不公義

「公義」

香港已經變成一個不公平同不公義嘅社會！有啲人違法就諸多藉口，甚至乎無需要負上法律嘅責任，但係有啲人就因為一時疏忽就要面對刑事檢控。究竟香港發生咗啲乜嘢事？究竟乜嘢叫做公義？老實講真係唔知點解一個印花可以值五十蚊？係唔係痴線架？條數點計出嚟？如果真係偷嘢又點會第二日拎返出嚟？有時社會嘅問題唔係環境造成，而係人為！

「萬寧」

相信大家都會關注近日一位婆婆唔小心係工作嘅時候誤取印花當膠紙嘅案件。一個上咗年紀嘅婆婆只係想靠自己嘅能力去賺錢過生活，因為誤取印花而被刑事檢控！其實萬寧係可以唔報警，亦都可以用一個比較人性化嘅方法處理，但係最終選擇報警處理。婆婆而家要上法庭面對刑事檢控，與此同時亦都被萬寧解僱，失去長期服務金！至於萬寧係社交媒體所作出嘅回應真係令人氣憤！

「回應」

萬寧明白近日一宗有關於印花盜竊案的傳媒報道引起公眾關注，我們有以下回應:

於去年七月，萬寧接獲一宗懷疑店鋪盜竊事件，並即時通知警方及向警方提供相關資料。律政司基於警方的調查結果，決定提出檢控。
萬寧一直配合警方的調查，並按照警方要求提供案件的相關資料。由於案件正進行司法程序，故不便作出任何評論。萬寧尊重香港的法治精神，並相信法庭將基於法律原則，考慮各方因素而作出合乎情理的判決。

Originally published at Kenneth Kwok (郭嘉俊).