貓仙人

「貓咪」

香港好多人其實都有養貓，而係我認識我老婆之前佢已經收養咗我家嘅大哥，所以可以話見證著我哋兩個由拍拖，結婚到生仔嘅歷程！其實貓一般嘅壽命平均大約係十二歲左右，因為貓由九歲開始就已經進入老年期。不過其實大哥點睇都唔似係一隻老貓，因為佢仲好跳跳紮紮，成個小朋友咁。當然佢都有返咁上下年紀，所以有啲老人病亦都唔出奇，最緊要都係佢食得，瞓得，玩得就夠了！

「生日」

我諗如果我一講貓仙人嘅話好多人會以為我講龍珠入面嘅其中一個角色，其實我講緊嘅係我屋企嘅大阿哥。今日佢又大一歲啦，如果用貓齡去計算嘅話，今年佢已經係七十六歲嘅老人家。雖然郭大少出咗世之後我哋少咗好多時間陪佢，但係佢真係好錫細佬，不過大部份時間因為佢怕咗佢，所以一見到細佬就已經閃人。而郭大少都好鍾意佢，一見到佢就好興奮，甚至走去搵佢。希望你可以繼續陪伴我哋左右！

「大佬」

有時夜晚有大佬陪我做嘢真係幾好，佢會靜靜咁係側邊瞓喺度，又唔會打擾我，除咗肚餓問我攞嘢食之外。而大部份時間都好乖，一到冬天我哋開暖風機佢就自自然然識得去霸位。但係有時唔知佢係唔係發我哋脾氣，間唔中就走去某啲位痾尿。不過依家真係少咗同我哋瞓，因為郭大少係房瞓覺，怕有時會整醒佢。希望遲啲等郭大少大多少少嘅時候，佢會好似以前咁同我哋一齊係房到瞓啦。

Originally published at Kenneth Kwok (郭嘉俊).