歌托邦

Kenneth Kwok
Jan 2 · 2 min read

「叱吒」

又係一年一度嘅叱吒頒獎典禮,今年嘅主題係「我們的歌托邦」。第一次聽到「歌托邦」嘅時候其實唔明點解。後嚟上網睇返,其實係寓意每人心目中都有一個屬於自己嘅叱咤頒獎禮,一個屬於自己嘅「歌托邦」。今年總共有四十三個獎項,所有叱咤獎項將沿用「叱咤樂壇流行榜 -903專業推介」之歌曲播放率作為統計基礎,而「叱咤樂壇我最喜愛」嘅男、女歌手、組合、歌曲大獎,則由會樂迷投票決定。

「樂壇」

今年嘅叱吒頒獎典禮當然最矚目嘅就當然係「叱咤樂壇我最喜愛男歌手」啦!古天樂喎!項少龍喎!今期流行喎!男朋友喎!好明顯大家都係因為愛所以投票俾佢!但係佢真係現身攞獎,真係估佢唔到囉!雖然好多人覺得對其他歌手唔公平,但係我相信係一個好多人想見到嘅結果!最後古天樂都清唱咗兩三段「男朋友」!真係你敢投,佢咁頒!

「林狗」

每年嘅叱吒頒獎典禮最期待嘅就當然係林海峰嘅棟篤笑啦!作為一個忠實嘅粉絲就當然期待啦!而佢今年應該又會開騷!又要撲飛!唉。。。回歸正傳,今年一開始就由網絡紅人「係窮呀!」嗰個地盤佬嘅一段「年輕人,究竟有乜嘢動力驅使你喺一個暴雨下工作呀?係愛呀?定係責任?」嘅對話開始!咁做歌手究竟係愛呀?定係責任?


Originally published at .

Kenneth Kwok

Written by

到處奔跑的香港人,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作。早於 2009年開始舉「香港數碼分析星期三」同「亞洲數碼分析高峰會」。於 2010 年創辦 Beehive Strategy ,為亞太地區不同企業提供數據分析服務。