Sep 8, 2018 · 2 min read
人生只能跟水流轉彎
最近竟然搵番久為了嘅心跳加速💓感覺。
對上次心跳加速已經係九年前,因為一套韓劇,一個韓星。
今次心跳加速係因為一個叫”全民做星”嘅節目,一個香港人。
佢叫Frankie.
最初睇呢個節目係因為100毛嘅龍志權。想睇下100毛點樣入侵ViuTV.😂
睇睇下發現肥仔同193都幾好笑。所以就loop咗佢地B2嘅表演”麒麟怪怪”好幾次。
睇多幾次就發現企係肥仔隔離,跳舞好勁嗰個人都幾靚仔。點解之前咁多集我都唔覺嘅?原來靚仔都需要綠葉扶持。之前Frankie佢一個人出嚟表演冇比較,係冇咁靚仔😆😆😆。
令我有被電親同心跳加速係星期一呢集。佢笑著唱”內外”嗰陣,真係charm 都爆燈。😍😍😍
之後佢係dance battle 嗰part 笑著又跳又唱,真係帥到一個點!🤩🤩🤩。唔知係咪因為我剩係望到Frankie, 所以覺得今次剪片俾咗好多大頭俾佢!👍🏻👍🏻👍🏻
可惜係啱啱俾Frankie電完,跟住嗰集就俾人foul 咗。鏡頭影住佢強忍著淚水,悲傷嘅神情,睇到我心都實晒。😢 之後有個鏡頭影住佢流咗一滴眼淚💧。搞到我好想同佢講句”唔好喊啦!等姐姐抱抱!”😭
睇住佢同肥仔係呢個兩個會合明明做得好好,但係偏偏兩次都要輸,今次仲要foul埋。😫 只能講句歌詞:
”人生只能跟水流轉彎,人生總是急彎誰可揀”
全民造星已經冇咗Frankie, 我只有狂loop佢之前嘅表演。雖然我唔想佢喊,但係佢喊嗰段我都loop咗好多次。🙈🙈
講咗咁耐,Frankie 其實咩樣?下面係一個Frankie 拍過嘅廣告。如果用咗Gatsby可以咁靚仔。我要快d買支俾我老公用先。😆😆
逆流大叔插曲,大叔情歌。
人生只能跟水流轉彎
人生總是急彎誰可揀
人生不停闖關才好玩
鬥志不散
