得與失

「計算」

好多人都會計較成敗得失，或者嚟個係社會一直以嚟嘅價值觀。其實點解要去計算？因為只有計算先至可以比較科學化咁將一啲原本無可能計嘅事物數字化。但係只不過人生如果計算得太多，太盡，有時候就算得都變失。而太過介懷得失就會影響自己嘅思維，諗得越多，反而失去越多。有時好多嘢都應該憑自己既直覺同信念去做，計算太多未必係一件好事！

「得失」

做任何嘢都會有得同失，唔係每件事都可以做到雙贏。所以有時好多人覺得創業會比打工好，但係又有人覺得打工比創業好。其實到最後都係自己點樣去平衡同選擇。有錢無時間，有時間就無錢，有錢又有時間嘅人真係唔多！不過得失係唔係可以淨係用金錢嚟衡量？其實仲有好多嘢應該要衡量。最後好在乎自己嘅需要，因為做人唔應該太過貪心！

「還原」

正所謂人睇你好，你睇人好。每件事，每個人都會有唔同嘅考慮同抉擇。而好多時都希望收集唔同嘅意見同理性去分每一件事。不過人天生其實係唔會計算太多，事關好嘅一日，唔好又係一日，點計到最後都係一樣。所有得失係嗰一刻基本上會完全消失。如果真係因為得失而令到自己唔開心，咁其實為咗啲乜呢？何必辛苦自己呢？所以得失只係人生嘅一部份！

Originally published at Kenneth Kwok (郭嘉俊).