暖化中

「全球」

全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁!

「暖化」

無論你信唔信全球暖化,近年嘅極端天氣就已經證明咗我哋唔可以唔理!如果繼續咁樣落去嘅話,咁我哋下一代會點?點解全球有五十五個國家會簽署巴黎氣候協議?我諗只有自私嘅人先至會反對同唔遵守嚟個協議。每次見到嗰啲可憐嘅北極熊,因為氣候嘅變化而掙扎求存,甚至要面臨絕種,其實已經係一個警號。好可能好快就到我哋人類。而家再唔補救嘅話,唔通真係好似災難片咁,去到無法挽救嘅地步先至醒覺?

「天氣」

當然有好多人唔相信全球暖化,但係咁點樣解釋近年極端天氣發生嘅頻率越嚟越多呢?香港就已經係一個好好嘅例子,因為近年四季都已經唔係太分明。以前有春夏秋冬,但係近年就只有夏天同冬天,春天同秋天好似唔見咗。雖然大家都話啲天氣越嚟越奇怪,但係就冇乜人真係關心嚟個議題。就算我哋唔為自己諗都為下我哋嘅仔女諗。其實如果水位繼續上升嘅話,香港係會被淹沒㗎!


Originally published at Kenneth Kwok (郭嘉俊).