TF-SCALE 2016!

• TF-SCALE stands for Temasek Foundation Specialists’ Community Action and Leadership Exchange

TF-SCALE ເປັນໂຄງການແລກປ່ຽນການສຶກສາ ແລະ ວັດທະນະທຳຢູ່ປະເທດສິງກະໂປ ສຳລັບນັກສຶກສາມະຫາວິທະຍາໄລແຫ່ງຊາດລາວ ເປັນເວລາສາມອາທິດຕັ້ງແຕ່ວັນທີ 9–29 ກໍລະກົດ 2016 ແລະ ສິ່ງທີ່ສຳຄັນທີ່ສຸດຂອງໂຄງການນີ້ແມ່ນຟີທຸກຢ່າງ (Fully Fund).

ເຊິ່ງ Host ໃນການເດີນທາງຂອງເຮົາຄັ້ງນີ້ຂອງເຮົາແມ່ນ ໂຮງຮຽນວິຊາຊີບຢີອານ Ngee Ann Polytechnic, Singapore.

• ເຊິ່ງໃນບົດຄວາມນີ້ ຂ້ອຍເອງກະມີຫລາຍສິ່ງຫລາຍຢ່າງທີ່ຢາກຈະເວົ້າ ແລະຫວັງວ່າຈະເປັນປະໂຫຍດໃຫ້ແກ່ຮຸ່ນນ້ອງ ອ້າຍເອື້ອຍ ແລະ ຫມູ່ເພື່ອນ ຜູ້ທີ່ຈະສະຫມັກທຶນການສຶກສາໂຄງການແລກປ່ຽນດັ່ງກ່າວນີ້ ໄດ້ບໍ່ຫລາຍກະຫນ້ອຍ.

• ເຄັດລັບໃນການໃຫ້ໄດ້ຮັບທຶນການສຶກສາຫັ້ນຫວາ *ບໍ່ມີເລີຍ…. ພຽງແຕ່ເຮົາມີຄວາມກ້າແລະລົງມືເຮັດ ມີຄວາມເຊື່ອຫມັ້ນໃນໂຕເອງວ່າເຮົາເຮັດໄດ້ ເທົ່ານີ້ກໍ່ສາມາດປະສົບຜົນສຳເລັດໄດ້.

• ໂຄງການແລກປ່ຽນ TF-SCALE ເປັນໂຄງການທຳອິດທີ່ຂ້ອຍສະຫມັກ ເພາະເຫັນແຈ້ງການມາຈາກເວັບໄຊຂອງ ມຊ, ໃນຂະນະນັ້ນ ຂ້ອຍມີຄວາມຄິດແຕ່ວ່າ ຢາກໄປ ຢາກໄປເບິ່ງວ່າມັນເປັນແນວໃດ? ແລະ ຢາກໄປເຝິກເວົ້າພາສາອັງກິດເທົ່ານັ້ນ (ພາຍຫລັງເຂົ້າຮ່ວມໂຄງການ ຄວາມຄິດກະປ່ຽນ).

• ຫລັງຈາກນັ້ນ, ກະຊວນຫມູ່ຂອງຕົນເອງໄປ ແຕ່….ບໍ່ມີໃຜໄປນຳຈັກຄົນ 555 ຍ້ອນກະເຈົ້າຄາວຽກ!!! ເລີຍຕັດສິນໃຈໄປຄົນດຽວຊະ!! ຄົນດຽວເລີຍ…ທ້າວ ມໍລະກົດ ສົມບູນ ນັກສຶກສາປີທີສອງ ຈາກຄະນະ ອັກສອນສາດ ພາກວິຊາພາສາອັງກິດ 😂 (ຄິດພາບອອກເລີຍໄປສຳພາດຄົນດຽວ ບໍ່ມີໃຜເລີຍໃຫ້ປຶກສາ ແຕ່ກະດີແບບຫນຶ່ງ ເຮົາສາມາດເຮັດມັນໄດ້ດ້ວຍຄວາມສາມາດຂອງເຮົາເອງ).

