快打系

Kenneth Kwok
Jan 5 · 2 min read

「十年」

過去十年嘅變化實在太大,因為智能手機,平板電腦,社交媒體,網絡速度等等嘅出現改變咗我哋嘅生活模式。所有嘢都係講求一個快字,有時候快到一個地步基本上跟都跟唔切。我哋嘅新世代基本上一出世就已經係一個咁嘅環境成長,可想而知佢哋嘅生活模式會同我哋好唔同,因為我哋以為自己好前衛,其實已經俾佢哋唾棄。

「快打」

我唸如果大家有返咁上下年紀嘅話,一講到「快打」嘅話就應該會諗起打機!不過我所講嘅「快打」其實係指今時今日嘅「快打」文化。依家社會資訊流轉嘅速度十分之快,好多時都係圖片同短片為主,就算係文字都唔會係以前嗰種長篇大論咁。所有嘢都係快嚟快去,就算係同一個題材好多時都會將佢斬件再用滴水嘅形式發放。

「私隱」

當然除咗資訊要快之外,新世代更加講求嘅係高度嘅私隱。因此傳統嘅社交媒體同模式對佢哋嚟講已經不合時宜。而家最緊要嘅就當然係不留痕跡,短時間發佈,短時間消失,見到就見,見唔到亦都無損失。我哋唔明佢哋嘅文化係好正常,因為人大咗就越希望可以保留過去嘅回憶。但係未來嘅主人翁係佢哋,要了解佢哋當然就係嘗試融合同理解佢哋日常嘅生活模式啦。


Originally published at .

Kenneth Kwok

Written by

到處奔跑的香港人,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作。早於 2009年開始舉「香港數碼分析星期三」同「亞洲數碼分析高峰會」。於 2010 年創辦 Beehive Strategy ,為亞太地區不同企業提供數據分析服務。