﮯ ﻧﻈﺎﻡ ﮐﺎ ﺗﺤﻔﻆ ﺗﻮ ﮨﻮ۔ ﺍﻟﺤﻤﺪﻟﻠﮧ ! ﺍﺳﯽ ﻏﺮﺽ ﺳﮯ ﻣﺪﺍﺭﺱ ﻗﺎﺋﻢ ﮨﻮﺋﮯ۔ ﺟﺐ ﺗﮏ ﮨﻤﯿﮟ ﺣﮑﻤﺮﺍﻧﻮﮞ ﺍﻭ ﺭﻧﻈﺎﻡِ ﺣﮑﻮﻣﺖ ﭘﺮ ﺍﻭﺭ ﺍُﻥ ﮐﮯ ﺑﻨﺎﺋﮯ ﮨﻮﺋﮯ ﻗﻮﺍﻧﯿﻦ ﭘﺮ ﺑﮭﺮﻭﺳﮧ ﻧﮩﯿﮟ ﮨﮯ ﺍﻭﺭ ﻧﮧ ﻣﺴﺘﻘﺒﻞ ﻗﺮﯾﺐ ﻣﯿﮟ ﮐﻮﺋﯽ ﺑﮭﺮﻭﺳﮧ ﮨﻮﻧﮯ ﮐﯽ ﺍﻣﯿﺪ ﮨﮯ، ﺍﺱ ﻟﯿﮯ ﺍُﺱ ﻭﻗﺖ ﺗﮏ ﮨﻢ ﺍِﻥ ﻣﺪﺍﺭﺱ ﮐﺎ ﭘﻮﺭﺍ ﺗﺤﻔﻆ ﮐﺮﯾﮟ ﮔﮯ۔ ﻣﺪﺍﺭﺱ ﮐﻮ ﺍﺳﯽ ﻃﺮﺡ ﺑﺮﻗﺮﺍﺭ ﺭﮐﮭﯿﮟ ﮔﮯ ﺟﺲ ﻃﺮﺡ ﮨﻤﺎﺭﮮ ﺍﮐﺎﺑﺮ ﻧﮯ ﺩﯾﻮﺑﻨﺪ ﮐﯽ ﻃﺮﺡ ﺑﺮﻗﺮﺍﺭ ﺭﮐﮭﺎ۔ ﺍﺱ ﮐﮯ ﺍﻭﭘﺮ ﺍﻥ ﺷﺎﺀ ﺍﻟﻠﮧ ﮐﻮﺋﯽ ﺁﻧﭻ ﺑﮭﯽ ﻧﮩﯿﮟ ﺁﻧﮯ ﺩﯾﮟ ﮔﮯ، ﻟﯿﮑﻦ ﮨﻢ ﭼﺎﮨﺘﮯ ﮨﯿﮟ ﮐﮧ ﺭﻓﺘﮧ ﺭﻓﺘﮧ ﯾﮧ ﻗﻮﻡ ﺍُﺱ ﻃﺮﻑ ﺑﮍﮬﮯ ﺟﻮ ﮨﻤﺎﺭﺍ ﺍﺑﺘﺪﺍﺋﯽ ﻣﻄﻤﺢ ﻧﻈﺮ ﺗﮭﺎ۔ ﺍﺳﯽ ﺳﻠﺴﻠﮯ ﻣﯿﮟ ﺣﺮﺍ ﻓﺎﺋﻮﻧﮉﯾﺸﻦ ﮐﯽ ﯾﮧ ﭼﮭﻮﭨﯽ ﺳﯽ ﭘﺮﯾﺬﯾﻨﭩﯿﺸﻦ ﺗﮭﯽ۔
