早轉型
2 min readJan 6, 2019
「興衰」
每個行業都有興衰,而每間公司都會去到一個樽頸位嘅時候。如果唔及早轉型嘅話,不單止利潤慢慢開始減少,甚至乎長遠會面臨被淘汰嘅局面。就好似當年係大公司嘅時候,係七年入面就已經經歷咗兩次嘅轉型。第一次係要將家用電腦產業賣出,第二次係發展諮詢服務。雖然近年轉型好似唔係太過成功,收入未如理想,不過嚟個亦都係每間公司會經歷嘅過程。
「轉型」
公司要轉型其實唔係一件易事,因為通常都會有好多歷史遺留落嚟嘅問題要去面對同解決。如果係一間百年老店就更加難,因為最難處理嘅員工嘅心態。有啲人會覺得係危機,有啲人就會覺得係機遇,所以好視乎員工點樣睇每一次嘅改革同轉型。當然無人可以咁寫包單一定會成功,只不過如果係士氣高昂嘅時候轉型,成功率一定大過士氣低迷嘅時候。
「品牌」
所以一間公司個名好緊要,因為個品牌可能就係公司嘅緊箍咒。舉例,如果你間公司叫做錶行,你只可以做同錶相關嘅業務。唔係話唔可以做其他嘢,只不過絕大部分人只會聯想到錶行係買錶嘅!所以好多時只可以開多間公司去做唔同嘅業務,講到尾改過好名都好重要!而大部分公司只為求短期目標,因而錯失轉型嘅機會,最後慢慢無競爭力同俾淘汰。
Originally published at Kenneth Kwok (郭嘉俊).