• ຂັ້ນຕອນການສະຫມັກແມ່ນ ເຮົາຕ້ອງໄດ້ລົງທະບຽນອອນໄລເພື່ອເຂົ້າຮ່ວມການສຳພາດ, ມີການປະກອບຂໍ້ມູນສ່ວນຕົວໃນແບບຟອມ ແລະຂຽນບົດຄວາມບໍ່ໃຫ້ກາຍ 500ຄຳ ເຊິ່ງເປັນພາສາອັງກິດທັງຫມົດ ຕອນນັ້ນແມ່ນຂຽນໃນຫົວຂໍ້ “Roles and Responsibilities of youth to promote our country, cutural, cognitive, social and emotional intelligence” ແລ້ວສົ່ງໄປທີ່ຢູ່ອີເມວທີ່ແຈ້ງບອກ, ຫລັງຈາກນັ້ນຈະໄດ້ຮັບອີເມວຈາກອາຈານທີ່ຮັບຜິດຊອບສົ່ງຫາ ຫລື ບໍ່ມີ, ເມື່ອຮອດມື້ສຳພາດເຮົາກໍ່ສາມາດເຂົ້າຮ່ວມໄດ້ເລີຍ.

• ສຳລັບການຄັດເລືອກນັກສຶກສາເພື່ອເປັນຕົວແທນ ມຊ ແມ່ນມີຄວາມແຕກຕ່າງກັນຕາມແຕ່ລະໂຄງການ ຮູບແບບການສຳພາດແມ່ນມີລັກສະນະການສົນທະນາ ແລກປ່ຽນຄວາມຄິດເຫັນເຊິ່ງກັນແລະກັນ ໂດຍຜ່ານການຕັ້ງຄຳຖາມຈາກອາຈານຫ້ອງການພົວພັນຕ່າງປະເທດ, ໃນຮອບສຳພາດນີ້ ບອກໄດ້ຄຳດຽວວ່າ ຍາກຫລາຍຍຍຍຍ!!! ເຮົາບໍ່ສາມາດຄາດເດົາອີຫຍັງໄດ້ເລີຍ ເຊິ່ງຂ້ອຍເອງກ່ອນເຂົ້າສຳພາດຄິດແຕ່ວ່າ ເປັນການຖາມຕອບຊື່ໆ ແຕ່ຂ້ອຍຄິດຜິດ 😂 ແລະໃນການສຳພາດມື້ນັ້ນມີນັກສຶກສາເຂົ້າຮ່ວມ 70 ປາຍຄົນ ແບ່ງເປັນຕອນເຊົ້າ ຕອນສວາຍ #ຂ້ອຍຖືກຕອນສວາຍ ເຊິ່ງມີແຕ່ຄົນເກັ່ງໆ ເຂົ້າເຈົ້າຕອບຄຳຖາມໄດ້ເປະຫລາຍ ຍົກມືຕະຫລອດ ແບບຈັດເຕັມ ໃນຂະນະທີ່ຂ້ອຍ ຕອບຄຳຖາມໄດ້ຂໍ້ດຽວຂໍ້ລໍ້!!! 555. ຫລັງຈາກນັ້ນ ຂ້ອຍຄິດວ່າ ຄືສິບໍ່ໄດ້ລະແລະ ແຕ່ໃນໃຈກະແອບຫວັງເລິກໆ ແລະ ຕໍ່ມາຂ້ອຍໄດ້ຮັບອີເມວວ່າຂ້ອຍເຂົ້າຮອບ 35 ຄົນສຸດທ້າຍ ແຕ່ແບບກະຮູ້ສຶກຫມົດຫວັງຄືເກົ່າ ແຕ່ກະສິລອງໄປເບິ່ງ ໄດ້ກະໄດ້ບໍ່ໄດ້ລະກະແລ້ວ ແຕ່ຂ້ອຍຈະເຮັດໃຫ້ມັນດີທີ່ສຸດ.

• ໃນຮອບສຸດທ້າຍ ຕອນເຊົ້າຈະມີການສອບເສັງວັດລະດັບຄວາມຮູ້ພາສາອັງກິດຂອງເຮົາ 4 Skills ( Listening, Writing “ 250 Words of essay”, Grammar, Reading) ຕອນແລງ ຈະເປັນ Speaking ໃນຮູບແບບການສຳພາດ ເຊິ່ງການສອບເສັງແລະການສຳພາດແມ່ນໂດຍ ອາຈານທີ່ເປັນຜູ້ຮັບຜິດຊອບໂຄງການທີ່ມາຈາກສິງກະໂປ (ແລະເຂົາເຈົ້າໄດ້ບອກພວກຂ້ອຍວ່າຈະມີນັກຮຽນທັງຫມົດ25ຄົນທີ່ຈະໄດ້ໄປສິງກະໂປ…..😂 ຄວາມຫວັງຂອງຂ້ອຍກະກັບມາ) ເຊິ່ງໃນຮອບການສຳພາດນີ້ຂ້ອຍຄິດວ່າຂ້ອຍກະເຮັດໄດ້ດີລະດັບຫນຶ່ງ 😂.

