唔好理
2 min readMay 4, 2016
「觀點」
好多時做人做事身邊都會有人說三道四,當然有時係金石良言,但係有時就係廢話連篇。每個人都有自己嘅觀點與角度,所以你點選擇係你自己嘅決定。好多時成功係要靠自己,唔係個個人都會咁好彩會有貴人幫你一把。與其守株待兔倒不如自己發奮圖強。雖然係過程中會俾人作出比較,只要自己唔好理會嚟啲嘢,你先至可以專心做好自己!
「睇法」
人哋點睇你係人哋嘅事,其實係無必要理會別人對你嘅睇法。事關你係無可能滿足所有人,係唔同嘅階段一定會有撐你或者唔撐你。有時太過在乎人哋點睇你未必係一件好事,因為你所做嘅嘢只係想希望得到人哋嘅認同。所以其他人點睇你都好,其實唔係太過重要,最重要嘅係你自己知道自己做緊啲乜。只要唔違背天地良心,對得住自己就得!
「人生」
如果人生只係為咗滿足其他人對你嘅睇法,咁嚟個唔係你自己嘅人生。好多時人生就係咁,好多人都會比你好多意見,但係邊啲有用,邊啲無用,咁就要睇你自己。好多時都會同自己講唔好太過在乎人哋點睇你,因為真係可能啲廢自己嘅時間,做人應該活在當下,好好享受人生。我經常同朋友講,其實做乜嘢都好,只要你覺得啱,只要你開心咁就得,唔需要理其他人點睇!
Originally published at Kenneth Kwok (郭嘉俊).