偽教徒
Feb 24, 2017 · 2 min read
「宗教」
首先我自己係無宗教信仰，而我亦都尊重其他人嘅宗教信仰。只不過好多人話就話自己有宗教信仰，但係佢哋啲行為基本上睇唔出佢哋係一個教徒。而教宗方濟各係今個星期嘅一次彌撒當中，佢痛斥好多教徒都係偽善嘅雙面人！一方面會去彌撒，但係另一方面就說一套做一套！所以與其做咁嘅天主教徒，倒不如做無神論者！只不過係現實生活當中真係有好多嚟啲偽教徒嘅存在！
「尊重」
首先唔係我講㗎！係教宗方濟各講嘅！所以唔好話我歧視！其實我想講嚟樣嘢好耐，但係知道一定俾人鬧爆！只不過連教宗都講嚟個問題，我都想講下我嘅觀點。當然每個人都可以選擇去信奉任何宗教，但係如果因為某啲原因或者目的而去相信某個宗教嘅話，我就覺得有啲離譜！因為個啲人不單止唔尊重自己，亦都唔尊重人哋嘅宗教。就正如教宗所講，成為一位無神論者都比成為一位虛偽嘅天主教徒來得好。
「教徒」
而重點係好多人開口埋口都話自己係乜乜乜教徒，只不過我個人認為如果真係一個真正嘅教徒嘅話係出自內心，而唔係因為某些原因先至去信教！教宗對無神論嘅人一向都態度友善！當佢他成為教宗之後亦表明，係耶穌嘅救贖之下，無神論者都有機會上天堂。佢亦接受過一位無神論記者嘅採訪，明言企圖改變其他人嘅信仰係「莊嚴廢話」，認為每個人都要遵循善良並與邪惡鬥爭。
Originally published at Kenneth Kwok (郭嘉俊).