ﺍﺱ ﻣﯿﮟ ﺭﺋﯿﺲ ﺍﻟﺠﺎﻣﻌﮧ ﮐﺎ ﭼﮭﻮﭨﺎ ﺳﺎ ﺧﻄﺎﺏ ﺗﮭﺎ ﺍﻭﺭ ﻣﯿﮟ ﺑﮭﯽ ﺍﺳﮯ ﮨﺮ ﺟﮕﮧ ﺑﯿﺎﻥ ﮐﺮﻧﮯ ﮐﯽ ﮐﻮﺷﺶ ﮐﺮﺗﺎ ﮨﻮﮞ ﮐﮧ ﺍﻟﺤﻤﺪﻟﻠﮧ ! ﭘﺎﮐﺴﺘﺎﻥ ﻣﯿﮟ ﺩﯾﻨﯽ ﻣﺪﺍﺭﺱ ﮐﯽ ﺗﻌﺪﺍﺩ ﺑﻘﺪﺭِ ﺿﺮﻭﺭﺕ ﺍﭼﮭﯽ ﺧﺎﺻﯽ ﮨﻮﮔﺌﯽ، ﻟﯿﮑﻦ ﺳﺎﺭﮮ ﻣﺪﺍﺭﺱ ﻓﺮﺽِ ﮐﻔﺎﯾﮧ ﮐﯽ ﺗﻌﻠﯿﻢ ﺩﮮ ﺭﮨﮯ ﮨﯿﮟ۔ ﺍﮔﺮ ﺍﻥ ﻣﺪﺍﺭﺱ ﻣﯿﮟ ﺗﻌﻠﯿﻢ ﺣﺎﺻﻞ ﮐﺮﻧﮯ ﮐﮯ ﻟﯿﮯ ﺁﻧﮯ ﻭﺍﻟﻮﮞ ﮐﺎ ﺗﻨﺎﺳﺐ ﭘﻮﺭﮮ ﻣﻠﮏ ﮐﮯ ﺣﺴﺎﺏ ﺳﮯ ﺩﯾﮑﮭﺎ ﺟﺎﺋﮯ ﺗﻮ ﻣﺸﮑﻞ ﺳﮯ ﺍﯾﮏ ﻓﯿﺼﺪ ﮨﻮﮔﺎ، ﻟﯿﮑﻦ ﻧﻨﺎﻧﻮﮮ ﻓﯿﺼﺪ ﻗﻮﻡ ﺟﻦ ﺍﺩﺍﺭﻭﮞ ﻣﯿﮟ ﺟﺎﺭﮨﯽ ﮨﮯ ﺍﻭﺭ ﺟﺲ ﻃﺮﺡ ﻭﮦ ﺍﻧﮕﺮﯾﺰﻭﮞ ﮐﯽ ﺫﮨﻨﯽ ﻏﻼﻡ ﺑﻦ ﺭﮨﯽ ﮨﮯ، ﺍﺱ ﺗﻌﺪﺍﺩ ﮐﺎ ﺁﭖ ﺑﺨﻮﺑﯽ ﺍﻧﺪﺍﺯﮦ ﻟﮕﺎﺳﮑﺘﮯ ﮨﯿﮟ۔
ﻣﯿﮟ ﯾﮧ ﺑﺎﺕ ﮐﺌﯽ ﻣﺮﺗﺒﮧ ﮐﮩﮧ ﭼﮑﺎ ﮨﻮﮞ ﺍﻭﺭ ﮐﮩﺘﺎ ﺭﮨﺘﺎ ﮨﻮﮞ ﮐﮧ ﺁﭖ ﮐﺎ ﺍﺻﻞ ﻣﻘﺼﺪ ﯾﮧ ﮨﮯ ﮐﮧ ﺧﺪﺍ ﮐﮯ ﻟﯿﮯ ﮨﻤﺎﺭﯼ ﺍﺱ ﻧﺴﻞ ﮐﻮ ﺍﺱ ﺍﻧﮕﺮﯾﺰ ﮐﯽ ﺫﮨﻨﯽ ﻏﻼﻣﯽ ﺳﮯ ﻧﮑﺎﻟﯿﮯ۔ ﺁﭖ ﮐﻮ ﯾﮧ ﺗﺎﺛﺮ ﺩﯾﻨﺎ ﮨﮯ ﮐﮧ ﺍﻟﺤﻤﺪﻟﻠﮧ ! ﮨﻢ ﺍﯾﮏ ﺁﺯﺍﺩ ﻗﻮﻡ ﮨﯿﮟ، ﮨﻢ ﺍﯾﮏ ﺁﺯﺍﺩ ﺳﻮﭺ ﺭﮐﮭﺘﮯ ﮨﯿﮟ، ﮨﻢ ﺍﭘﻨﮯ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺳﻮﭺ ﺭﮐﮭﺘﮯ ﮨﯿﮟ ﺍﻭﺭ ﯾﮧ ﺟﻮ ﺫﮨﻨﯽ ﻏﻼﻣﯽ ﮐﺎ ﺗﺼﻮﺭ ﭘﺎﻻ ﮔﯿﺎ ﮨﮯ ﮐﮧ ﺟﻮ ﮐﭽﮫ ﮨﻮﮔﺎ ﻭﮦ ﻣﻐﺮﺏ ﺳﮯ ﺁﺋﮯ ﮔﺎ ﺍﻭﺭ ﮨﻢ ﻣﻐﺮﺑﯽ ﺍﻓﮑﺎﺭ ﭘﺮ ﭘﺮﻭﺍﻥ ﭼﮍﮬﯿﮟ ﮔﮯ، ﺧﺪﺍ ﮐﮯ ﻟﯿﮯ ﺍﺱ ﻧﺌﯽ ﻧﺴﻞ ﮐﮯ ﺫﮨﻨﻮﮞ ﺳﮯ ﯾﮧ ﭼﯿﺰ ﻣﭩﺎﺋﯿﮯ ﺍﻭﺭ ﺍﻥ ﮐﮯ ﺍﻧﺪﺭ ﺍﺳﻼﻣﯽ ﺫﮨﻨﯿﺖ ﭘﯿﺪﺍ ﮐﯿﺠﯿﮯ۔ ﮨﻢ ﻧﮯ ﺍﺳﯽ ﻣﻘﺼﺪ ﮐﮯ ﻟﯿﮯ ﯾﮧ ﺍﺩﺍﺭﮦ ﻗﺎﺋﻢ ﮐﯿﺎ۔ ﻣﻐﺮﺏ ﮐﯽ ﺑﮭﯽ ﮨﺮ ﺑﺎﺕ ﺑﺮﯼ ﻧﮩﯿﮟ ﮨﮯ، ﮐﭽﮫ ﭼﯿﺰﯾﮟ ﺍﭼﮭﯽ ﺑﮭﯽ ﮨﯿﮟ، ﻟﯿﮑﻦ ﺍُﻥ ﺍﭼﮭﯽ ﭼﯿﺰﻭ ﮞﮑﻮ ﻟﮯ ﻟﻮ ﺍﻭﺭ ﺑﺮﯼ ﭼﯿﺰﻭﮞ ﮐﻮ ﭘﮭﯿﻨﮏ ﺩﻭ، ’’ ﺧُﺬْ ﻣَﺎﺻَﻔﺎ ﻭَﺩَﻉَ ﻣﺎﮐﺪﺭ ‘‘ ﺍﺱ ﺍﺻﻮﻝ ﮐﮯ ﺍﻭﭘﺮ ﺍﮔﺮ ﮐﺎﻡ ﮐﯿﺎ ﺟﺎﺋﮯ ﺗﻮ ﺍﻥ ﺷﺎﺀ ﺍﻟﻠﮧ ﮨﻢ ﻣﻨﺰﻝ ﺗﮏ ﭘﮩﻨﭻ ﺟﺎﺋﯿﮟ ﮔﮯ۔
ﺍﻗﺒﺎﻝ ﻣﺮﺣﻮﻡ ﻧﮯ ﺑﻌﺾ ﺍﻭﻗﺎﺕ ﺍﯾﺴﮯ ﺣﺴﯿﻦ ﺗﺒﺼﺮﮮ ﮐﯿﮯ ﮨﯿﮟ ﮐﮧ ﻭﮦ ﻗﻮﻡ ﮐﮯ ﻟﯿﮯ ﻣﺸﻌﻞ ﺭﺍﮦ ﮨﯿﮟ۔ ﻣﻐﺮﺏ ﮐﯽ ﺗﺮﻗﯽ ﺟﻮ ﮐﮩﯿﮟ ﺳﮯ ﮐﮩﯿﮟ ﭘﮩﻨﭽﯽ ﮨﮯ ﺍُﺱ ﭘﺮ ﺗﺒﺼﺮﮦ ﮐﺮﺗﮯ ﮨﻮﺋﮯ ﭼﻨﺪ ﺷﻌﺮ ﮐﮩﮯ ﮨﯿﮟ، ﻭﮦ ﮨﻤﯿﺸﮧ ﯾﺎﺩ ﺭﮐﮭﻨﮯ ﮐﮯ ﮨﯿﮟ۔ ﻭﮦ ﮐﮩﺘﮯ ﮨﯿﮟ ؎
ﻗﻮﺕِ ﻣﻐﺮﺏ ﻧﮧ ﺍﺯ ﭼﻨﮓ ﻭ ﺭﺑﺎﺏ
ﻧﮯ ﺯ ﺭﻗﺺِ ﺩﺧﺘﺮﺍﻥِ ﺑﮯ ﺣﺠﺎﺏ
ﭼﻨﮓ ﻭ ﺭﺑﺎﺏ ﯾﻌﻨﯽ ﻣﻮﺳﯿﻘﯽ ﮐﮯ ﺁﻻﺕ۔ ﻣﻐﺮﺏ ﮐﯽ ﻗﻮﺕ ﺍﺱ ﻟﯿﮯ ﻧﮩﯿﮟ ﮨﻮﺋﯽ ﮐﮧ ﻭﮨﺎﮞ ﻣﻮﺳﯿﻘﯽ ﮐﺎ ﺑﮍﺍ ﺭﻭﺍﺝ ﮨﮯ، ﻧﮧ ﺍﺱ ﻭﺟﮧ ﺳﮯ ﮨﻮﺋﯽ ﮐﮧ ﺑﮯ ﺣﺠﺎﺏ ﺍﻭﺭ ﺑﮯ ﭘﺮﺩﮦ ﻋﻮﺭﺗﯿﮟ ﺭﻗﺺ ﮐﺮﺗﯽ ﮨﯿﮟ۔
ﻧﮯ ﺯ ﺳﺤﺮ ﺳﺎﺣﺮﺍﻥ ﻻﻟﮧ ﺭﻭﺳﺖ
ﻧﮯ ﺯ ﻋﺮﯾﺎﮞ ﺳﺎﻕ ﻭ ﻧﮯ ﺯ ﻗﻄﻊ ﻣﻮﺳﺖ .
