儀錶板

「作用」

儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。

「信號」

儀錶板係提供有用嘅訊息同資訊,一般都係以數字為主,不過亦有啲係文字。一般嘅數據分析都可以透過儀錶板去反映日常事務,例如當時有幾多人係網站或者手機程式,用戶由乜嘢媒體進入網站等等。儀錶板係用嚟提供一啲有用嘅信號,如果有任何嘅問題就可以針對性咁做深層次嘅分析,搵出原因。因此有啲公司會設計一個同業務有關嘅儀錶板放喺員工睇到嘅地方,等大家知道業務嘅情況。

「錯誤」

當然好多人以為儀錶板係可以解決業務營運嘅問題,只不過要有效利用儀錶板,首先係要定義個儀錶板嘅目的,與此同時要知道用邊一種數據係對業務有影響。所以通常都會被定義為「營運儀錶板」。不過用乜嘢數據都好,如果用錯方法去呈現出嚟嘅話,分分鐘有等於無。要設計一個有用嘅儀錶板真係唔係一件易事。開始設計嘅時候,大家不妨諗下點解要一個儀錶板。


Originally published at Kenneth Kwok (郭嘉俊).