十年了

「過去」

不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。

「十年」

十年究竟有幾耐?有啲人會覺得好耐,但係自己就覺得仲係好似琴日嘅事。係因為自己仍然記掛著過往嘅光輝?某程度或者係,畢竟自己用咗十年去建立自己嘅事業而且得到唔錯嘅成績,同時亦都因為有一班好嘅老闆同下屬。無咗大公司嘅加持又做咗十年。雖然由零再做起,逆流而上,最起碼有成功感。至少做嘅全部係為咗自己,而唔係為咗人哋。

「未來」

未來十年又會係點?正確啲嚟講係自己想點!或者真係人大咗,環境唔同咗,顧慮多咗,時間少咗,轉數慢咗,記性差咗,體能差咗,所以未來十年係希望為之後十年去打拼。至於用乜嘢方式去達致嚟個目標?真係唔知,唯有順其自然,因為真係無得計劃,就算計劃咗,唔知幾時又節外生枝。預期有期望不如無期望,用平常心去過每一天。最希望嘅就係少啲煩惱,可以覺得開心啲!


Originally published at Kenneth Kwok (郭嘉俊).