無私隱

Kenneth Kwok
Oct 25, 2016 · 2 min read

「身份」

你有無曾經試過係谷歌嘗試搜尋自己個名或者曾經係唔同網上平台所註冊嘅帳戶名稱?如果未試過嘅話,不妨試一試睇下有啲乜嘢結果。分分鐘你嘅結果會嚇你一跳,因為有可能你會搵到一啲你無諗過會搵到嘅嘢。其實由每個人開始上網開始,大家已經慢慢將自己嘅個人資料續少續少咁洩露跟,只不過大家不以為意。所以只要你上過網,其實好難將嚟啲網上痕跡刪除。因為真係無乜可能!

「私隱」

好多人都會關心個人嘅私隱,不過現今嘅社會大家其實每一分每一秒都洩露緊自己嘅私隱。當然好多人會話保護個人資料係好多公司同企業嘅責任,但係其實大家都有責任去保護自己嘅私人。好多時大家都唔會去認真研究嗰啲又長又唚嘅條款。而當大家每日用唔同嘅手機程式或者網絡平台嘅時候,其實就已經將自己嘅私隱慢慢洩露出去。而好多時大家嘅資料都好容易係搜尋器度搵到!

「洩露」

其實真係認識過有人係唔會用某啲網上平台甚至乎唔用智能電話。有可能你會覺得驚訝點解嗰啲人生活係今時今日嘅社會可以完全唔用嗰啲平台,但係佢哋亦唔係無道理。其實佢哋唔係怕科技,而係佢哋避免將個人私隱洩露。當自己嘅網齡係超過二十年嘅時候,你會發現其實真係有可能上網搵到一啲關於你自己好多年前寫嘅嘢。要完全將自己係網絡上面消失真係一件好難嘅事,除非我哋將整個互聯網刪除,咁大家就或者可以將網上面嘅資料完完全全洗得一干二淨!


Originally published at Kenneth Kwok (郭嘉俊).

Kenneth Kwok

Written by

到處奔跑的香港人,畢業於澳洲麥覺理大學工商管理碩士,近年專注數據分析行業推廣同發展。曾從事平面設計,網站開發,企業管理及商業諮詢等工作。早於 2009年開始舉「香港數碼分析星期三」同「亞洲數碼分析高峰會」。於 2010 年創辦 Beehive Strategy ,為亞太地區不同企業提供數據分析服務。

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade