無血性

「冷血」

本來今日諗住寫其他話題，但係晏晝睇到台灣嗰篇新聞真係心情沉一沉。世界上點解有啲咁冷血無情嘅人？點解可以殘忍過嗰啲恐怖分子？一個四歲嘅小朋友天真無邪，開開心心返緊屋企嘅時候，竟然俾人殺害。其實當我睇咗一兩篇報導只係，我真係唔想再睇嚟篇新聞。作為人哋父母真係無辦法想像嚟個世界會有啲咁嘅人存在。莫講係小朋友，如果係大人你都會覺得恐怖！

「生命」

要照顧一個小朋友所花嘅時間同心機其實係要做咗人哋嘅父母先至會體會到，而要親力親為嘅就更加明白照顧小朋友一啲都唔簡單。但係如果有一日自己嘅仔女突然離開咗，我真係無辦法想像我會點。我諗我除咗自責無好好照顧自己嘅小朋友之外，我真係唔知點樣面對之後嘅生活。依家雖然話捉咗個兇手，但係又點？唔通可以補償返一切？

「創傷」

講真其實依家啲人係乜嘢心態，究竟乜嘢人會做出咁冷血嘅嘢？無論係心理或者精神係唔係有問題都好，去殺害一個小朋友真係令人極之憤怒！其實大家講任何嘢同做任何嘢都無辦法去彌補父母嘅創傷。我真係無法想像小朋友嘅媽媽親眼目擊事發經過嘅心情。當然我希望兇手得到應有嘅報應同法律制裁，但係又如何？真係希望唔好再有咁嘅事情發生！

Originally published at Kenneth Kwok (郭嘉俊).