ﻧﮧ ﺍﺱ ﻭﺟﮧ ﺳﮯ ﮨﻮﺋﯽ ﮐﮧ ﻭﮨﺎﮞ ﺣﺴﯿﻦ ﻋﻮﺭﺗﯿﮟ ﺑﮩﺖ ﭘﮭﺮﺗﯽ ﮨﯿﮟ ﺍﻭﺭ ﻧﮧ ﺍﺱ ﻭﺟﮧ ﺳﮯ ﮐﮧ ﺍﻧﮩﻮﮞ ﻧﮯ ﺍﭘﻨﯽ ﭨﺎﻧﮕﯿﮟ ﻧﻨﮕﯽ ﮐﺮ ﺭﮐﮭﯽ ﮨﯿﮟ ﺍﻭﺭ ﺍﭘﻨﮯ ﺑﺎﻝ ﺩﺭﺍﺯ ﮐﺮ ﺭﮐﮭﮯ ﮨﯿﮟ۔
ﻗﻮﺕِ ﻣﻐﺮﺏ ﺍﺯ ﻋﻠﻢ ﻭ ﻓﻦ ﺍﺳﺖ
ﺍﺯ ﮨﻤﯿﮟ ﺁﺗﺶ ﭼﺮﺍﻏﺶ ﺭﻭﺷﻦ ﺍﺳﺖ
ﻗﻮﺕ ﺍﮔﺮ ﮨﻮﺋﯽ ﮨﮯ ﺗﻮ ﻋﻠﻢ ﻭ ﻓﻦ ﻣﯿﮟ ﻣﺤﻨﺖ ﮐﺮﻧﮯ ﮐﯽ ﻭﺟﮧ ﺳﮯ ﮨﻮﺋﯽ ﮨﮯ۔ ﺍﺳﯽ ﺁﮒ ﺳﮯ ﺍُﺱ ﮐﺎ ﭼﺮﺍﻍ ﺭﻭﺷﻦ ﮨﮯ۔ ﺍﻭﺭ ﭘﮭﺮ ﺁﺧﺮ ﻣﯿﮟ ﺑﮍﺍ ﺧﻮﺑﺼﻮﺭﺕ ﺷﻌﺮ ﮐﮩﺎ ﮨﮯ ﮐﮧ
ﺣﮑﻤﺖ ﺍﺯ ﻗﻄﻊ ﻭ ﺑﺮﯾﺪ ﺟﺎﻣﮧ ﻧﯿﺴﺖ
ﻣﺎﻧﻊ ﻋﻠﻢ ﻭ ﮨﻨﺮ ﻋﻤﺎﻣﮧ ﻧﯿﺴﺖ
ﯾﻌﻨﯽ ﺣﮑﻤﺖ ﻭ ﻋﻠﻢ ﮐﭙﮍﻭﮞ ﮐﯽ ﻗﺪ ﻭ ﺑﺮﯾﺪ ﯾﺎ ﺗﺮﺍﺵ ﻭ ﺧﺮﺍﺵ ﺳﮯ ﺣﺎﺻﻞ ﻧﮩﯿﮟ ﮨﻮﺗﺎ۔ ﮐﺴﯽ ﻧﮯ ﭘﺘﻠﻮﻥ ﭘﮩﻦ ﻟﯽ ﺗﻮ ﺗﺮﻗﯽ ﯾﺎﻓﺘﮧ ﺍﻭﺭ ﺗﻌﻠﯿﻢ ﯾﺎﻓﺘﮧ ﮨﻮﮔﺌﮯ۔ ﺍﮔﺮ ﺷﻠﻮﺍﺭ ﻗﻤﯿﺺ ﭘﮩﻦ ﻟﯽ ﺗﻮ ﭘﺴﻤﺎﻧﺪﮦ ﮨﯿﮟ، ﺗﺮﻗﯽ ﭘﺴﻨﺪ ﻧﮩﯿﮟ ﮨﯿﮟ۔ ﺍﮔﺮ ﻋﻤﺎﻣﮧ ﭘﮩﻦ ﻟﯿﺎ ﺗﻮ ﺍُﺱ ﺳﮯ ﻋﻠﻢ ﻭ ﮨﻨﺮ ﻣﯿﮟ ﮐﻮﺋﯽ ﺭﮐﺎﻭﭦ ﭘﯿﺪﺍ ﻧﮩﯿﮟ ﮨﻮﺗﯽ، ﻟﯿﮑﻦ ﺗﻢ ﻧﮯ ﭼﻨﺪ ﺟﻮﺍﮨﺮ ﮐﻮ ﯾﮧ ﺳﻤﺠﮭﺎ ﮨﻮﺍ ﮨﮯ ﮐﮧ ﻣﻐﺮﺏ ﮐﻮ ﺍُﺱ ﺳﮯ ﻗﻮﺕ ﺣﺎﺻﻞ ﮨﻮﺋﯽ ﮨﮯ ﺍﻭﺭ ﺍُﺱ ﮐﮯ ﻧﺘﯿﺠﮯ ﻣﯿﮟ ﺍﭘﻨﯽ ﻧﺴﻠﻮﮞ ﮐﻮ ﺍُﺱ ﮐﮯ ﭘﯿﭽﮭﮯ ﭼﻼﮐﺮ ﺗﺒﺎﮦ ﮐﺮﺭﮨﮯ ﮨﻮ، ﻟﮩٰﺬﺍ ﺍﺱ ﺳﮯ ﺍﭘﻨﮯ ﺁﭖ ﮐﻮ ﺑﭽﺎﺋﻮ۔ ﯾﮧ ﮨﮯ ﺣﺮﺍ ﻓﺎﺋﻮﻧﮉﯾﺸﻦ ﺍﺳﮑﻮﻝ۔ ﺍﻟﺤﻤﺪﻟﻠﮧ ! ﺩﻭﺳﺮﯼ ﺟﮕﮩﻮ ﮞﭙﺮ ﯾﮧ ﺗﻮﺟﮧ ﻋﺎﻡ ﮨﻮﺋﯽ ﮨﮯ ﺍﻭﺭ ﺑﮭﯽ ﺍﺳﮑﻮﻝ ﻗﺎﺋﻢ ﮨﻮﺭﮨﮯ ﮨﯿﮟ۔ ﺟﻦ ﮐﺎ ﺍﺻﻞ ﻣﻘﺼﻮﺩ ﯾﮧ ﮨﮯ ﮐﮧ ﮨﻢ ﻭﺍﭘﺲ ﺍُﺱ ﻧﻈﺎﻡ ﺗﮏ ﻟﻮﭨﯿﮟ ؎
ﮨﺎﮞ ﺩﮐﮭﺎ ﺩﮮ ﺍﮮ ﺗﺼﻮﺭ ﭘﮭﺮ ﻭﮦ ﺻﺒﺢ ﻭ ﺷﺎﻡ ﺗﻮ
ﺩﻭﮌ ﭘﯿﭽﮭﮯ ﮐﯽ ﻃﺮﻑ ﺍﮮ ﮔﺮﺩﺵ ﺍﯾﺎﻡ ﺗﻮ
ﮐﻮﺋﯽ ﮐﮩﮯ ﮔﺎ ﮐﮧ ﯾﮧ ﺭِﺟﻌﺖ ﭘﺴﻨﺪﯼ ﮨﮯ، ﻟﯿﮑﻦ ﺍﻗﺒﺎﻝ ﺟﯿﺴﺎ ﺗﺮﻗﯽ ﭘﺴﻨﺪ ﺷﺎﻋﺮ ﮐﮩﺘﺎ ﮨﮯ ﮐﮧ ’’ ﺩﻭﮌ ﭘﯿﭽﮭﮯ ﮐﯽ ﻃﺮﻑ ﺍﮮ ﮔﺮﺩﺵِ ﺍﯾﺎﻡ ﺗُﻮ ‘‘ ﯾﻌﻨﯽ ﮨﻢ ﺍُﺱ ﻃﺮﻑ ﺩﻭﮌﯾﮟ ﺟﻮ ﺟﺎﻣﻌۃ ﺍﻟﻘﺮﻭﯾﯿﻦ ﮐﯽ ﺑﺎﺕ ﺗﮭﯽ، ﺟﻮ ﺟﺎﻣﻌﮧ ﺯﯾﺘﻮﻧﮧ ﮐﯽ ﺑﺎﺕ ﺗﮭﯽ، ﮨﻢ ﺍُﺱ ﻃﺮﻑ ﺩﻭﮌﯾﮟ۔ ﮨﻢ ﻧﮯ ﺍﺱ ﻏﺮﺽ ﮐﮯ ﺗﺤﺖ ﯾﮧ ﺍﺩﺍﺭﮦ ﺍﻟﻠﮧ ﮐﮯ ﻧﺎﻡ ﭘﺮ ﻗﺎﺋﻢ ﮐﯿﺎ۔ ﺣﻀﺮﺕ ﻭﺍﻟﺪ ﻣﺎﺟﺪ ﺻﺎﺣﺐؒ ﮐﮯ ﺍﺭﺷﺎﺩ ﮐﯽ ﺑﻨﯿﺎﺩ ﭘﺮ ﻗﺎﺋﻢ ﮐﯿﺎ ﮔﯿﺎ ﮨﮯ۔
ﺍﺑﮭﯽ ﻓﯽ ﺍﻟﺤﺎﻝ ﺁﭖ ﻧﮯ ﺍﺱ ﮐﯽ ﺟﮭﻠﮑﯿﺎﮞ ﺩﯾﮑﮭﯽ ﮨﯿﮟ، ﻟﯿﮑﻦ ﺍﻟﺤﻤﺪﻟﻠﮧ ﺛﻢ ﺍﻟﺤﻤﺪﻟﻠﮧ ! ﺍﺱ ﻗﻠﯿﻞ ﻋﺮﺻﮯ ﻣﯿﮟ ﺍﻟﻠﮧ ﺗﻌﺎﻟﯽٰ ﻧﮯ ﺗﺮﻗﯽ ﮐﮯ ﺑﮩﺖ ﺳﮯ ﻣﻨﺎﺯﻝ ﻃﮯ ﮐﺮﻭﺍﺋﯽ ﮨﯿﮟ۔ ﺳﭽﯽ ﺑﺎﺕ ﮨﮯ ﮐﮧ ﻣﯿﺮﮮ ﺑﯿﭩﮯ ﮨﯿﮟ، ﻧﮩﯿﮟ ﮐﮩﻨﺎ ﭼﺎﮨﯿﮯ، ﻣﮕﺮ ﻣﻮﻻﻧﺎ ﺍﺷﺮﻑ ﻋﺜﻤﺎﻧﯽ ﻧﮯ ﺧﺼﻮﺻﯽ ﺗﻮﺟﮧ ﺍﻭﺭ ﺩﻥ ﺭﺍﺕ ﮐﮭﭙﺎﮐﺮ ﺍﻧﺘﮩﺎﺋﯽ ﻋﺮﻕ ﺭﯾﺰﯼ ﺍﻭﺭ ﺩﯾﺪﮦ ﺭﯾﺰﯼ ﮐﮯ ﺳﺎﺗﮫ ﺍﻥ ﺣﻀﺮﺍﺕ ﻧﮯ ﺑﮍﯼ ﻣﺤﻨﺖ ﮐﺮﮐﮯ ﺍﺱ ﺍﺩﺍﺭﮮ ﮐﻮ ﭘﺮﻭﺍﻥ ﭼﮍﮬﺎﻧﮯ ﮐﯽ ﮐﻮﺷﺶ ﮐﯽ ﮨﮯ، ﺟﺲ ﮐﮯ ﮐﭽﮫ ﺗﮭﻮﮌﮮ ﺳﮯ ﻧﺘﺎﺋﺞ ﺁﭖ ﻧﮯ ﺩﯾﮑﮭﮯ ﮨﯿﮟ۔
ﺍﺳﮯ ﮨﻢ ﻧﮯ ﻣﺠﺒﻮﺭﺍً ﺍﻧﮕﺮﯾﺰﯼ ﻣﯿﮉﯾﻢ ﻣﯿﮟ ﺭﮐﮭﺎ ﮨﮯ، ﻭﺭﻧﮧ ﺗﻌﻠﯿﻢ ﻣﺎﺩﺭﯼ ﺯﺑﺎﻥ ﮨﯽ ﻣﯿﮟ ﮨﻮﻧﯽ ﭼﺎﮨﯿﮯ، ﻣﮕﺮ ﭼﻮﻧﮑﮧ ﯾﮩﺎﮞ ﺍﯾﮏ ﻭﺑﺎﺀ ﭼﻞ ﭘﮍﯼ ﺍﻭﺭ ﺍﺱ ﻭﺍﺳﻄﮯ ﮨﻤﯿﮟ ﺍﻥ ﺧﺎﻧﺪﺍﻧﻮﮞ ﮐﻮ Attract ﮐﺮﻧﺎ ﮨﮯ ﺟﻮ ﺍﭘﻨﮯ ﺑﭽﻮﮞ ﮐﻮ ﺍُﺱ ﻧﻈﺎﻡِ ﺗﻌﻠﯿﻢ , ﺑﮭﯿﺠﺘﮯ ﮨﯿﮟ، ﺍﺱ ﻟﺤﺎﻅ ﺳﮯ ﮨﻢ ﻧﮯ ﺍﺳﮯ ﺍﻧﮕﻠﺶ ﻣﯿﮉﯾﻢ ﺭﮐﮭﺎ۔ ﺍﺱ ﮐﮯ ﺳﺎﺗﮫ ﺳﺎﺗﮫ ﺣﻔﻆ ﺍﻭﺭ ﻋﺮﺑﯽ ﮐﯽ ﮐﻼﺳﯿﮟ ﺑﮭﯽ ﮨﯿﮟ۔ ﺍﺭﺩﻭ ﮐﻮ ﺑﮭﯽ ﺍﯾﮏ ﺍﭼﮭﮯ ﻣﻘﺎﻡ ﮐﮯ ﺳﺎﺗﮫ ﭘﮍﮬﺎﻧﮯ ﮐﯽ ﮐﻮﺷﺶ ﮐﯽ ﺟﺎﺭﮨﯽ ﮨﮯ۔ ﺍﻟﻠﮧ ﺗﺒﺎﺭﮎ ﻭ ﺗﻌﺎﻟﯽٰ ﺳﮯ ﺩﻋﺎ ﮨﮯ ﮐﮧ ﺍﻟﻠﮧ ﺗﻌﺎﻟﯽٰ ﺍﺳﮯ ﺍﭘﻨﯽ ﺑﺎﺭﮔﺎﮦ ﻣﯿﮟ ﺷﺮﻑِ ﻗﺒﻮﻟﯿﺖ ﻋﻄﺎ ﻓﺮﻣﺎﺋﮯ ۔ ﺍﻟﻠﮧ ﺗﻌﺎﻟﯽٰ ﺍﭘﻨﮯ ﻓﻀﻞ ﻭ ﮐﺮﻡ ﺳﮯ ﮨﻤﺎﺭﯼ ﻧﯿﺘﻮﮞ ﻣﯿﮟ ﺑﮭﯽ ﺍﺧﻼﺹ ﭘﯿﺪﺍ ﻓﺮﻣﺎﺋﮯ، ﮨﻤﺎﺭﮮ ﻃﺮﯾﻖِ ﻋﻤﻞ ﻣﯿﮟ ﺑﮭﯽ ﺍﻟﻠﮧ ﺗﻌﺎﻟﯽٰ ﺳﻼﻣﺘﯽ ﻋﻄﺎ ﻓﺮﻣﺎﺋﮯ ﺍﻭﺭ ﮨﺮ ﻃﺮﺡ ﮐﮯ ﺷﺮ ﺍﻭﺭ ﻓﺘﻨﮯ ﺳﮯ ﮨﻤﺎﺭﯼ ﺣﻔﺎﻇﺖ ﻓﺮﻣﺎﺋﮯ۔ ﺍﻟﻠﮧ ﺗﻌﺎﻟﯽٰ ﺍﭘﻨﯽ ﺭﺿﺎﺀ ﮐﮯ ﻣﻄﺎﺑﻖ ﺍﺱ ﻣﻌﺎﻣﻠﮯ ﮐﻮ ﺁﮔﮯ ﺑﮍﮬﺎﻧﮯ ﮐﯽ ﺗﻮﻓﯿﻖ ﻋﻄﺎﻓﺮﻣﺎﺋﮯ۔
ﺑﺸﮑﺮیہ

)
Muhammad Jawaid Shamshad

Written by

Patriotic & Problem Solver