古天樂

「熱話」

其實究竟大家認識「古天樂」有幾多呢?我相信大部份人會因為多年前嘅處境劇「餐餐有宋家」而認識佢。如果係年輕嘅一輩或者係因為佢所演出嘅電影!當然好多人都會因為佢嘅普通話同以前佢出過嘅歌而取笑佢。不過重點係就算佢名成利就,佢做咗好多公益嘢其實無人知,直至近年有傳媒報道先知道佢原來做咗咁多嘢。有時做善事真係唔需要大鑼大鼓,公告天下!

「佩服」

作為一個咁忙嘅藝人,竟然過去十幾年都堅持每日寫文,真係佩服佢嘅毅力。真係唔講又係唔知。自己過去亦都試過連續寫文三年,直至上年因為真係太攰所以無繼續寫。當然希望將上年嘅文都補返,不過相信都需要一啲時間。雖然每篇文章唔係太長,但係日日寫真係有難度,真係拍馬都追唔上佢嗰份堅持!試問現今有邊個藝人做到佢咁?我唸真係無!

「事業」

如果講到佢做過嘅電視劇,我唸最記得嘅就一定係「尋秦記」,至於電影就真係有好多都好好睇。當然期待電影版嘅「尋秦記」啦,事關項少龍嚟個角色真係太深入民心啦。而作為現屆香港演藝人協會會長,佢應該係第一個藝人成為香港娛樂圈史上首位大滿貫。仲有就係原來上年楊光宇先生以古天樂命名一顆小行星,表揚他的演藝成就及低調慈善捐獻。真係勁到一個點呢。。。


Originally published at Kenneth Kwok (郭嘉俊).