• ຫລັງຈາກນັ້ນຫນຶ່ງເດືອນ ຂ້ອຍກະໄດ້ຮູ້ວ່າ ທາງໂຮງຮຽນເລືອກຂ້ອຍໃຫ້ຂ້ອຍເປັນຜູ້ເຂົ້າຮ່ວມໂຄງກ່າວດັ່ງກ່າວນີ້ ເປັນຄົນສຸດທ້າຍ ຈາກ25ຄົນ ເບົາໆ…ເວົ້າງ່າຍໆ ໄດ້ທີ 25 ຫັ້ນແລະ 😁



• ເມື່ອເຮົາໄດ້ຮັບທຶນການສຶກສາມາແລ້ວເຮົາກໍ່ຕ້ອງເຮັດຫນ້າທີ່ຂອງເຮົາໃຫ້ດີທີ່ສຸດ…ເຊິ່ງໃຊ້ເວລາສາມເດືອນໃນການກຽມຕົວ, ເຮັດ Passport (ເພາະບໍ່ເຄີຍໄປໃສມາກ່ອນ) ,ປະກອບເອກະສານຕ່າງໆ, ກະກຽມແລະສຶກສາຂໍ້ມູນຂອງສິງກະໂປກ່ອນທີ່ຈະໄປ ບໍ່ວ່າຈະເປັນຂໍ້ມູນທົ່ວໄປ ຂໍ້ຫ້າມ ຂໍ້ຄວນເຮັດແລະບໍ່ຄວນເຮັດຕ່າງໆ, ຊ້ອມການນຳສະເຫນີເຊິ່ງອາຈານຈະແບ່ງກຸ່ມໃຫ້ເປັນ 3ກຸ່ມ ໃນຫົວຂໍ້ການເມືອງ ເສດຖະກິດ ແລະ ວັດທະນະທຳຂອງສິງກະໂປ, ເຊິ່ງພວກເຮົາຈະມີການປະຊຸມກັນເລື່ອຍໆ.

• ນອກຈາກນັ້ນ ພວກເຮົາຍັງໄດ້ຊ້ອມຟ້ອນ ຮ້ອງເພງ ເຕັ້ນບັດສະລົບ ເພື່ອໄປສະແດງວັດທະນະທຳຢູ່ພຸ້ນອີກດ້ວຍ


ແລະແລ້ວກໍ່ຮອດມື້ທີ່ລໍຄອຍ…ຕື່ນເຕັ້ນສຸດໆ

Let’s go to Singapore!!!

• ເຊິ່ງມາຮອດ ຈຸດ ຈຸດ ນີ້….ຫລາຍໆຄົນກະອາດສົງໄສວ່າ ເອີ…ໄປແລ້ວໄດ້ຫຍັງ ໄປແລ້ວໄປເຮັດຫຍັງ ໄປຫລິ້ນຊື່ໆນິຫວາ ເຊິ່ງກະສິມາເວົ້າລາຍລະອຽດໃຫ້ທຸກຄົນໄດ້ຟັງວ່າມັນເປັນແນວໃດກັນແທ້…ຫວັງວ່າຈະບໍ່ລຳຄານກັນກ່ອນເດີ 555 ແລະ ຂ້ອຍເອງໃນຖານະນັກສຶກສາທີ່ເຂົ້າຮ່ວມໂຄງການນີ້ ບອກໄດ້ເລີຍມັນດີຫລາຍຍຍຍຍ #ດີຕໍ່ໃຈ 💋

• ໃນໄລຍະທຳອິດທີ່ເຮົາມາຮອດ Singapore ພວກເຮົາກໍ່ໄດ້ຮັບການຕ້ອນຮັບທີ່ແສນອົບອຸ່ນຈາກຫມູ່ເພື່ອນ Ngee Ann Polytechnic ເຊິ່ງໄດ້ພາພວກເຮົາໄປກິນເຂົ້າຢູ່ທີ່ Hawker Center ເຊິ່ງອາຫານແມ່ນມີຫລາກຫລາຍປະເພດ ແລະ ຫລາກຫລາຍລາຄາ ປະມານ 3- 5 $SG ແລະ ທືນນີ້ຈະມີ Pocket Money ໃຫ້ອາທິດລະ 100$ SG ໂອຍ!! ອີຫຍັງ ອີຫຍັງຈະດີຂະຫນາດນີ້…. ຫລັງຈາກນັ້ນ ເຮົາກະກັບທີ່ພັກທີ່ທາງໂຮງຮຽນຈັດໄວ້ໃຫ້.

• ໃນມື້ຖັດມາຈະເປັນການທ່ຽວຊົມໂຮງຮຽນວິຊາຊີບຢີອານ ເຊິ່ງຈະໄດ້ຮຽນຮູ້ປະຫວັດຄວາມເປັນມາຂອງໂຮງຮຽນ, ການຮຽນການສອນໃນສາຂາວິຊາຕ່າງໆ ເຊິ່ງນັກສຶກສາທີ່ຈົບຈາກສະຖາບັນດັ່ງກ່າວນີ້ ຈະສາມາດປະກອບອາຊີບວຽກງານໄດ້ເລີຍ, ທ່ຽວຊົມສິ່ງອຳນວຍຄວາມສະດວກຕ່າງໆ ບໍ່ວ່າຈະເປັນສູນອາຫານ, ຫໍສະຫມຸດ, ຮ້ານຄ້າ,ແລະອື່ນໆອີກ.













…ແລະແລ້ວ…ກະມາຮອດ….ມາເຖິງ…

It’s time to learn 😁😁😁

• ການຮຽນການສອນໃນແຕ່ລະອາທິດແມ່ນຈະບໍ່ຄືກັນ ແລະ ມັນຈະຄັກຢູ່ບ່ອນວ່າ ເວລາເຮົາຮຽນຫົວຂໍ້ໃດ ເຮົາກໍ່ຈະລົງຕົວຈິງ ໄປສຳຫລວດ ໄປທັດສະນະສຶກສາໃນຫົວຂໍ້ນັ້ນ ແລະ ເກັບກໍາຂໍ້ມູນທີ່ເຮົາໄດ້ຮຽນ ນໍາມາ Presentation ວ່າເຮົາໄດ້ຮຽນຫຍັງມາແດ່:

1. ເຊິ່ງໃນອາທິດທຳອິດແມ່ນເຮົາຈະໄດ້ຮຽນຮູ້ກ່ຽວກັບ Singapore’s Governance and National Development ພວກເຮົາຈະໄດ້ສຶກສາກ່ຽວກັບປະຫວັດສາດຄວາມເປັນມາໃນອະດີດຈົນເຖິງປະຈຸບັນຂອງສິງກະໂປ ລວມເຖິງໂຄງລ່າງພື້ນຖານທີ່ເຮັດໃຫ້ປະເທດນີ້ ເປັນປະເທດທີ່ມີການພັດທະນາຫລາຍທີ່ສຸດໃນອາຊີຕາເອັນອອກສ່ຽງໃຕ້ ແລະ ເປັນປະເທດທີ່ພັດທະນາແລ້ວ.

ແລະພວກເຮົາຍັງໄດ້ໄປຢ້ຽມຊົມ Urban Redevelopment Authority, City Gallery ອີກດ້ວຍ ໂດຍຈຸດປະສົງຫລັກໆຂອງການທັດສະນະສຶກສາຄັ້ງນີ້ ແມ່ນພາຍໃຕ້ຄຳເວົ້າທີ່ວ່າ “Planing for Long-Term Sustainability”.



ແລະທີ່ຫນ້າແປກໃຈກະຄື ສິງກະໂປສາມາດຂະຫຍາຍພື້ນທີ່ຂອງປະເທດຕົນເອງໄດ້ ໂດຍການຖົມດິນ “Land Reclaimation” ແບບ Oh My God!!! ຫລາຍ ເຊິ່ງໃຊ້ເວລາເປັນສິບໆປີ #ເຮັດໄດ້ຈັງໃດ ແລະ ຍັງໄດ້ຮຽນຮູ້ກ່ຽວກັບ Conservation Project ໃນການອະນຸລັກ ສະຖານທີ່ ທີ່ເປັນມໍລະດົກຂອງສິງກະໂປໄວ້.


