畢加索

「藝術」

最近香港有畢加索嘅展覽,相信大概一定唔會唔識嚟為藝術家!就算唔識佢都應該一定有聽過佢個名!畢卡索係西班牙著名畫家、雕塑家、版畫家、陶藝家、舞台設計師及作家,佢同布拉克都係同為立體主義的創始者,被視為二十世紀現代藝術嘅主要代表人物之一,遺作逾兩萬件。畢卡索亦都係少數係生前「名利雙收」嘅畫家之一。希望有時間去睇畢加索嘅真跡啦,因為真係機會難逢!

「畫畫」

其實我自己係好鍾意立體派時期嘅畫,尤其係畢加索嘅畫。當年自己嘅畢業作品都係有啲比佢感染。而家件作品應該仲係澳洲,下次返去嘅時候一定要影番張相留念。自從離開咗中學之後,真係好耐無拎起過支畫筆,有時都好懷念每日係學校畫畫。相信嗰段時間係自己最開心嘅時間,因為每日返學放學都會留係課室入面畫畫。希望退休嘅時候可以重拾畫畫嚟個興趣啦,係香港要畫畫都真係一件幾難嘅事

「立體」

其實乜嘢係立體主義?立體主義係分開三個階段,分別係破碎,拆解,重整。一般立體主義嘅畫都係由一組或者多組嘅碎片組合而成。睇落去雖然係平面,但係亦都會帶一點立體嘅感覺。有時有啲抽象,只不過大部份嘅作品都係縱橫交錯嘅線條同不同嘅形狀去將複雜嘅事物用一個比較簡單嘅方法呈現出嚟。立體主義同傳統藝術所追求嘅仿真度有好大嘅分別,而立體主義正正就係藝術界嘅一場大革命。


Originally published at Kenneth Kwok (郭嘉俊).

Show your support

Clapping shows how much you appreciated Kenneth Kwok’s story.