諾基亞

「難忘」

仲記得好多年前因為公司一個項目要去諾基亞芬蘭嘅總部去開會,亦都係因為嚟個項目去咗芬蘭好幾次。最深刻嘅一定係晏晝收到電話話要後日開會,搞到要臨時臨急訂機票同酒店。由早上六點係屋企出發,先由大連先飛到北京,再由北京飛到法蘭克福,然後再轉機由法蘭克福到赫爾辛基,之後到酒店嘅時候已經係當地凌晨。點知去到酒店一睇電郵先至話個會取消,要一個星期後先開,等我滯留喺芬蘭足足一個星期!

「手機」

相信依家嚟個年代嘅新世代,或者佢哋聽都未聽過諾基亞嚟個品牌!因為通常大家一係就用蘋果,一係就用三星嘅手機為主。但係我相信好多人都會曾經擁有過一部諾基亞嘅手機!雖然近年因為智能手機嘅普及,諾基亞風光不再,亦都嘗試作出改變去應對新嘅競爭同改變,只不過為時已晚差啲幾乎係世界上消失!慶幸嘅係佢哋及時改變策略出售手機業務,再次專注通訊設備,化險為夷。

「案例」

其實諾基亞嚟個例子係一個好好嘅企業教材,高速發展嘅企業係仍然須要不斷調整策略,管理同創新並存!即使做到世界第一我又如何?如果戰略過時,企業仍然會被市場無情地拋棄。諾基亞前行政總裁亦都曾經講過,公司係最鼎盛嘅時期,不願調整策略,而且內部官僚作風盛行,忽視競爭對手嘅創新同市場需求。傳統產業資訊化已經很多年,幾乎所有嘅產業都處於轉型調整期,而且調整週期越來越短,有些機會轉瞬即逝。


Originally published at Kenneth Kwok (郭嘉俊).