ນອກຈາກນີ້ພວກເຮົາ ກໍ່ຍັງໄດ້ຮຽນຮູ້ກ່ຽວກັບ Water Supply ວ່າສິງກະໂປນັ້ນເອົານໍ້າມາແຕ່ໃສ ສ່ວນຫລາຍກະແມ່ນມາຈາກການ Recycle, Reuse, Reduce, ແລະນຳເຂົ້າມາຈາກປະເທດມາເລເຊຍ ເຊິ່ງຢາກບອກວ່ານຳ້ໃນສິງກະໂປໂຄດສະອາດ…ເຮົາສາມາດກິນນໍ້າຈາກກ໋ອກໄດ້ເລີຍ!!! ແລະພວກເຮົາກະໄດ້ໄປທັດສະນະສຶກສາ Again and Again…ຢູ່ທີ່ MBS & Gardens By The Bay 😄😄😄




2. ອາທິດທີ່ສອງແມ່ນເຮົາຈະໄດ້ຮຽນກ່ຽວກັບ Singapore’s Economic ເຊິ່ງໃນຫົວຂໍ້ນີ້ເຮົາຈະໄດ້ຮຽນຮູ້ກ່ຽວກັບໂຄງລ່າງພື້ນຖານການຄົມມະນາຄົມ ແລະ ເສດຖະກິດການທ່ອງທ່ຽວຂອງສິງກະໂປ.

* Singapore’s Transport Infrastructure “MRT”

ສະຫລຸບເລີຍ: MRT ໃຊ້ບໍ່ຍາກ ຢ່າງທີ່ເຮົາຄິດ ໃຊ້ສະດວກແລະກະສະບາຍ ສາມາດເຂົ້າເຖິງໄດ້ງ່າຍ ບໍ່ວ່າຈະເປັນຄົນປົກກະຕິ ຫລື ຄົນພິການເຊິ່ງໃຊ້ເວລາປະມານ 10ນາທີໃນການຍ່າງແຕ່ບ້ານໄປຮອດສະຖານີ ແລ້ວໃຊ້ເວລາໃນການຂັບຂີ່ແຕ່ສະຖານີຫນຶ່ງໄປອີກສະຖານີຫນຶ່ງແມ່ນ 3–5ນາທີ ລາຄາປະມານ 2–3 $SG. ເຊິ່ງສິງກະໂປແມ່ນໄດ້ຮຽກຮ້ອງຕ້ອງການໃຫ້ຄົນທຸກຄົນຫັ້ນມາໃຊ້ພາຫະນະຂົນສົ່ງສາທາລະນະຫລາຍກ່ວາລົດຍົນຂອງຕົນເອງ ເພື່ອເປັນການຫລຸດຜ່ອນມົນລະພິດ ແລະ ອີກຢ່າງຫນຶ່ງແມ່ນມາຈາກການຈຳກັດເນື່ອທີ່ຂອງສິງກະໂປ. #ຍານພາຫະນະໃນສິງກະໂປແມ່ນແພງຫລາຍ ແພງກ່ວາປະເທດເຮົາຫລາຍເທົ່າໂຕ.




• ໃນເວລາຕໍ່ມາ ອາຈານຈະໃຫ້ເຮົາລົງໄປສຳຫລວດຫມູ່ບ້ານ Bishan ແລະ Serangoon ໃນສິງກະໂປວ່າມັນແນວໃດ? ໂດຍແບ່ງອອກເປັນ4ກຸ່ມ ເຊິ່ງສາມາດຂີ່ລົດໄຟໃຕ້ດິນ, ລົດເມ ອີຫຍັງໄປໄດ້ເບິດ…ເຊິ່ງກຸ່ມຂອງຂ້ອຍແມ່ນໄປຫມູ່ບ້ານ Bishan ແລະ ກຸ່ມທີ່ສຳຫລວດລາຍລະອຽດໄວທີ່ສຸດ ຖ່າຍຮູບມາໄດ້ກ່ອນຫມູ່ ຈະເປັນຜູ້ຊະນະ ໂດຍມີຫ້ອງຮຽນເປັນເສັ້ນໄຊ ✌🏻️✌🏻.

ແລະກຸ່ມເຮົານັ້ນໄດ້ມີພາລະກິດທີ່ຈະຕ້ອງໄດ້ເຮັດຄື:

  • Find the Community club or Community centre.



• Find the hawker centre and have lunch there.




  • Find the juntion 8 shopping mall.

  • Visit Bishan Public Library.



  • Walk around Bishan housing estate.


