旅遊業

「旅行」

以前係中國做嘢其實好多時訂機票酒店都係靠攜程,但係返到嚟香港就唔知點解自自然然就會去咗旅行社訂機票酒店。或者香港人真係被服務慣,所以搵個人去安排行程點都好過自己浪費時間去唔同網站格價同搵機票酒店。當然依家香港好多人都已經會上網買機票同訂酒店,但係相比起外國仲係相對比較少。不過香港嘅旅行社都要盡快轉型,如果唔係好易被網上嘅平台慢慢侵蝕個市場。

「競爭」

八年前返香港嘅時候,機緣巧合去咗一間全球最大嘅網上旅行社工作,嚟個行業其實係發展得好快同競爭最激烈嘅行業。因為不論酒店或者機票到最後去邊個網站買都係一樣。所以網上嘅平台真係生意難做,好多嘢都要計得好準確,因此佢哋好依賴數據分析去決定發展方向。而佢哋最擔憂嘅唔係其他平台,反而係谷歌。其實好多年前谷歌已經對嚟個市場好有興趣,最近佢又再推出一個計劃行程嘅手機程式。

「挑戰」

當然做平台最好嘅地方就係無地域限制,一個網站就可以面對全世界。只不過亞洲嘅市場同外國好唔同,始終外國嘅平台都要迎合亞洲人嘅口味。所以好多嘅策略都要改變。但係如果你問我,旅遊業真係一個腥風血雨嘅行業,如果死守只會俾人吞食。大部份嘅傳統旅行社一係就執笠,一係就轉型,一係就賣盤。至於網上平台亦都唔係好好多,因為太多平台,太多選擇,所以好難留住啲客。


Originally published at Kenneth Kwok (郭嘉俊).

A single golf clap? Or a long standing ovation?

By clapping more or less, you can signal to us which stories really stand out.