真無品

「目的」

有啲人真係唔知做乜事，又唔係同佢有仇，但係唔知點解就不斷抹黑人哋，口沒遮攔。好多人做嘢唔係講求回報，亦都任何特別無目的，只係希望將某啲事情做好。無論認唔認同人哋嘅做法都好，有時講嘢都應該積返啲口德。淨係睇表而唔理解背後嘅原意，甚至乎係道知啲唔知啲嘅情況下去批評人哋做嘢嘅目的，除咗妒忌人哋成功之外，我真係諗唔到有乜嘢必要去抹黑其他人！

「無品」

嚟個世界真係有啲好無品嘅人，經常做啲損人不利己嘅嘢。真係唔明個啲人有啲乜嘢目的同對佢哋有啲乜嘢好處？當然有時唔可以用我哋嘅常理去理解佢哋嘅舉動，只要自己做嘢對得住自己，對得住人，咁就算啲人背後做幾多嘢都好，其實到最後都只會係徒勞無功。人哋無品係佢嘅事，最緊要自己唔好無品，如果唔係只會貶低自己嘅身價，無謂同嗰啲人一般見識！

「面對」

其實要點樣面對嚟啲咁無品嘅人，最好嘅方法應該係唔好理佢哋，當佢哋無癮嘅時候就會慢慢離開你。事關你越俾反應佢哋，佢哋就覺得自己成功。所以唔好理佢哋講啲乜，做啲乜，繼續做好自己就已經足夠。當然每個人一生入面總會遇到一啲無品嘅人，而選擇要點樣對待佢哋就視乎無品嘅程度去到邊。不過有時就算自己唔出手，身邊亦都會有人出手去幫你！因為公道自在人心！

Originally published at Kenneth Kwok (郭嘉俊).