• ຫລັງຈາກໄດ້ລົງສຳຫລວດຕົວຈິງແລ້ວພວກເຮົາກະໄດ້ຮັບຮູ້ວ່າປະເທດສິງກະໂປເປັນປະເທດຫນຶ່ງທີ່ມີການວາງແຜນຜັງເມືອງໄດ້ດີຫລາຍ ມັນຈະມີສິ່ງອຳນວຍຄວາມສະດວກແບບນີ້ເກືອບວ່າຈະທຸກໆຫມູ່ບ້ານ ໂດຍສະເພາະແມ່ນ ຫໍສະຫມຸດທີ່ສົ່ງເສີມໃຫ້ຄົນສິງກະໂປຮັກການອ່ານ, ມີຄລັບຊຸມຊົນເພື່ອໃຫ້ທຸກຄົນມາຮ່ວມຕົວ, ສູນການຄ້າ, ສະຫນາມເດັກຫລິ້ນ,ສູນອາຫານແລະທີ່ພັກອາໄສ ໂດຍຜູ້ຄົນເຫລົ່ານັ້ນບໍ່ຈຳເປັນທີ່ຈະຕ້ອງອອກໄປໄກບ້ານເລີຍ.

ແລະຜົນສຸດທ້າຍ (ກະບໍ່ຕ້ອງບອກແລະເນາະ ວ່າໃຜຊະນະ 555 ກະກຸ່ມຂ້ອຍແລະເວ້ຍ 🤓) ເຊິ່ງຜູ້ຊະນະຈະໄດ້ຮັບ Ticket ເຮືອລອຍນຳ້ໄປ-ກັບ ເກາະ Pulau Ubin Island #ດູແພງ ຈາກອາຈານທີ່ດູແລພວກເຮົາ #ເຊິ່ງຕ້ອງຂອບໃຈອາຈານເປັນຢ່າງສູງ 😂🙏🏻

*Pulau Ubin Island






• ດ້ານເສດຖະກິດຂອງສິງກະໂປແມ່ນເຫນັ້ນຫນັກໃຫ້ຊາວຕ່າງຊາດສາມາດມາລົງທຶນທີ່ສິງກະໂປໄດ້ (Investment) ແລະ ສິງກະໂປເປັນປະເທດຫນຶ່ງທີ່ມີການຂະຫຍາຍຕົວສູງທາງດ້ານເສດຖະກິດການທ່ອງທ່ຽວ ເຊິ່ງສະຖານທີ່ທຸກບ່ອນທີ່ພວກເຮົາໄປກໍ່ລ້ວນແລ້ວແຕ່ແມ່ນການລົງທຶນຈາກຊາວຕ່າງຊາດທັ່ງນັ້ນ ຍົກຕົວຢ່າງເຊັ່ນ: Universal Studio.

* Sentosa & Universal Studio













• ເຊິ່ງເວລາເຮົາໄປຢືນຢູ່ ຈຸດໆ ນັ້ນ ປະເທດແຫ່ງການທ່ອງທ່ຽວແມ່ນບໍ? ເຮົາກະຕ້ອງຢາກໄປ 555 ທຳອິດເລີຍສິ່ງທີ່ຕ້ອງເຮັດກະຄື:

ຂໍຄວາມກະລຸນານຳອາຈານທີ່ຮັບຜິດຊອບໃຫ້ເພິ່ນອະນຸຍາດກ່ອນຈຶ່ງໄປ ດ້ວຍຄວາມນັບຖື. 🙏🏻
* ສະຖານທີ່ ແນະນຳມີດັ່ງນີ້:
* ໄປເບິ່ງ Merlion





*East West Coast




• ນອກຈາກນີ້ແລ້ວ ປະເທດສິງກະໂປເປັນປະເທດແຫ່ງການ Shopping…Shopping mall everywhere!!! ເດີຂໍບອກ!!!: Orchard ບໍ? IMM ບໍ? Mustafa ກະຍັງໄປ 555 #ຫມົດໄປເທົ່າໃດກັບຄຳວ່າ Brandname…ແລະ ມັນໄດ້ສ້າງລາຍໄດ້ມະຫາສານໃຫ້ແກ່ປະເທດນີ້ ເຊິ່ງສິນຄ້າອຸປະໂພກແລະບໍລິໂພກແມ່ນລ້ວນແລ້ວແຕ່ນຳເຂົ້າທັງນັ້ນ.


