創業者嘅資源分配

這幾年在創業中浮浮沉沉,一心只在事業中拼,當事業尚未成功時,回過頭來,卻發現銀行戶口乜進寸,有 d 嘢唔多對路喎!

因為個人職志選擇,這幾年一直都在創業。而創業的風氣在香港也越來越盛行。而因着互聯網的興起,創業的顯見成本大減,甚至有着:“只要有想法,敢踏出第一步,就係成功嘅一半。〞等說法。當然,過來人會明白,這些說法是何其荒謬。踏出第一步去創去試,頂多也就是:踏出第一步去創去試。前面還有數不盡的困難。另外,有了 Lean Startup 等學說,創業者有更科學的系統創業。建成了不同嘅共享空間 (co-working space),也有相應的 incubator, accelerator 去到天使投資等, 初創公司在不同階段需要資金及配套都有扶持,所以創業的門檻是降低了不少。

但從統計來說,創業始終都是輸多赢少的遊戲。能捱過3年嘅 startup, 身邊唔多於20%。接下來創辦人的問題就來了。搞了兩三年,洗咗一筆錢,項目唔拖唔水 (不說完全失敗),自己荷包卻毫無寸進。如果此時,創業者已踏入三十歳而立之年,要成家立室,咁點算?

自己就經歷過這事,回過頭來看,雖未至於說:“賴咗嘢 〞,但係都有 “lesson learned” 嘅想法。當然唔係就要推翻做 startup的經歷。一方面出得嚟創業,都要有食得鹹魚抵得渴的心態。另外其實呢種求高風險,高回報嘅企家精神,都幾讓我尊重。當年16/17世紀,歐洲流行着大航海時代。佢地就係今天創業者的原型。難道他們都崇高的想探索世界嗎?當然唔係。佢地都需要皇室教會作投資者供佢地造船請人出海。而條件就係這幫航海者承諾會探索新的商業航線,尋找新的香料,原產物回投資者,甚至殖民。但也正正是他們出海探險,創造財富之時,也把人類文明,科技發展,全球化等推進新一頁。這不是他們目的,但附帶地帶動了這些效果來。

創業是高風險高回報活動,經常聽到創業公司融到 US $2M / $5M / $10M 美金,但未融到資前,而創業者又有經濟負擔時,有無方法對沖這經濟風險呢?對創業者來說,“無咁賴嘢〞呢?

我這陣子在思考這問題,回憶起以前讀李嘉誠先生創業故事時的經商理念,“發展中不忘穩健,穩健中不忘發展〞。所以他一方面做一些穩健的生意,唔會大賺,但賺錢是十拿九穩的。另一面是發展,比較進取型的,風險高些,回報大些,但也可能全軍覆没的。不過就算虧了,還有穩健的一邊提供現金流。

其實,有時候看人生,何常唔係一次又一次嘅資源分配?

— 寫於 2016-08-20

Show your support

Clapping shows how much you appreciated Jimmy Chu’s story.