賣機票
2 min readApr 5, 2017
「超賣」
我諗好多人都或者有試過買咗機票，確定機位，但係上網辦理登機證揀位嘅時候發現揀唔到。之後去到機場又可能同你講因為個班機超賣，要睇下有無人無出現，又或者叫你去搭其他航班去目的地。嚟種情況其實好普遍，因為絕大部份嘅航空公司都會超賣機位，只不過睇下佢哋超賣幾多。當然好多行業都會有同樣情況，但係係客戶嘅角度，超賣其實真係一個不能接受嘅商業行為！
「問題」
如果遇到航空公司超賣嘅情況大家會點？相信好多人都會好嬲，因為明明自己已經俾晒錢，仲要好早已經買咗機票，諗住開開心心去旅行，點知出發前先至話上唔到機！講真俾你都嬲到爆啦！不過啲航空公司就當然唔會理你，你有你鬧，反正佢哋嘅目啲就係要班飛機無吉位！而有時唔好以為大公司就唔會超賣，就係因為大公司超賣嘅情況先至更加嚴重！
「常見」
超賣嘅狀況其實好常見！因為係航空公司嘅立場，一定會超賣，只係超賣位子嘅多與少！通常佢哋會評估航班以往嘅狀況，先至再決定要超賣幾多！而通常大時大節嘅時候，超賣嘅狀況係最嚴重，因為訂位嘅旅客相對比較多。好多航空公司亦都願意付出超賣嘅賠償，亦都唔希望航班有任何一個空嘅座位。譬如來往香港通常都會有較多嘅商務客，而商務客機習性係隨著工作嘅需求臨時訂位或者取消位子，所以唔出現嘅機率好高，如果航空公司唔超賣嘅話就會蝕大錢。
Originally published at Kenneth Kwok (郭嘉俊).
