一九年

「年頭」

每年嘅第一日，好多人都會寫下今年會有啲乜嘢嘅願望同期望。其實好幾年前都講過每年都有好多嘢想做，但係每年嘅年尾都發覺好多嘢都做唔到。所以最好每年都係順其自然，唔好定啲乜嘢嘅目標，因為邊個知道今年又會發生啲乜嘢事呢？年年都總有啲嘢係預計唔到，每年都總有意想不到嘅驚喜，好多嘢都係身不由己。不過有目標就當然好過無目標，但係今年都應該淨係得一個。

「目標」

今年有乜嘢目標？如果依家你問我，我諗我嚟刻淨係得一個。就係希望今年可以專注搞好數據分析嘅教育工作。雖然近年已經開始嘗試開辦自家品牌嘅課程，而且係不同嘅地方教書同繼續推廣數據分析，但係進度有啲慢，仍然覺得未夠。要將數據分析普及化，專業化以及得到市場嘅重視，相信仲有一段距離。更重要嘅係要灌輸正確嘅知識同概念！

「願景」

要改變市場係需要時間，而整個數據分析嘅市場仍然有好大空間去發展。如果只係香港本地嘅市場實在係太細，所以要放眼亞洲同國際。數據係無地域嘅界限，雖然好多分析係可以自動化同智能化，只不過好多人亦都忽略咗好多基本嘅因素。分析係基於特定嘅條件同過往嘅經驗，通常係有一個固定嘅模式而受到不同嘅限制。當遇上不尋常嘅情況就無法作正確咁運作。到最後其實都係需要人嘅知識同經驗去了解同翻譯數字背後嘅意思。

Originally published at Kenneth Kwok (郭嘉俊).