敢發問

「發問」

每個人成長都會問好多問題，嚟個係必然，因為當你唔明白件事嘅時候，自自然然就會有問題。而學習嘅過程總會回到問題，當自己唔明嘅時候當然會問好多問題。嚟個係自然同正常嘅現象，不過亞洲人就好似唔敢係一大班人面前發問問題。有啲人嘅原因係因為怕問咗會顯得自己愚蠢，但係唔問問題未更加愚蠢？所以有問題係應該勇於去發問而唔係怕無面！

「問題」

相信嚟個問題唔係今日先知有，但係都好想講一講自己嘅睇法。其實點解香港嘅教育制度會令到啲學生唔敢發問問題呢？不論係自己返大學教書也好，去講座也好，其實好多時最未都會問大家有無問題。不過每次都係咁，大部份時間都係無人敢問問題，最多都係一條起兩條止。不過當落堂之後就會有好多人走嚟問問題，但係如果係其他地方應該會係掉返轉！

「教育」

唔記得咗係邊度聽過一個朋友講，香港嘅老師會覺得小朋友發問問題係一個問題，甚至唔鼓勵佢哋發問問題。其實咁樣真係打擊小朋友嘅好奇心，因為問問題係因為唔明甚至係因為想知多啲所以先至會問問題。如果不斷俾人禁止問問題，其實慢慢就會唔敢問問題。所以外國嘅教育係鼓勵的學生問多啲問題，而嚟個習慣係由細培養出嚟。以有問題而唔發問先至係問題囉！講完都覺得自己好笑！

Originally published at Kenneth Kwok (郭嘉俊).