3. ອາທິດທີ3 ເຊິ່ງເປັນອາທິດສຸດທ້າຍແລ້ວທີ່ເຮົາຈະຢູ່ໃນສິງກະໂປ ເຊິ່ງໃນອາທິດນີ້ແມ່ນພວກເຮົາຈະໄດ້ສຶກສາຮຽນຮູ້ໃນຫົວຂໍ້ Singapore’s Community ແລະ ເຮົາຮູ້ດີແລ້ວວ່າ ສິງກະໂປເປັນປະເທດຫນຶ່ງທີ່ປະກອບດ້ວຍຫລາຍເຊື້ອຊາດ ຫລາຍສາສະຫນາທີ່ມາອາໄສຢູ່ຮ່ວມກັນ ເຊິ່ງປະກອບດ້ວຍ ຄົນຈີນ, ຄົນມາເລ, ຄົນອິນເດຍ ແລະອື່ນໆ…ໂດຍນຳໃຊ້ພາສາອັງກິດເປັນສື່ກາງໃນການຕິດຕໍ່ພົວພັນເຊິ່ງກັນແລະກັນ. ໃນຫົວຂໍ້ນີ້ພວກເຮົາໄດ້ສຶກສາກ່ຽວກັບປະຫັວດຄວາມເປັນມາຂອງຄົນແຕ່ລະເຊື້ອຊາດວ່າມາດຳລົງອາໄສຢູ່ໃນສິງກະໂປໄດ້ແນວໃດ. ນອກຈາກນີ້ ຍັງໄດ້ຮຽນຮູ້ກ່ຽວກັບວັດທະນະທຳ ຮີດຄອງປະເພນີ ວີທີຊີວິດຂອງເຂົາເຈົ້າອີກດ້ວຍ.

* China town in Chinese cuture in Singpapore




* Kampong Glam, Malay Cuture in Singapore




* Little India, Indian Cuture in Singapore







ແລະມື້ທີ່ສຳຄັນທີ່ສຸດແມ່ນມື້ງານ Closing ceremony….ເປັນມື້ທີ່ເຮົາໄດ້ເຜີຍແຜ່ວັດທະນະທຳລາວເຮົາອອກສູ່ສາຍຕາທ້າວຕ່າງດ້າວ ຊາວຕ່າງເມືອງໄດ້ຮັບຮູ້ແລະເຫັນວ່າວັດທະນະທຳຂອງເຮົາມັນງົດງາມເທົ່າໃດ ເຊິ່ງເຮັດໃຫ້ເຮົາເອກອ້າງທະນົງໃຈ ແລະ ພູມໃຈໃນຄວາມເປັນລາວແບບສຸດໆ.





ສະຫລຸບແລ້ວ ໂຄງການນີ້ມັນມີປະໂຫຍດຫລາຍແລະຂ້ອຍຫວັງວ່າໃນປີ້ນີ້ ຈະມີຄົນມາສະຫມັກກັນຫລາຍໆ ເພາະວ່ານອກຈາກຈະໄດ້ຮຽນຮູ້ກ່ຽວກັບສິງກະໂປແລ້ວ ເຮົາຍັງໄດ້ຮຽນຮູ້ຄວາມເປັນຜູ້ນຳ, ຄວາມສາມັກຄີໃນການເຮັດວຽກເປັນກຸ່ມ ແລະ ມິດຕະພາບຈາກຫມູ່ເພື່ອນທີ່ບໍ່ສາມາດຫາຊື້ຢູ່ໃສໄດ້.

#ຫມາຍເຫດ: ໂຄງການນີ້ແມ່ນຍັງຄົງມີຕໍ່ ນັກຮຽນຈາກ Ngee Ann Polytechnic ແມ່ນໄດ້ມາຮຽນຮູ້ກ່ຽວກັບປະເທດລາວເປັນເວລາ2ອາທິດແລະມີການໄປທັດສະນະສຶກສາຢູ່ນະຄອນຫລວງວຽງຈັນແລະຫລວງພະບາງ ໂດຍ Host ແມ່ນ National University of Laos.

ຕິດຕາມຂໍ້ມູນຂ່າວສານໄດ້ທີ່ Facebook Fanpage: Jocker & The Journey

ຂໍຂອບໃຈທີ່ເຂົ້າມາອ່ານກັນເດີ…
Like what you read? Give Morlakod SOMBOUN a round of applause.

From a quick cheer to a standing ovation, clap to show how much you enjoyed this story.