美麗的

「謊言」

你有無講過謊言？每個人一生或多或少都有講過，而有時因為某啲原因會講一啲所謂美麗的謊言。當然好多人都會用好多唔同嘅原因同理由令美麗嘅謊言合理化，或者當時係出於好意，只不過總有一日都要面對現實。有時現實嘅真相或者對當事人嘅衝擊好大，但係總好過事隔好多年之後先至知道真相。當知道真相嘅時候，所造成嘅傷害比起當時或者更加嚴重。

「美麗」

有時真係好難避免要講一個美麗嘅謊言，當然無話啱定錯，只係視乎當時嘅情況而定。而最終你會唔會講返俾佢知個事實，係你嘅個人選擇。無人知道影響會有幾大，但係如果一個美麗嘅謊言係可以幫到人嘅話，你會唔會講嚟個謊言呢？現實真係好殘酷，有時或者一個謊言真係可以令事件由負面變成正面。不論你認同與否，相信總有時候你會覺得講一個美麗嘅謊言係會更加適合同正確！

「現實」

其實有時真係需要將現實話俾當事人知嗎？如果唔係怕將事情變得更加複雜更加失控同嚴重嘅話，一個美麗嘅謊言或者係更加適合。當然紙係包唔住火，謊言就係謊言，總會有一日當事人係有機會知道真相，只係最起碼當時解決咗燃眉之急，唔好令事情更加嚴重，之後點樣處理就真係見仁見智。有啲人真係諗住一世都唔講個真相出嚟，因為講咗又點？真係會令件事好啲嗎？

Originally published at Kenneth Kwok (郭嘉俊).